S

[هاجس الصحو @wwwwewwwe0]

ليت الذي ودّاك يا زين جابك
تشوف عقبك كيف الأيام سوّن

شرق مشيت وغرب وقتي مشى بك
والقلب ما له لايم فيك لو ون

طويتني طي الورق في كتابك
حتى معاليق الحشا لك تطون

إستكثرك وقتي عليّ وغدا بك
عادة زماني كل ما طاب هوّن

إشتقت لأيام الهوى في جنابك
يوم الشموع بليل الأحباب ضوّن

[S @oiilk9]

@Rag1999d @omar0sw مافيه تخصص دقيق بالشهاده

[سَـ @lqqqlu]

الجناب السمّح، والوجه الحياوي
و الكلام الذرب، والنفس النقيه

والعقل و الدين والكف الرهاوي
سبع، تفرض لك حضور و قابليّه

[بَ @az906i]

روحي اللي ما طواها من ظروف الوقت طاوي
لين طاحت في يدين الليل والشمس اعتقتها

الجبال الشّم ملجا الذيب والحر النداوي
وش تبي فيها العنود اللي من اليمّه رقتها ؟

اقبلت مثل الهبايب وابعدت مثل الرجاوي
والله ان كنّي عرفت الحاجه اللي ما لقتها

الوله قاس المسافة و الغلا ساق الخطاوي
لين عدّاها الامان و رحلة البحث ارهقتها

الوكاد اللي جعلني عن مصايدها غناوي
فارعٍ لو تبتسم بين الورود استنطقتها

من كثر ما بينها و بين القمر نسبة تساوي
مستعد احلف لو اخذ منه بصمة طابقتها

القلوب البيض تعرف من تحب ومن تخاوي
ما تغيّرها الليالي السود مهما فرّقتها

كل ما جيت الطريق و قلبي من الشوق ذاوي
ودي اكتب " ايه احبك " فوق لوحة منطقتها

يا مغن الحسن نظرة من وسيعاتك مناوي
آشخصي الانظار فـ العشبة : و تغترّ ورقتها

وش يقول ؟ اللي يدوّر زلته شاعر و غاوي
فالعيون اللي تخلي الأنفس تراجع ثقتها !

في حوَرها ما يعديّ ساحة الشعر الحراوي
و في قصيدي ما يشبّعها و يرضي ذائقتها

صوبتني بـ الوساع وطيّرتني فـ " السماوي "
لابسه كبد السماء الزرقاء وكبدي حارقتها

ما دريت ان كلمة احبك مثل بنج المداوي
لين شافتني صويب وقالت اسمي وانطقتها

[حمد الميموني @Abcd_198o]

مالعب فيني .. ولا وراني نجوم القوايل
غير عذراً كن شمس الصبح تشرق من نحرها

كل مامرت لها دربٍ غدا روض ومسايل
واهني الأرض يوم تمرّها وتخط آثرها

كنها غصنٍ ليا هب الهوى قام يتمايل
خايفٍ بكره هبوب الصيف ، لاتكسر ظهرها

أتحرّاها على وجـه الهبايب والمخايل
ليت تسرق لي هبوب الريح : خصلة من شعرها !

[هاجس الصحو @wwwwewwwe0]

يا سعود كان الناس يدرون عن شيء
اشياء ترا ما تدري الناس عنها

يدري بها اللي يازن الشمس والفيّ
مكفن اسرار القلوب بكفنها

انا بشر شتى هموم البشر فيّ
لو شفتني ماني بجزعان منها

ترا مغير اضحك واجاملكم شوي
وادمدم جروحٍ نبشها —زمنها

[هاجس الصحو @wwwwewwwe0]

يا حبيبي حكمت وخلي حكمك عدال
سوي بي ما تشاء وافعل على ما تريد

الله اللي عطاك وصورك بالجمال
فارقٍ بالبهاء والملح فرقٍ بعيد

من تجي راس ماله ما يبي راس مال
ان حيا جنته وان مات يكتب شهيد

ليت من ينهبه يا سعود ذاك الغزال
ثم يزبن عليهم مثل زبنة رشيد

آه من فات عمره ما اهتنى بالوصال
راح عمري بلاش وعشت عيشة شريد

جل من صورك وكملك بالكمال
اشهد اللي ينالك ذاك حظه سعيد

يا حسين البهاء ما عاد فيها احتمال
باح صبري وحبك كل يوم يزيد

ساهراتٍ عيوني فيك طول الليال
باكيٍ واتقلب كود فيكم يفيد

ما رحمتوا محبٍ قد غدا كالخلال
في هواكم سقيم وصار سقمه شديد
❤️

[وسّمي @wassmii_]

حافظ ٍلك غلا من خلف حدب المحاني
لاتلوم المولع . . كان بيّح كنينه

قوس الألوان في كبد السماء له معاني
هيبة الغيم والأمطار تثبت حنينه

وانت ياللي على بدع القصيد تحداني
تدري البعد . . والغيبه تزيد الغبينه

اتحرى مجيّك . . واحسبه بالثواني
تفضح العاشق اللهفه بوجهه وعينه

انت يا نور عيني من عجايب زماني
القمر فيه منك وريحتك ياسمينه

يا حروف القصيد ويا لحون المغاني
كل وصف ٍنقوله فيك تستاهلينه

ليّن العود جسم ٍكنه الخيزراني
ناعس العين وحجاج ٍيميّز جبينه

إن بديتي . . تهيّا كل شي ٍوزاني
وإن حكيتي يا زين الصوت يا سامعينه

ما يهزم الغياب الشوق وانا تراني
الأول اللي على ذاك الوعد تخبرينه

يوم قلتي ترى للعشق بحر ومواني
ويوم حرفي على رمل البحر ترسمينه

ما طلبتك محبه قلبك اللي دعاني
ثم تعلقت في قلبٍ ما يرحم ضنينه

أقبلي مثل صبحٍ عقب ليل غشاني
عوّدي صوب قلب ٍغالي ٍتملكينه

اشهد ان الزمن والحظ ذا قلبّاني
يوجع القلب والعاشق عسى الله يعينه

— فايز عدينان

[هاجس الصحو @wwwwewwwe0]

"بيني وبين انفجار الصبر حذفة حصاه
ياليت لو بيننا كلمة قريّب بدو

احساسي براحة العزله عطاني قفاه
الراحه الماضيه غدو بها اللي غدو

العام اشوف العلاقات الكثيره غناه
واليوم سلّم علاقاتي هو اكبر عدو

من كثر الاحلام ومجاهد ضغوط الحياه
فاقد شعور السلام الداخلي والهدو"

[S @oiilk9]

كنو برا #النصر_الهلال

[أ. طلال الاسمري @social1434]

لمن سأل عن الشهادات الاحترافيه للتخصصات الانسانيه والاجتماعية تجدونها في الملف التالي https://t.co/C8mbaRwthW

تنزيل تطبيق Adobe Acrobat Reader: https://t.co/D40OtdfjEC

[المركز الوطني لتعزيز الصحة النفسية @NCMH_SA]

أصدر #المركز_الوطني_لتعزيز_الصحة_النفسية حديثًا دليل إجرائيًا وتطبيقيًا شامل لبرامج التأهيل النفسي والاجتماعي المجتمعي، ليكون مرجعًا للفرق العاملة في توحيد آليات العمل وضمان الجودة وتعزيز التعافي والدعم المجتمعي.
https://t.co/VmLF7k88hj

[Lama Alghamdi. @aug_i4]

#ثريد رحلة علاجك تبدأ بخطوة منك!

كثير منا يشيل هم الرحلة العلاجية وتكاليفها،
حبيت أوضح لكم رحلة العلاج "المجانية" عبر وحدة الدعم النفسي بمركز الاستشارات الطبية 937 و مستشفى صحة الافتراضي التابع لوزارة الصحة،
الخدمة متاحة للجميع (كبار وصغار) وبكل خصوصية
👇🏻

[هاجس الصحو @wwwwewwwe0]

"لو يحتضن شوفتك صبح الدوام الملول
يسعد صباح الدوام —اللي عليه الكلام "

[S @oiilk9]

@llliiua_ @grok اختصر لي القصه

[S @oiilk9]

@ab1hr @grok صحيح ؟

[S @oiilk9]

@BankAlbilad السلام عليكم عندي مشكله في التطبيق ماقدرت اسجل فيه سويت تسجيل جديد يطلع اني مسجل مسبقاً اسوي استعادة بيانات الدخول يقول يوجد خطأ

[S @oiilk9]

@NajmKSACare السلام عليكم لو عملت تفويض لاحد الاشخاص وحصل حادث هل يشمل التأمين ؟

[S @oiilk9]

الكلمة السيئة تؤذي ولو ألبستها وشاح المزاح ، والكلمة الطيبة تسُر ولو كانت مجاملة .