شمس

انقل الأشعار و حسب .

[شمس @one11sun]

لي نص ساعه ابكي
متى بيخلص مخزون دموعي

[شمس @one11sun]

ياليت عندي ٦ خوات

[شمس @one11sun]

ياسبايب ضيقةٍ مايشتتها القصيد
قابضتني مثل مايقبضون المكتوي

[شمس @one11sun]

بمشي على الرمضا وبمشي النار
لين الزعل يرضى ياشمعة الدار

[شمس @one11sun]

"عسى الرايح اللي تعلنه هيئة الارصاد
على اخر حدود المملكه من شماليها

الا ارخى ثعوله وانقطع حسه الرعاد
يرده علينا حظ نجد وضواحيها

يفره هواه وينحر العارض المنقاد
تسوقه ملايكة السما ب امر واليها

على ضوح برقه تازن الما على البراد
وتشوف الجبال السود واللي حواليها"

[شمس @one11sun]

ياروح روحي وجرح القلب وعلاجه
الطف بحالٍ عليك الهم ساهجها

اما التفت له وتم الوصل ب امواجه
ولا بلا عشرةٍ هذي نتايجها

وش ينفعك من حنين القلب وخلاجه
وجروحٍ اسبابها انت ولا تعالجها

[شمس @one11sun]

" الزين لو تبعد علينا ضعونه
يكبر غلاه وكن عيني تراعيه
عليه قلبي يابساتٍ غصونه
لا دالهٍ قلبي ولاني بناسيه "

[شمس @one11sun]

"يابنت من صيته يجر الخطاطيب
وراك ماطعتي لرايه ولنتي؟

يومه يباك لواحدٍ كنه الذيب
وقلبك مهاوي واحدٍ كنه انتي"
😔😢

[شمس @one11sun]

اجلس تربّع بالحشا حط مركاك
واشرب من عروق الغلا لين تروى
وامر و تدلل واطلب الروح تفداااك
وشلون افرط بك و انا حيّ و اقوى ؟

[شمس @one11sun]

مرحبا ياهوى بالي وغاية مراده
عد ما الشوق لك فالروح كفى ووفى

[فهيد الحماد @FhNalhammad]

ما يزين وجه الواحد وينوّر
إلا إذا حبّ وانحب
الحب نور إلهي

[شمس @one11sun]

اللهم صل ع محمد

[شمس @one11sun]

اللي ظلمني مسكين
كل يوم اجاهد النوم عشان الوتر ادعي عليه لدرجة انسى ادعي لنفسي
اي نعم انا البعير لاحقد مايفكك

[شمس @one11sun]

نعم انا اللي طالعه بدون شاحن وشحني بيطفي وماعندي الا ولد خالي اللي ماحبه
��ل سأطلب منه وتبًا للكرامه ؟

[شمس @one11sun]

أما تجري دموعك لالتقائي
كما تجري السواقي فوق موقي؟

فإن لم تنتشلني من بعادي
سأفنى في الفيافي قربَ نوقي

[شمس @one11sun]

هلا يا أعز و أغلى كل من ودّا الزمان و جاب
هلابك في خفوقٍ فرّغ الخلّان من شانك

[شمس @one11sun]

"تالي الأيام حتى الحمامه ما تنوح
ظني ان الغصه مقفله حنجورها
ساكته والساكت اكيد لاهي بالجروح
يا حمامه عبرتك ذايقين جورها "

[شمس @one11sun]

استحلفك باللي خلق كل ما فيك
تصدق معي لأن الغلا باح سده
كيف استبحت شعورنا خاب واليك
يومك دريت ان مالنا عنك ��ده
خلت البروق ولا خلجتنا مناشيك
الله ولا حب مضى في حده
فاحت دلال الصبر من جمر مغليك
والعلم يا مضنون لا جاك بده
قلبٍ كفخ بين الحنايا و ناصيك
ان كان مالك حاجةٍ فيه رده

[شمس @one11sun]

شرب على غير الضما يجرح الكبد
وحب على غير المودة خسارة

[شمس @one11sun]

ما ابي شمسك يواريها مغيب
ولو جروحي منك ماودي تطيب
ياللي سعدك منتهى غاااية مرادي
اه كم اشتاق لك