كنتي المحبوبه ولا زلتي المحبوبه
لو ماعاد احبابك اللي تعرفين .. احبابك
والجروح اللي على روض الحشا مكتوبه
فدوتك لو ما تموت وتندفن بترابك
مابقى فيهم من تحطين دوبك دوبه
كلهم راحو ضحايا غيرتك وعتابك
نوب حي اليا ذكرتيني ، وميّت نوبه
لا قفلتي دون وجه الذكريات ابوابك
الغريب إني مع الثنتين مالي توبه
يكفي اني حي ولا ميت من اسبابك
من بعد ما لبس وجه الغموض الوضوح
قلت لـ أوراقك اللي في يديني - سوى
كيف بشرح مدى الخيبه بظني و أبوح
يا لييتها مسأله ماضي وأقول انطوى
يمكن الوقت يتكفل فـ بعض الجروح
لكن اللي أحسّه شي ، ماله دوا .
2:48am
حبيبي وصرنا للعواذل مَحط أنظار
وأنا نظرة العذّال ماني بـ أواطنها
أحبك ، وخايف من غدر وقتي الغدار
ومن حَب مثلك كيف الأيام يامنها
والأعذار ترخص قدر الأحباب بالتكرار
وش الفايده بـ أعذارك أن ما تبرهنها
تغيّرت واجد ليه صاير غريب أطوار
وعود الغرام الماضيه وش بقى منها