كانت الدنيا بسيطة حلم وآمال ونجاحي
كنت أشوف العمر فرحة والقدر حظٍ جزيل
لين ماذبلت حياتي وانكسر ضلع وجناحي
وأصبح الجرح ينزف والحزن حمله ثقيل
ضاقت الدنيا بروحي وهبّت بوجهي رياحي
ومالت أشجار عمري وأختفى الظل الظليل .
يا أغلى مقادير عمري وأصدق آماله
الله يديم الرضى .. ونعيش في ظله
أدور اللي يسرّك و أتعنى له
وأقدّم العمر لك وأقول ..يا قلّه
لي عمر محدٍ وقف قبلك على جاله
ولك قدر محدٍ قدر فالناس يوصل له
لا قالوا الماضي اجمل قلت من قاله
الاجمل انت و عقبال العمر كله.❣️
أعلى رتب المحبّه إن الشخص يتمثل معك
بشخصية مايتمثل فيها مع شخص ثاني
مثل ماقال أحد الشُعراء :
«على غيرك عمى عين وجفا قلب وثقيل لسان
وعليك أنت الخطاوي تسبق أوّلها تواليها»
وأيضاً :
«مع غيرك حدودي ثابتات / ومعك متمادي»
❣️
عليك السلام ورحمته والسلوم سلوم
مازال الغلا بنيانه مقيم ومشيّد
لو اني حزينٍ من سواياك هاك اليوم
لكني حريص ان جيت ماجيت متصيّد
انا داري ان وجه المحبه ماهوب يشوم
تسيّد عليه العبد واستعبد السيّد
- مزيد الوسمي