اسامه الاسمري

استغفر الله العظيم واتوب اليه .

[اسامه الاسمري @os_tt5]

اللهم اجرنا من موت الغفلة ولا تأخذنا من هذه الدنيا إلا و أنت راضٍ عَنا🌱

[ناصر الحمادين @nalhmadeen]

يادارنا قبلة الامة ومهوى القلوب
نفديك باالروح والابناء ومانملكه
..
قيادتك فخرنا بين الدول والشعوب
لو يسلكون البحر معهم نبي نسلكه
..
كم معتدي حاول وحاول وراح مغلوب
سلط عليه الله جنود السماء واهلكه
..
حتى عدوك الى ضاقت عليه الدروب
يلف ويلف ويعود على المملكة
..
يا اللي علينا تشنون الفتن والحروب
القوا بأنفسكم النجسه الى التهلكه

[اسامه الاسمري @os_tt5]

@TameeniKSA تاميني السنه الماضيه ب 1159 و جيت اجدد التامين اليوم طالع السعر 2250 !!!!
بأي حق ترفعون علي السعر ذا 100٪ و سجلي نظيف و لا علي حوادث

[سعود بن مبارك @Saud_almshly_]

يا ولي العهد تسمو بك أبيات القصيد
والمدايح في فخامة سموك تحتّدم

جابك الله يا مّحمد جعل عمرك مديد
تبني الأوطان بالخير ما انته بْتهدم

بلسم جروح المساكين وكْعام الضديد
من ينوشه بطش يمناك يبرك ويخدم

كم كسيرً قد جبرته وكم راسً عنيد
قد فركت عْرام خشمه وخليته قدم

#المملكة_العربية_السعودية

[ٌ @ajm7i]

منقاد لك قلب وعقل منقاد
يا قايد الأَثنين .. و مُرادي

لك الكلام اللي ماهو معتاد
ولك الشعور اللي ماهو بعادي

فيك أنت تِرجم هرجة النقّاد
وشلون أكون الراكد الهادي ؟

وفيك أتغنّى وأقهر الحسّاد
وأهيم بك من وادي لـ وادي

لمحتك تفرحني سنة وش عاد ؟
" لو كان بين يديك مقعادي "

[خالد عون @khalid_oun]

كل ضيقة صدر ما منها نجاه
الحكي عنها ماهو بـ علاجها

أجّل الشكوى إلى بعد الصلاه
يمكن تصلّي ولا تحتاجها

- رفعان العرجاني

[بسطام @______H55]

في ضميري لك بيوت ولك عماير
والحشا لاغبت صلف الشوق هزه
ٓ
ما يرد العين من هل العباير
كون شوفة صورتك في كل حزه !

[ظافر بن فرحان @zafr_frhan]

أنت ساري ليل و مضيّع الأربع جهات
والعمى يحتاج من يرشده ويبصّره

تحتمي في اللي يبي يجعل الأمّه شتات
والخليج يحاول يهوّده و ينصّره

لا تصايح كنّك الكاسيات العاريات
كل تراب وغط وجهك وصوتك قصّره

ما نبي خصمٍ سواتك عليه ملاحظات
يحلق وجهه و يلبس ثياب مخصّره

[ابراهيم عاتق @ebra_4812]

ديمومة الحسن يا زبدة دواويني
يا سبة الفرحه ويا سبة الغصه

انا بنفس المكان اللي تركتيني
اقلّب الخاتم اللي باهتن فصه

لو مارجعتي بموت وما كمل ديني
يبعثني الله وديني ناقصٍ نصه

[فهد آل صبيح @FBH_590]

حبيبة خيالي و الحقيقه على الاشهاد
رفيعة مقام و بنت من منسبه عالي

فداك القصيد اللي زهى ليلك المنقاد
كثر ما تجي و تروح و تمر في بالي

هذا العيد من دونك تجلوا عن الاعياد
انا الحالي اعايدك و احبك الحالي

تحت دبرة الوالي احبك غلا و عناد
مالي قوه بقلبٍ تحت دبرة الوالي

خذيتك على وضح النقى و السيوف حداد
ولا زلت احبك وانتي الجوهر الغالي

سليلة هل الفعل المخلد على الامجاد
وريثة شجاعٍ يقرع الموت من تالي

اشوفك سماء نجدي و اشوفك وطن وبلاد
و اشوفك تعب صبري و حلي و ترحالي

مرام الكريم و غايته و الظروف جهاد
انا منك لا سامح و انا منك لا سالي

تركت الغلا يكبر على شوقي الوقاد
مثل ما تركت الكل و المحتوى الخالي

نديمة نسيم الصبح و ملاوع الاسهاد
جعل فدوتك صبحي و ليلي و عذالي

يزيد الزمن جوره و حبك بعد يزداد
كذا حبك الصادق من اول و من تالي

انا ماني بـ سالم ولا ني ولد شداد
انا واحدٍ حبك ولا هوب متشالي

لقيتك بعد غربه و ضيقة حزن و ابعاد
مثل ما لقيتك حلم في مركب امالي

اصوغ النوادر و اتمادى بحرف الضاد
زهى وجهك اعجابي و حبي و موالي

[قاف @Qaf_96]

يا رب وانت الواحد الوهاب
اللي تجود الخلق من خيرك

منك واليك الرزق والاسباب
تحت امر توفيقك وتيسيرك

انصاك لا سِدت عليّ ابواب
وانخاك لا ضاقت مقاديرك

وان باروا الاحباب والاصحاب
" يالله عليك ولا على غيرك "

- فهد الحمّاد

[مُـتَـشـائِـل ♡ @Kuniv_F]

ولا كنت اصدّق مقولة [ كل قصه نجاح
من خلفها قوّة الهمه ] ، وسود العبي

الين طحت بهوا المجمول سيد الملاح
اللي شرايين خفّاقي . . سبتها سَبي

أثر المعارك ماهي كلّه ، بخشم السلاح
اشد من خشمه الفتاك ( خشم الظبي )

- سعود الخضير *

[دَلال @dalal_alrouqi]

تجارب الوقت تفرض رأيها بـ احترام
والحق وجهه جري ، والصدق مابه حرج

يغيب في ساعة الشدَّه كثير الكلام
ويبين لك طيّبٍ وقت الرخاء ما هرج

— ميلاف

[عبدالرحمن القوس @algoos_a]

بنت جـدّي .. لو اقبّل راسها و احبّ يـدها
برّها واجب ومالي فيه "فضْل" ولا "جمالة"

ودي انها تطلب عيوني وتبشر في سعدها
المردد .. ما يعذره شي من .. عزوة خواله

من توفق في حقوق امه لا ينشد وش بعدها
كان ما يدري رضاها من رضى ذات الجلالة

كيف ينقال اوف للي ما تقول اوف لولدها
( غـيـر لامنه طلب منها تبـرّد لـه بـيـالة )

[قاف @Qaf_96]

يامجمول خوفّني زماني وصرت اخاف
وجودي على الراحة وويلي من التخمين

تضيق الديار الجرد مترامية الاطراف
ليا راح من ليل الشتاء حروة الثلثين

وانا اللي لحقني من زماني صلف وخلاف
ولاعاد باقي للزمن في رقبتي .. دين

دخيلك فديت عيونك وقلبك الشفاف
وجمرة شفاك وخدك وحبتين التين

من باب العداله والمساواه والانصاف
امنعني من البعدين مليت من بعدين

ظروفي مهيب مشببه وانت حكيك جاف
وانا خابرٍ قلبك وطبعك : واعرفك زين !

- ناصر الحمادين

[جابر النشيرا @jaber_nshera]

الطيب ماهوب كله في ( قضيّا اللزوم )
الطيب بذل العطا الواجد ورفض العطا

[العنود الواصليه @anoudfaraj]

عسى ليلةٍ فيها الهوا لاعب النويّر
بعد ليلةٍ فيها المفارق يجر خطاه

اشوف الوجيه العابرة ، عابرة لا غير
ياوجهٍ قدرت ابكيه لكن عجزت انساه

عيوني ثبات الكحل فيها ثبات الطير
لو يهب ذعذاع الهوا رده لـ مرباه

بعد غيبته ، ماتفرق اللي يصير يصير
انا صرت ما خاف الليالي بعد فرقاه

لاقل الكلام و زاد الاحساس فـ التقصير
تصير العيون ان دققت فـ العيون افواه

لو آحسب منسوب العباير من التعبير
ماعندي كلام اعز من دمعي اللي جاه

مع ان ليلة فراقه ما سوت بـ قلبي خير
تجاوزتها ما قلت حتى " فمان الله "

[سلطان بن بتلاء @sbinbtlaa]

أثر الرياجيل تفرق بالمدا والعزوم
والطيب كايد وحزات المواقف محكّ

أحد ٍ على أطرف سبب ماعاد يقدر يقوم
وأحدٍ لو تسكّر الدنيا بوجهه .. ضحك

[مطرب بن دحيم @ben_dhim]

اللهم احفظ السعوديه العظمى
🇸🇦🇸🇦🇸🇦🇸🇦

راس الخميني سقط ياراس ( تنوره )
يفداك، راسه وتاريخه و كرسيّه
'
وانتي سقط دون حدك شرخ ماصوره
حديدةً من مصد الجيش [ عاديه ]
'
تبجحي في ذرى سلمان اخو نوره .
وولي عهده ( وقوات السعوديه )
'

#راس_تنوره
#مصفاة_رأس_تنورة

[محمد بن سلمان بن عبد العزيز (Informal) @HRHMBNSALMAAN]

للدوله قاده و رِجال ، أعانهم الله و وفقهم

[وزارة الثقافة @MOCQatar]

الفائزة بالمركز الأول في الحلقة الأولى من مسابقة مثايل للشعر النبطي (النسخة الثالثة) الشاعرة العنود الواصليه