َ

أن لم تعرفني فأكرمني بُحسن ظنك .

[َ @otaibi9v]

ألذّ الوصال مواصلك وآاحلاا ماذيق
عسل نحلته شفتْك والثغر مسْقطها

غرامك غضً جمره يفوّح عليه ابريق
ترفّق على كبدي ترا البعد شاحطها

تخبْر الدموع اللي سَرَت من عيونك ضيق
لقاها هدَب عيني حزينه ! وقلّطها .

محمد ابن الذيب

[َ @otaibi9v]

وصالك يحيّي عروق الغلا اللي كلها يباس
وهجرك يذبح عروق الغلا اللي مالها والي

[َ @otaibi9v]

هذي نهاية كل من والَف هنوفٍ مترفّه
يضحك مع العالم، وتفكيره وقلبه يمّها

- يحدث الآن وسط زحام الأصدقاء

[َ @otaibi9v]

امانه يا حبيبي لأجل عينك وش بقى ما جبت
لك القلب و لك أبيات القصيد و لك معانيها

معك كل الليالي فارقه حتى "ليال السبت"
لو إني قبل أعرفك كنت واحد ما يدانيها

[َ @otaibi9v]

بيني وبين انفجار الصبر حذفة حصاه
ياليت لو بيننا كلمة قريب بدو

احساسي براحة العزله عطاني قفاه
الراحه الماضيه غدو بها اللي غدو

العام .. اشوف العلاقات الكثيره غناه
واليوم سلم علاقاتي هو اكبر عدو

من كثر الاحلام ومجاهد ضغوط الحياه
فاقد شعور السلام الداخلي والهدو

[َ @otaibi9v]

أعلن الإعتراف .. إنك ختام الحب وإنك نعيم وعذاب
والتجارب مثل هذي ترا تبطي الأيام بـ إنجابها

[َ @otaibi9v]

شمس المحبه للغروب استعدت
ولا عاد لي في ظل رجواك مقيال

ورياح شوقك كان صلفه وهدّت
وظلال عهدك يوم طال المدى مال

وبدو الهيام من المعاليق شدّت
والشوق مثل البدو نازل و رحّال

وكبدي لكل رماح صدك تصدت
و القلب عز الله للحزن خيال

[َ @otaibi9v]

بين صدفه جابها العمر و وداعٍ بـ اختياري
ما عرف قلبي يطيع الواقع أو يرضي ضميره

كنت أظن إن مرّت الأيام بـ يْجف انتظاري
ما هقيت إن الأمل يستمطر اليا جف بيره

كيف صارت وحشة الغربه تغنّي في دياري
"ذبلت أنوار الشوارع" وانطفت شبه الجزيره

[٩١. @rllw_]

"أختار لك ليلٍ أسود سرمدي المهب
من طوله يظن ما بعده يطل النهار"
خالد المقاطي أفضل من وصف حال الليلة ثقيلة الطينة.

[َ @otaibi9v]

عن مناوي غاية النفس تقنعك السنين
ما صفت عوج الليالي ولا دامت لأحد

- هشال

[هاجس الصحو @wwwwewwwe0]

مسني حبه على الضلع القريب

[َ @otaibi9v]

ياشبه وضحىً مقطعها الخرايم عمير
من وين ماودها تمشي يمشونها

في ضفّ يام ترعى من تبوك لعسير
قومٍ ليا وخذت الناقه يردونها

عليك خصرٍ مثل خصر الظبا المستذير
يرمونها لكن أزرو لا يصيبونها

وغمازتينك ونبرتك وشعرك الحرير
من يوم شافتك عيني صرت مرهونها

[َ @otaibi9v]

أجمل ما قيل عن ترك الحاجة وهي لازالت بالخاطر :
عروق قلبي يا السديري معاطيش
أمشي وأنا مقفّي وأعاين خلافي

[َ @otaibi9v]

"كيف أحبّك؟ وأنت مستسهل غيابي واِنتظاري
كيف أعافك؟ والهوى غلّاب، وعيونك غنيمة

طلّ صبحك نوق بدوٍ خيّطت الصحاري
وجيت أدفّ الخوف وأذبّ لمساعيك الخريمة

لا تحاول والحبايب غافلة، والشك طاري
المحبّة ما لها تالي وشرهتها ظليمة

[َ @otaibi9v]

عن غيرها تفرق بالاسلوب والمنطوق
مع زين خد وخشم وشفيّتن ذبله

شعرها على الردفين متثنيٍ من فوق
طويلٍ معنقها ومع زينها قببّله

عين اشقرٍ شاف الحباري وقام يتوق
لمحها هريب مقفياتٍ مع العبله

هو اللي غرامه ساقني بالموده سوق
و ترا من يلوم مولع القلب ياهبله :)

[َ @otaibi9v]

ياكل العوض فاليوم والجاي واللي فات
ياصدفه حقيقية وهي مثل الاسطوره

طراة العلاقة لا تمادت ، على الشرهات
وجاك الولد منعور .. والبنت غندوره

وصالك . . يرجّع نبض قلبي وهو موّات
بس الزين يلعب في غروري يامغروره

ماآعرْف آتحكم في شعوري مع الحلوات
أنا نفسي " آمّارة " على البنت الاموره

[َ @otaibi9v]

أنتي قمر فوق غصن ، وله معنّق غزال
والقاع من تحتك أزين منك ما داسها
– سعود مهدي

[َ @otaibi9v]

صاحبة عرش الجمَال و صانعة دستوره 
سيّدة عذب الوصوف معربن مجناها

ساكنه بأرض القصيد وسابحه فبحوره
كل خصله من خصال المترفه تزهاها

[َ @otaibi9v]

عز الله ان الملح والزين بيّن
من زولها لعيونها لرقبتها

بستان شاميً غصونه تليّن
وَجْدي على رمّانها وعنبتها

"خذَت فناجيل البنات المزيّن
وحطت رجل على رجل وشربتها"

[َ @otaibi9v]

عطاك الله قوامٍ ما عطاه الله بنات الريح
و وجهٍ تنسجم فيه الملامح ملح و عذوبه