Bin Ibrahim ✨

ما سّدو مكاني الواجد وانا واحد .

[Bin Ibrahim ✨ @otb80]

ماني بفارضني على مثلك صديق
ان جازلك قربي تراه ( انجاز لك )

[Bin Ibrahim ✨ @otb80]

والله اللي طرف الليل والنوم استذار
والعيون ارخت هدبها وطاح وليدها

ياعيوني كل شّي . . توقعتيه صار
فكي عقال الملامه وفكي قيدها

مرتكب لي غلطة ما يكفرها اعتذار
ما عرف ليه ارتكبها وليه أعيدها .

[Bin Ibrahim ✨ @otb80]

من واجب الخوّة وطيب الجبلّة
ومن حشمة الميّت نبا نحشم الحيّ

إليا نشدوني عنه قلت الله الله
وأنا أدري أنّه لا الله الله ولا شيّ .

[Bin Ibrahim ✨ @otb80]

يقولون أنت قلبك من حديد و قلت مالي قلب
أنا رجلٍ تحدته الليال و مات من غله .

[Bin Ibrahim ✨ @otb80]

عسى فدانا من الاحلام .. مافاتنا
لاهان ما الوجه بالانسان كله يهون

حنا ذبحنا الحيا من دون حاجاتنا
وانتم ذبحتوا الحيا واخذتوا اللي تبون

سلطان بن بتلاء

[Bin Ibrahim ✨ @otb80]

حتى لو ان الليالي بتمشي ،، هاه ،، هاه
التغافل بعض الاحيان : نوع من النبل !

يوم قالو : راحه البال هي أكبر : غناه
قمت اعامل أغلب العالم معامل خبل

[Bin Ibrahim ✨ @otb80]

دعيت ربي في سجودي ولحّيت
انه  . . يلبّي مطلبٍ ما تهيّا

اقول ياعلّام ما ابديت و اخفيت
ما قلت وين اللي براسه حميّا

[Bin Ibrahim ✨ @otb80]

اتتقّى خلف عقلي ماكشفت اوراقي
العقل شيخ المشاعر والظروف مسفّه .

[Bin Ibrahim ✨ @otb80]

طرا في بالي علطول :

واتمثنى حيهم وتخف رجلي دونه
واستحي من شره النقاد والوامه

حتى لو عذري كبير وعارفٍ مضمونه
بيتهم والله يا دوب تمر من قدامه

وايضاً:

اما انتي الك الهواء والحب جبريه
الشوق ياما وياما ليل سراني

امر بيتك وادق لبيتك اتحيه
ابغي امره لكن العقل يعصاني .

[Bin Ibrahim ✨ @otb80]

صكات الايام لامنها تحدت تحد
يقولها اللي كعمها عقب ما هازته

ويدلك ان الزمن ماهوب صافي لـ احد
حتى الجبل صار يتعكز بـ عكازته .

[Bin Ibrahim ✨ @otb80]

لاطاح معكاز الهقاوي على القاع أثبت على ساق الصبر في محلّي .

[Bin Ibrahim ✨ @otb80]

مابين أذكر وبين أنسى وبين أسعى وبين امل
مراحل والمراحل بينها موتي وميلادي

مساعي غربتي سكة طويلة وإرتحال وحلّ
على وضح النقا وأحدّ صبري وأصقل عنادي

انا ما أعرف أقول إن قالوا العالم تكلّم قلّ
أعرف أشعل سمَا نجد العذيّة وأقدح زنادي

ورى ذاتي قطعت البيد عنوّة والسنين تزلّ
على كفّ العطش والريح شربي والمدى زادي

على شان الشعور اللي ورى حدب الضلوع يطلّ
أخذت الثأر وأشفيت الغليل وجيت له حادي

خذ اخر ما تبقى ياشريط الذكريات وخلّ
ركايب صبري وضحكة شقاي وغاية مرادي .

[Bin Ibrahim ✨ @otb80]

فيه ناس تبرّهم بالميم والتّا
ودك ان الموت ياخذهم هدّيه

حتى لو هروجهم فالطيب شتّى
فـ اللزوم تصيبهم ذيبه قويّه

مالقيت علاجهم موجود حتى
عند مجموعة سلام البيطريه .

[Bin Ibrahim ✨ @otb80]

صواديف بقعا اللي تنزل و ترفع راس
سلامي على صكاتها ، والنعم فيني .

[Bin Ibrahim ✨ @otb80]

يا سلام يا سلام 👏

[Bin Ibrahim ✨ @otb80]

مع حظي المنتكس مدري وش الحيله
دايم يورّدني لـ همّي وغربالي .

[Bin Ibrahim ✨ @otb80]

النضج الحقيقي هو "الزهد في الحياة"
ومعنى زهد عدم التعلق بملذات الدنيا والقناعة بما اتاه الله .

وفي رواية اخرى :

ان بقى لي حب جعله في قلوب اخواني
وان بقى لي ذكر جعل السمعه ابرك سمعه

عايف لذات بقعاء كلها .. من داني
"زاهدٍ ماعاد لي فوق البسيطه طمعه"

[Bin Ibrahim ✨ @otb80]

هوّنتها بـ الفاتحة لين هانت
فكّتني من الضيق سبع المثاني

يحلّها اللي حلّها يوم كانت
أعوج من رْقبة البعير العماني

- موفق السلمي .

[Bin Ibrahim ✨ @otb80]

الحالة السكيولوجية :

"أبي لي كذوبٍ قد وهب قدرة الإقناع
يقول أن تالي العمر خيرٍ من الماضي".

[Bin Ibrahim ✨ @otb80]

لاتكلف فالقبول ولا تتعب نفسك
كان ما الله قابلك ما يقبلونك خلقه

- فارس بن هضيب .