عتيبي ّ

مسايرة الاشتياق مؤذية.

[عتيبي ّ @otibi_lx]

عابرين وما على الدنيا ضمان
يالله الجنه و حسن الخاتمه .

[عتيبي ّ @otibi_lx]

نسوقها في رجاء المعبود لا ضاقت
ما نستمع لـ الضعوف ولا نشاورها

[علي مسفر @3lipoet]

على كثر ما زانت وشانت ما يبس الريق
ما تستاهل الدنيا لا مدحي ولا ذمّي

من المستحيل أسمح من الرزق والتوفيق
لو اني على « جمر المقادير » متحمّي

صغاير الامور يكبّر احجامها التدقيق
وكباير الامور ان جات .. ما فوّرت دمّي

طبيعي اعيش وخاطري ما يعرف الضيق
انا كل ما قلت " الله اكبر " صغر همّي

[عتيبي ّ @otibi_lx]

قل للسنين اللي تراهني على كسرة عصاي
ضربت الأرض لين ثوَّرت الغبار من الصدور

أنا على ما تشتهي نفسي و وين ألقى هواي
محدٍ يحرك وجهة شراعي على السبع البحور

ليا رضيت ؟ أطيّر الحاجة .. و أوصلها سماي
وليا زعلت ؟ أخلي الحاجة دبورٍ في دبور.

[عتيبي ّ @otibi_lx]

ياما تظاهرنا بالعمى وحنى نشوف
وياما محينا الردى ومشينا

لا تحسب لا تجاهلنا حنى ضعوف
حنا على رد الردى ما تربينا

[عتيبي ّ @otibi_lx]

ياللي على دفتر ايامي كتبت و رسمت
ابشرك راحت ايام السهر و الشموع

البارحه مرّ طيفك / بالغلط وابتسمت
ما عادت الذكريات تجيب راس الدموع :)

[عتيبي ّ @otibi_lx]

انا ادري ان الحب ماله قوانين
ودربه وعر و مغامراته خطيره

وانا مشيت بـ دربه الشين والزين
جربت لوعاته وجربت خيره

وبعد انجرحت وذقت طعم الجفى زين
و مليت من تكبير الاخطاء الصغيره

غيبي ، تعالي .. سوي اللي تسوين
الحب وصل لـ مرحلته الاخيره

[عتيبي ّ @otibi_lx]

لا قل الكلام وزاد الاحساس فالتقصير
تصير العيون ان دققت فالعيون افواه

لو احسب منسوب العباير من التعبير
ما عندي كلام اعز من دمعي اللي جاه

مع ان ليلة فراقه ما سوت بـ قلبي خير
تجاوزتها ما قلت حتى " فمان الله ".،

[عتيبي ّ @otibi_lx]

بعدك أنا المشهد إللي صعب تصويره
تمرّ الأيام .. و أوضاعي هي أوضاعي

مشتاق لـ الليل ، و الشرهات ، و الغيره
و مشتاق لـ أسألتك إللي مالها داعي ):

[عتيبي ّ @otibi_lx]

أبطت مراسيلك و حنا ملاهيف
على دفى صوتٍ عليه نتشفق

إن جيتنا سويت فينا معاريف
وإن كان ماتسمح ظروفك .. موفق !

[عتيبي ّ @otibi_lx]

ودي أن الموت ما يختار غالي
ولا يـروح اللي يكـدرنا مـغيبه

والله اني من عنا الايام سالي
لين ذقت الفقد وجروحي عطيبه ..

[عتيبي ّ @otibi_lx]

احشمي ياسود الأيام وجه الكريم
لا تحدينه على الضيق مايستاهله

[عتيبي ّ @otibi_lx]

صباح الخير للمكافحين، أمّا بعد:

تبون الصراحه؟ والله اني بديت انهار
ظروف الحياه اصعب من الي توقعته"

[عتيبي ّ @otibi_lx]

ماعاد تفرق لو باقي العمر صدمات
ماتوجع الضربه على صدر ميت

[عتيبي ّ @otibi_lx]

عفى الله عنك يا حلم ٍ رسمته بالطريق وتـاه
وأنا في داخلي فوضى حزن وأوجاع مختلطه

[عتيبي ّ @otibi_lx]

بعطيك بيتٍ و أحفظه بين الأقواس
حطه في بالك زين لا من قريته

لا تحسبني لا رحت اببكي و حسّاس
قبلك أعز أنسان راح و نسيته

ولا تحسبني شخص عادي من الناس
قبلك تعلى شخص و رحت وطيته

الناس يا ابن الناس أنواع و أجناس
ماكل شخصٍ لا تركني بكيته

[عتيبي ّ @otibi_lx]

اشد من طعن السيوف المحاديب
« شوف الكريم مبهذلته الليالي »

[عتيبي ّ @otibi_lx]

من الحقيقة ليه بس إنفعلتي
إنتي جميلة وجه بس شينة طبوع

كل ما بغيت أرضيك رحتي زعلتي
بالأرض مالي غير روحتك موضوع

الله عطاك أسبوع وإن ما رجعتي
الله كريم .. ويعطي أكثر من أسبوع

[عتيبي ّ @otibi_lx]

استرجع فـ بالي شريط الذكريات
و ان جات لحظات الفراق أسرّعه

[عتيبي ّ @otibi_lx]

ضاق صدري من الدنيا واكتفيت
اسمحولي م عاد اوثق في احد

ماني اكثر شخص بالدنيا وفيت
لكني اكثر من تجمل وانجحد

[عتيبي ّ @otibi_lx]

بدا يعيش الخوف في قلب الشجاع
وبديت امل من الحياة الفانيه

و المشكله مدري متى يوم الوداع
و مدري متى يوم القطوف الدانيه

لكن على طاري الضياع وماضياع
" انا بديت اضيع .. مره ثانيه :)"