Abdulmajeed

اتركوني في متاهات الخيال الجرهديه لين اسوي صلح بين الممكنه والمستحيله

[Abdulmajeed @p1tf5]

إنّ اللهَ وملائكتَهُ يُصَـلُّونَ على النبي يا أيها الذين آمنوا صَلُّوا عليه وسلِّمُوا تسليما}

.. اللهم صل و سلم على نبيك محمد

[Abdulmajeed @p1tf5]

هايفّت شمس العصَير وطاري الذكرى شعاني
واعنّا اللي مع غروب الشمس تطري له طواري

[Abdulmajeed @p1tf5]

يا صاحبي الله يمسيك بالخير
عقب البطا بنشدك وشلون حالك؟

من بيننا رفقه ومعزه وتقدير
وقل اتصالي يوم قل اتصالك

قفت بك الايام من دون تبرير
وجعل الفرح والطيب فالي وفالك

وإن بعتني من شان هرج المعاذير
ياما حكو بك واحتمينا مجالك.

[Abdulmajeed @p1tf5]

خل ابو نوره يغني لو يزيد احزاني
البشر ما عاد تفهمني وانا مافهمها

خلني في هالمكان وعود وتلقاني
اتحرى جية اللي جعلني ما عدمها

في ذهابي دايم اختار الخيار الثاني
الخيار الثاني اشواها ماهوب اسلمها

مذهبات الروح شوق وحنجرة جيزاني
ومذهبات العقل حْمر وحبةٍ من فمها

[Abdulmajeed @p1tf5]

شفته رجع وقلت الله محيّيك
وشلون جيت ورجعتك مستحيله؟

وفزيت وأثره حلم والدمع يرثيك
معذور يا أغلى من ذبحني رحيله

[Abdulmajeed @p1tf5]

أن كان حبي لك هو أعظم خطاياي
ما اقول يانفسي عن الحب توبي

أجمل خطاياي و اخر حدود دنياي
و أصدق معاذيري و اطهر ذنوبي

[Abdulmajeed @p1tf5]

أنا لو ينسيّك الزمن ماني بناسيك
محبتك قصة ما أقدر أكتب نهايتها

لو الوقت يرجع قبل أعرفك وقبل أجيك
وقبل الهقاوي تنثني دون غايتها

بروح أنتظر في أول مكانٍ جمعني فيك
وبعيد تجربتي معك من بدايتها

[Abdulmajeed @p1tf5]

الشوق شرّع للبكاء باب الأهداب
أوّاه من شوق غلبني يمينه

لي غايب عن مقلة العين ما غاب
سيف المنيّه حال بيني وبينه

تسأل عنه شرفة شبابيك الأصحاب
والدار والسكة وضي المدينة

توي عرفت ان الاماكن بالأحباب
اثر الاماكن دون أحبه حزينه

[Abdulmajeed @p1tf5]

كل فزة شمس أهدي لك قصيدة
خايف إنك عن حياتي تغربين

ولو تغيب الشمس تبقين الوحيدة
مشرقة تسطع على روحي وتبين

ما أبي في دنيتي شمس جديدة
بس أبيك أنت بعمري تشرقين

[Abdulmajeed @p1tf5]

« صار حبك مثل الايام من عمر السجين
تنحسب له في حياته ،، وهو ماعاشها »

[Abdulmajeed @p1tf5]

يا ام العيون الناعسه يا عذابي
يا غدير القلب ويا جمال الشاذليّة

ياجمالك لا زعلتي من غيابي
ويا وقارك بالحياة الفوضويّة

إن حضرتي صارت ايامي شبابي
وإن غبتي صارت الدنيا سرمديّة

لك ذهابي ولك يا عمري إيابي
انتِ كل العمر والدنيا مديّة

[Abdulmajeed @p1tf5]

كانت أهدافي و غايتي رضاك
وكنت لعيونك أسوي المستحيل

بس حسيت إني مكدر صفاك
وأكتشفت أني على قلبك ثقيل

شفتك تجاملني و تبعد خطاك
وشفتك تحاول مع غيري تميل

ياغناة الروح مني وش جاك ؟
ليه عن قلبي تدور لك بديل

[Abdulmajeed @p1tf5]

سلامي على اللي كل ما حن قلبي جاه
ويشوف الجهات الأربعه صوبه متاحه

لقيت أبتساماتي رهن ضحكة محياه
ويضيع الكلام ويعجز لساني أفصاحه

يصب السوالف صبة الكيف من يمناه
على مسمع خرمان.. حتى تنحاته

[Abdulmajeed @p1tf5]

وإنّ تطرّقت القصايد ولا وفّت غلاك
يكرم البيت المسكّت من البيت الركيك

أنت لو تطلب ما ضمّت ضلوعي قلت جاك
اسهج الضلع الموالي واخذ ممّا يليك

[Abdulmajeed @p1tf5]

بين صدفة جابها العمر ووداع باختياري
ما عرف قلبي يطيع الواقع أو يرضي ضميره

كنت اظن أنّ مرّت الأيام بيجف أنتظاري
ما هقيت إن الامل يستمطر اليا جفّ بيره

كيف صارت وحشة الغربة تغنّي في دياري
ذبلت أنوار الشوارع وانطفت شبه الجزيرة

[Abdulmajeed @p1tf5]

أنتي قمر فوق غصن وله معنّق غزال
والقاع من تحتك أزيّن منكْ ما داسها

أخاذة الزين ، ميّادة ، عصّية منال
وأملَح من اِلتحفت الشيلة على راسها

قدام هذا الحسن مالي سوى الامتثال
يا عقلي اللي خذتكْ الظلم نبراسها

بـ تظّل تسقيك لين توصّلك للهبال
ما تكتفي لين تِذهب عقل نواسها

[Abdulmajeed @p1tf5]

يافاتنه في كل يوم وفي كل حال
يا اغلا من الدنيا على مفتونها

لو دوّروها في جنوب وفي شمال
يدور مية عام ومثلها ما يلقونها

ياشيخة الخفرات ربات الجمال
يالفارقه بحضورها وبدونها

خلي عيون الطير وعيون الغزال
عيونك اجمل من جمال عيونها

[Abdulmajeed @p1tf5]

من راح جعله ما يعّود إليا راح
خلّ الغشيم يلاعب الريح خلّه

دام القلوب صحاح و الخطّر صحّاح
ماني على ما قيل طرّاد زله

يا عنك قلبي ما تضايق و لا فاح
من جاء محلّه سد فرجة محلّه

من راح تومي به على خفّ و جناح
أكسر على فرقاه فنجال دلّه

[Abdulmajeed @p1tf5]

كن في عينك سلاح وكن في رمشك ذخيره
ونور وجهك يا جميله يعتبر لـ العين قره

نظرتك هذي حياه وطلتك هذي مُثيـره
كيف وجهك لـم شمل المُعجزه لله دره

خطوتك من خلقة الله بختره مثل الاميره
من غرورك كنك صروح الجبال المشمخرة

[Abdulmajeed @p1tf5]

تذكرتك وانا من الشوف ملهوف
والعين تبكي تبي من يواسيها

اشتاق لك شوقً ماينوصف بالحروف
شوقٍ يهدّ عزوم نفسي ويطويها

عزي لحالً حدّته سود الظروف
أعلى روحً… راح فكري مع لياليها

[Abdulmajeed @p1tf5]

معك من وين ما ودّك بلا مرسّى ولا ميقاف
معك لو مالت أوراق الشعور المنهك الذاوي

معك حتى لو سنين الحنين الماضيات عجّاف
معك حتى وانا مدّري علينا الوقت وش ناوي

معك لو غاب درب اللقاء وبعِدنا ميلاف
معك لو خاننا التوقيت واحتار الزمن ناوي