ده خلاني اشوف ان ازاي اكتر ناس في مصر بنشوف انهم privileged ما زالوا في سياق العالم محتاجين يشرحوا نفسهم. ومش عيب على فكرة لان مع الامتيازات بتيجي مسئولية ووعي وكلام كتير. بس ده بيحط كل حاجة في حجمها الحقيقي.. نحن في الأصل ننتمي لعالم بيعشق ادانة الناس المختلفة الغير مفهومة.
العالم اللي أميرة أديب غصب عنها مرتبطة بيه منفصل بشكل فج عن العالم بتاع أصدقائها اللي بينتموا ليه. بعد الفيديو بتاع الfriendship marriage هي طالعة تفهم الناس واصحابها يا حبايبي لسة بيعملوا content عادي عن الموضوع كأن لم يحدث شيء. يعني كرم وليا والناس دي ماعندهمش ذرة احتياح للشرح.
في ناس كده في الحياة و الشغل مش ببقى عارفة احدد موقفي منهم. انتوا شاطرين في شغلكم ولا شاطرين في تلميع نفسكم؟ انتوا مكملين علشان عملتوا حاجة ولا مكملين علشان محسسين اللي حواليكم انكم لو مشيتوا الدنيا هتقع؟ الناس بتحترمكم علشان انتوا ناس واضحة ولا بتحاول تريحكم علشان انتوا متعبين؟
قريبتي انهارده فكرتني ان وقت ثورة يناير هي كانت مبيتة عندنا واحنا مش فاهمين في ايه، وإني كنت رافضة اذاكر (كنت في تالتة ثانوي) ولما ماما تقول لي يا فيبي مستقبلك اقولها: "ماما! في حاجات مهمة وفي حاجات أهم!!"
واحشني اوي النسخة مني اللي كانت فاكرة انها هتغير العالم.
امبارح وانا قاعدة في الشغل وعمالة اندم اني دخلت صيدلة كالعادة حصلي مشهد زي نقطة التحول الدرامي اللي في الافلام والله بنوتة دخلت زي القمر واثناء ما بكتبلها جرعات العلاج لقيتها بتقولي (هو انا لو عايزة ابقي زيك كدة اعمل ايه )انا مفهمتش ف قولتلها صيدلانية يعني؟ قالتلي ….
كل ما افتكر ان وأنا في اعدادي كنت بروح ساقية الصاوي وكنت في كورال هناك وهغني في حفلة اغنيتين "ساكن في حي السيدة" و"تسأل ليه عليا"، بعدين تيتة اتوفت فمحضرتش الحفلة وماغنتش افتكر قد ايه ربنا رحيم بالبشرية انه انقذهم من صوتي🙃 كان زماني مصدقة نفسي اوي.
الايجو هيزورك كل حبة وهيجيبلك معاه رزمة ذكريات علشان تسند مشاعرك بالإحباط والخذلان. حاول بس ساعتها ماتنساش انه متنكر بقاله فترة في صورة احتياج غير ملبى.. وانت كل مشكلتك ان القناة اللي بتديلك فضيت والايجو جاي يقولك عايز كماان والنبي.