تحضير الاسبريسو خير مصداق للعلاقة السامة:
• اكثر مشروب تتعب بتعلم تحضيره
• بعد ما تتعلم تحضيره، نسبة الخطأ مازالت عالية
• الخطأ البسيط = خطأ مدمر
• تستهلك بن كثر قهوة الفلتر
• تنتج لك كمية صغيرة جدا
• تخلص بسرعة
• تبرد قبل لا تخلصها
بديت احس الموضوع يمس كرامة الفرد
تدري تقدر تتعلّم تصنع القهوة على إيد مختص بهالمجال؟ الصديق والأخ والعضيد @phi_coffee وصدقني لو كنت تبي تتطوّر بالمجال بكل سهولة فـ "سلام" من أجمل الشخصيات إلي تقدر تتدرّب ويّاه، والجميل إنها مسجلة وتقدر تشوفها كل وقت على الموقع مباشرةً ..
https://t.co/DlqhjfnBN7
كوب القهوة الناجح ، عبارة عن
نجاح لـ ٣ ركائز في نفس الوقت، وهم:
• نوع قهوة
• التحضير الجيد
• تذوق التحليلي
اذا اختفت احد الركائز
فهذا كوب نجح بالصدفة
يصعب تكراره
في صناعة القهوة
ماتقدر تبدأ من المنتصف
لابد السلسلة تكون كلها ناجحة
لابد المزارع يهتم بالمحصول
عشان يقدر المحمص يطور المذاق الجميل
عشان المحضر يقدر يسوي استخلاص فنان
سقوط او فشل واحدة من هالحلقات يؤدي الى ضرر اكيد بالنتيجة النهائية
لهذا ..
محضر القهوة يحتاج ان يكون عنده فكرة كافية ووافية بما يتعلق بالمراحل الي تسبقه
للعلم ، الكافيهات المحلية ،
قهوتهم الي يقدمونها عالية الجودة، وتكلفة القهوة عليهم اكثر من الضعف مقارنةً بتكلفة القهوة للشركات العالمية ، اذا مو ٣ اضعاف.
بدون مبالغة، انا اشتغل في هذا القطاع واعلم علم اليقين،
ورغم هذا ، يبيعون القهوة بسعر اقل ، او بنفس سعر الشركات العالمية،
بنظري، ولو كانوا يبيعون بنفس السعر ، فيعتبر ارخص لان الجودة اعلى.
من الكافيهات الي انصح فيها:
• كافيين - الشويخ
• فورتي ايت ايست - السالمية ( محمصة و يقدمون قهوة)
• ايرث - السالمية
• كاف
• جبلة - مجمع السنابل
• ستوك رووم - مروج
• سبيس كافيه - بالديرة
• مزج - الشويخ
• RND - صباح السالم + الشويخ
• توينتي قرامز
• ask - العارضية +الشويخ
• محمصة air - الشويخ ( محمصة ويقدمون قهوة)
• roots - الشويخ (محمصة ويقدمون قهوة)
• وايت - الشويخ ( محمصة ومقهى)
• ريتشاردز - الشويخ
• فوكس - المنقف
• وينق - الجهراء
• تامبر - الشويخ
• قراڤيتي - ابو حليفة
• كافا
اليوم سوق القهوة كبير جدا ومتطور جدا في الكويت.
وفي العديد من المحامص الي تقدم البن والمحلات الي توفر ادوات تحضير تقدر تصنع قهوتك بنفسك اعلى جودة
علوم القهوة اصبحت متاحة بالكويت، ويقدر اي واحد يتعلم يختار القهوة بناءً على تقييم حقيقي بدون لا يتاثر "بالبراند" وان شركة عالمية فتلقائيا يعتبر افضل شي، لا ..
علوم القهوة تطورت والي حاب يتعلم ويتطور بهذا المجال اقدر اساعده ويكون محترف في صناعة وتقييم القهوة.
اللي بيقاطعون ستاربكس، كفو عليكم (انا مقاطعته من سنين الا في حالات الضيق والحرج الشديدين)
النقطة الوحيدة اللي عندي تعليق بسيط عليها: مطالبة البعض من اصحاب الكافيهات المحلية ان يقللون اسعارهم
اغلب الكافيهات المحلية (باستثناء بعضهم) نفس سعر ستاربكس اذا مو اقل وطعمهم افضل وجودتهم أعلى (ومبادئهم أحسن)
مثال على الاميريكانو، فرق السعر بين ستاربكس وكافين (كافيه محلي)
(وتقدرون تطلبون عن طريق vthru مثلاً وتحصلون نقاط وتطلعلكم اشياء مجاناً)
*مو عن دعاية ولا شي، لكن نقطة حبيت اذكرها بما اني كنت اشتغل بالمجال 🙏🏼