‏عبدالله‌الروقي

[‏عبدالله‌الروقي @pil9i_]

فضل الوطن والام ماهوب محصور
هذا الصحيح ومن يخالفك قله

امك تشيلك في العمر تسعه شهور
والا الوطن يشيلك العمر كله

[‏عبدالله‌الروقي @pil9i_]

طاحت علي الشمس ومع الشمس مدري ويش طاح
الحاصل إن الشمس .. ما طاحت علي لحالها

[‏عبدالله‌الروقي @pil9i_]

لاشك بصبر لو ان الصبر متعبني
نفسٍ بلا صبر ماتوفي مطالبها

[عفاس بن حرباش @3faas]

ياطول ليل الحوثي اليوم طولاه
بالعسكرية خل عنك السياسه

اللي دعمه بمال بنقص يمناه
واللي دعمه براي بنقص راسه !

[‏عبدالله‌الروقي @pil9i_]

عن شعور الهقوه تخيب ولا ماتخيب
سامحٍ من ساير الناس طيب ورخمه

[‏عبدالله‌الروقي @pil9i_]

سوالفٍ تقلط وترجع مع الباب
يحتاج سامعها لفترة نقاهه

وسوالفٍ تقلط مقاليط الأجناب
ينصت لها الرجل وتشد انتباهه

[‏عبدالله‌الروقي @pil9i_]

كبَرت وشافت حالها حلوه وشافت حالها .

[‏عبدالله‌الروقي @pil9i_]

اثر ضياع الغلا كنّه ضياع الجميل
لا صار في واحدٍ ماهوب يستاهله

[‏عبدالله‌الروقي @pil9i_]

@b4zn_ ان سمحت لي مراسمها الأميريه
وقعت لـ المبدعين بختم امارتها

[‏عبدالله‌الروقي @pil9i_]

م يشاف الرجل بالعين الوسيعه
كود لامنه فزع لـ عيال عمه

[‏عبدالله‌الروقي @pil9i_]

ناح الحمام الي ماهوب القمري
على الجدار الي ماهوب مليّس

وسمحت من عمري وانا ماعمري
سمحت لي من حاجة إلا ميّس

[‏عبدالله‌الروقي @pil9i_]

قلبي الي غدى به يالله المستعان
يالله اكتب نجاتي واقسم الخير لي

روّحت به هنوفٍ عودها خيزران
والخطاوي ثقيلة والشعر كيرلي

[‏عبدالله‌الروقي @pil9i_]

آمري واخطي علي .. وعلى الاعتذار ؟
انتي عينك حرف عطف وجمالك فعل امر .

[‏عبدالله‌الروقي @pil9i_]

خصرها مثل استكانة شاي باب الحاره
وردفها ماكنه الا باب حاره كامل ..

[‏عبدالله‌الروقي @pil9i_]

طراة الرفيق الي لا سولفت معه ارتحت
تسولف معه كنّك تسولف على نفسك

[‏عبدالله‌الروقي @pil9i_]

ان جاتني كلمه ماينفع بها الطيب
من ضايعٍ في هرجته ماتقدا

اشوم عنها شومة ذعار ابن ذيب
يوم ان ابن عمه بحقه تردى

[‏عبدالله‌الروقي @pil9i_]

حنا كسبنا المدح واوضاعنا ماش
وشلون لو اوضاعنا مستتبه

[‏عبدالله‌الروقي @pil9i_]

قلي كلامٍ زين يمكنّي ارتاح
ولا كلامٍ شين يمكنّي اسمح

[‏عبدالله‌الروقي @pil9i_]

انزل لتفاحتك وارقى لجمرك واذوق
اشوف ريقك خدر والا بعد ماخدر
- مطلق بن شويه

[‏عبدالله‌الروقي @pil9i_]

فتحت لك صدري ياحبيبي زرار زرار
هذا بيتك وبيت امك وبيت ابوك العود

وتحتلني وتحطني دولة استعمار
وانا فالسعوديه تحت راية ابن سعود