علي بن سالم

شاعر.

[علي بن سالم @po56i]

ياوجودي وجد من شوقه غدت ذكرى ليالي
النصيب اقفى عليها لأسأله ولاسالها

[علي بن سالم @po56i]

كفي دموع عيونك ونامي الليل
ياجعل يفدى دمعة الحره الكون

لو انها بالروس ومّراوح الخيل
علمت ابيك ان الرياجيل يشّرون

[علي بن سالم @po56i]

وش يبكي نجلك السود يالضبي الفروع
ماني معود عيونك تدامع من شقى

كل مره قولي ان فيه خطه للرجوع
مَنّي النفس الشقيّه لو اني ماهقى

اذخري حر تعازي معا حر الدموع
لا دريتي بأني الفاني اللي مابقى

لاغدت بي سود الايام بفراقٍ يروّع
الفراق اللي ماقبله ولا بعده لقى

[علي بن سالم @po56i]

علي بالحرام اني لـ احبك ليوم الدين
عسى الله لايغيّبك من قلبي وبالي

محارب عشانك كل طرقاً وسيعة عين
والى الحين وانا فدوتك حالي ومالي

صدوق الوعود وقلبي اللي تعرفه زين
ماعلمك في اللي تعرفه زين يالغالي !

معوّد علي بلاي الاول وانا ذلحين
اواجه لحالي ما تركتيه في حالي

[علي بن سالم @po56i]

من حبك القلب لايشبع ولايروى
لكن قصيدي بـ حبك ماتهيالي

مابيك ليلٍ طويل وقصةٍ تروى
ابيك زاد الطريق وجنة عيالي

[علي بن سالم @po56i]

ماعاد لي في البنات العوب
حتى لو الوقت يضحك لي

من رد يوسف على يعقوب
ماهوب عاجز يردك لي

[علي بن سالم @po56i]

مرثية

[علي بن سالم @po56i]

تدري ان عمر الهوى مايحركني
والغلا والحب باقي بقاياها

ضمني يامايس القد و اتركني
اتصفح سيرة الحب واقراها

[علي بن سالم @po56i]

غايب وتبغيني انسى منْك هذا كثييير
ماتدري ان عادني للوصل ادور سبل

تهديني الورد وتقول انسني ! مايصير
من اربع سنين وردك حافظه لو ذبل

[علي بن سالم @po56i]

تعبت وونست المواجع وانا شاب
ولا فيه حضنٍ يوم طحت احتضني

حتى انت ياللي كلك عيون واهداب
خيبت ظني ليه خيبت ظني ؟

[علي بن سالم @po56i]

كل ماقالوا تصفّح رياض الصالحين
قلت ويش الصالحين ! الرياض رياضهاا

[علي بن سالم @po56i]

يامل قلبٍ علته ماتخليه
في كل ليل توقضه من منامه

حبيبك اللي كل حاجه تواسيه
باقي الجماد يحايله في ابتسامه

حتى بليسه عاجزٍ عنه يغويه
ماله رفيق الا العتب والملامه

اصلف على روحه وشقى غواليه
في رحلةٍ ماهيب ويا السلامه

يسوق رجله في حراويك ويتيه
زاده من دموعه وعضة بهامه

[علي بن سالم @po56i]

كل ماقالوا تصفّح رياض الصالحين
قلت ويش الصالحين ! الرياض رياضهاا

[علي بن سالم @po56i]

فلي حجاجك واسمعي صوت الاذان
وأدعي لـ قلبك مايذوق الهزيمه

انا معك ماني بضدك من الآن
ومن قبل وانا نيتي لك سليمه

ضحيت في حبي وقلبي على شان
اعاونك في التوبه المستقيمه

جنبت عرضك موقفٍ فيه نقصان
ماهوب خوف الا مراجل وشيمه

[علي بن سالم @po56i]

لقد مزقتني فتاة ذات يوم عندما أثنت على رسالة حزن كتبتها لكِ وأنا في حالة شوق مؤلمة.

[علي بن سالم @po56i]

@nasr_974 سلمك الله

[علي بن سالم @po56i]

ياجعل القصيد اللي معي مايشوف النور
يكفيني اللي عارفه طرقي وقافي

انا الشاعر اللي مادروا عنه الجمهور
يا كم بيت حزنٍ لي وينسب لمتعافي

[علي بن سالم @po56i]

@m_3an3 الله لك

[علي بن سالم @po56i]

ضحكة محياك

[علي بن سالم @po56i]

يا بو ألب حياتي فـ دئاتو