شلون أشرح بإني مُتعبه من الأيام والنّاس ونفسي، وبإن فيني من الضيق ما يكفي لعشر صدور شلون أعلمك بإن ما عاد العمر وأشياء العمر تغري وكيف لي أعلمك بـ إن :
"أنا ماني على بعضي ولا بَعضي علي ملتم، عجزت أثبت على أرضي وأحس كل الأماكن هم" بدون ما يوضح لك إني أبالغ ؟
يا ربّ إذا أخذت روحي، خلِّ ذكري بين عبادك طيب، وأثر خطاي الحنون ملموس يلوّن أيامهم، يا ربّ ما أبي أكون الندبة بقلب عزيز، ولا الأذية لعابر، ولا الكدر لأي خاطر في هذي الدنيا.
يا ربّ يتذكرون مني بسمتي، محاولاتي، إبهاجهم، وسعيي الدائم لجلب السرور والمسرّة