فـارس فـالـح

اللهم حسن الخاتمة 🤍.

[فـارس فـالـح @q2okkk]

السلام عليكم
صبحكم الله بالخير ✋🌹

[فـارس فـالـح @q2okkk]

السلام عليكم
تقبل الله طاعتكم ✋🌹

[فـارس فـالـح @q2okkk]

السلام عليكم
تقبل الله طاعتكم ✋🌹

عسى الساتر العالم ما فـ القلب والغيب
مـا ننـصا مـن اللي فـي عـطاه يـتبـاهـا

لايـخطـر على بالك تشـاور على الطيب
تمـس الرجـال الـوافـيـه في حـشـاهـا

#فارس_فالح

[فـارس فـالـح @q2okkk]

ترى بعض الكلام رصاص لاصار اللسان زناد
ياليت الادمي ما يهرج اليا ضـاقت أخلاقه

[فـارس فـالـح @q2okkk]

@ut31i سلمك ربي من الشر يابو خالد🌹🌹

[فـارس فـالـح @q2okkk]

على الموتر الي ماركد سيره الملفوف
انا ارتاح لامني اسولف لسكانـه

تطوف السوالف والمواقف علي ماتطوف
على البال طاري شـوش الفكـر واذهـانه

أنا مـايهـمني هرج نـاقد ولا ملقوف
ولا اسمع ضعيف الراي لو يشكي احزانه

بلاي الهقاوي كبرت ناكر المعروف
ضعيف الروابع جاحد السلم واركانه

#فارس_فالح

[فـارس فـالـح @q2okkk]

السلام عليكم
صبحكم الله بالخير ✋🌹

لا تحدني ياصاحبي وتعسرني
وانت القريب الداري بكل ما في

الوقت عيا لا يطيع و جبرني
واقول هانت مير تزداد في سي

يا الله تكفيني ،،، ولا تختبرني
من جيّت قريّب وانا مامعي شي

#فارس_فالح

[فـارس فـالـح @q2okkk]

السلام عليكم
مساكم الله بالخير ✋🌹

[فـارس فـالـح @q2okkk]

ترا الكلمة الزينه على قلوبنا مفتاح
تونّس جريح القلب وتهوّن العله

مساكم الله بالخير ✋🌹

[فـارس فـالـح @q2okkk]

حاجتك مالها إلا اللي يثمنها
بالفعايل مهوب بصيحة الصايح

" أصبر شوي لين الله يزينها
لاتعنز على كتفي وأنا طايح "

والله أن أنتصف لك لو أطينها
ويلزم أسمي لسان الجاي والرايح

💯

[فـارس فـالـح @q2okkk]

الخبل ماتفرق معه والنعم ولا والتراب
ماعنده الا ماعليكم زود هيا حلها

[فـارس فـالـح @q2okkk]

صبيت دم الذيابه في حلوق النعاج
وقامت علي الوعول تطوّل قرونها

ماداني البهرجه والدحرجه فالعجاج
وناس لحب الظهور تحزم بطونها

[فـارس فـالـح @q2okkk]

لا صار ما تقضي لزومك من الدرج
ما عاد ينفعك الرفيق القريّب

ان مانفع بالضيق والماقف الحرج
وقت الرخا كل ٍ شجاع ٍ وطيّب

[فـارس فـالـح @q2okkk]

اوا حزني اللي كل ليلة يزيد شوي
ألين امتلا صدري و خانتني جفوني

اجر الونين ولايع وكني المكوي !!
ليا قيل كيف الحال متغير ِ لوني

من الصاحب اللي غيبته توجع وتذي
ليا غاب عني يوم لا لا تكلمونـي

انا اغليه واعزه // وهو طيب ومثني
علي الحرام ،، ان شوفته قرة عيوني

# 🖊️

[فـارس فـالـح @q2okkk]

شابع ٍ من جور وقتي ومنهكني غثاه
لين حتى بسمتي منه صرت ابوقها

لي ثلاث شهور اكابر وفي صدري بلاه
فيه نار ٍ تتعب اطلق شنب بحروقها

اتناسا واتسالا ولا حولي سلاه
واتظاهر بالسعاده وانا ماذوقها

[جابر النشيرا @jaber_nshera]

المدح مايوخذ كذا بالتساهيل
لو تدفع من المال مبلغ وقدره

من شاف قدري من ورى الجدي وسهيل
شفت الجدي وسهيل مندون قدره

ماودنا ندخل معك في تفاصيل
حنّا نعرف ان ( المطاليق ) نُدره

واللي ينطّحها وجيه المقبايل
انكان مانت بـ ناطحه لاتغدره

ماحدنا نرسل عليك المراسيل
الا زمان ٍ مالنا فيه قُدره

من ضاق صدره من لزوم الرياجيل
لاعاد يضرب لـ الرياجيل صدره

[فـارس فـالـح @q2okkk]

مافيه حاجة تستحق الحسايف
غير الرفيق الطيب اليا تغيّر ..

[فـارس فـالـح @q2okkk]

اواه ياحزني اللي هشم ضلوعي
ودمر حياتي وخربها وضيعها

اصد وابعد عن الاصحاب وربوعي
كثر التنهات حتى الروح موجعها

ياكثر ما اجلس لحالي وانثر دموعي
عليك ياللي حبال الوصل قاطعها

[فـارس فـالـح @q2okkk]

من كثر مااسري على الجيب لاحل الظلام
شك بعض اصحابي اني مروج للحبوب

مادروا عن همي اللي عليا بالحرام
ما تسعها صدور ولا تحملها القلوب

لين مسرى الليل عندي غدا مثل الدوام
خص لامني تعرضت عسرات الدروب

[فـارس فـالـح @q2okkk]

اثنين عنهم بعد خطاك وديْرك
لاترحم احد ٍ منهم ولا تحنه

اللي تسوي به جميلة وينكرك
واللي يسوي بك جميل ويمنه