سـعـد بـدر

لا اله الا الله

[سـعـد بـدر @q76m2]

اللهم اجعلنا من أهل النفوس الطاهرة ، والقلوب الشاكرة ، والوجوه المستبشرة الباسمة ، وارزقنا طيب المقام ، وحسن الختام.

[سـعـد بـدر @q76m2]

شدّ حيل الخطاوي فالطريق الطويل
لين الأيام تضحك لك و تضحك لها

[سـعـد بـدر @q76m2]

لما دعيت وقلت (يارب اغنني)
ماهو عشان اصبح غني/ والله العظيم

استخدم أموالي وطيبة معدني
لمساعدة محتاج ولخدمة يتيم

مابي الفلوس اللي تخليني " غني "
ابي الفلوس اللي تخليني " كريم "

[سـعـد بـدر @q76m2]

يازين الرحابه والوفا والقبال الزين
وكلمة هلا يا مرحبا وَ ابرك الساعه .

[سـعـد بـدر @q76m2]

ماهمني من وفا وما همني من جحد
كلن على مايحب . يسوي اللي يبيه

ياحلوها المرحله اللي ماتعاتب أحد
من طاب طيبه عليه ومن شان شينه عليه

[سـعـد بـدر @q76m2]

النفس لا شامَت مثل عاصيَ الخيل ..
يصعب على الخيّال قبضة رسَنْها.

لا شامَت النفس العزيزة عن الميل ..
من عقبها الشرهات يطوى كفَنها.

[سـعـد بـدر @q76m2]

اللهمَّ اكفِنِي بحلالِكَ عن حرَامِكَ وأغْنِنِي بفَضْلِكَ عمَّن سواكَ .

[سـعـد بـدر @q76m2]

«رب هب لي من لدنك الباقيات وما لديك
واجعلني؛ العبد الصبور اللي رضاتك مطمعه

انت السلام، المؤمن، المتعالي، الحق، المليك
اللي تسبّح له عباده والجهات الاربعه

يارب أنا عبدك وابن عبدك.. وناصيتي بـ يديك
احيان نفسه تدفعه، واحيان نفسه تَمنعه»

[سـعـد بـدر @q76m2]

" لو جبرك الوقت من عيني تطيح "
- طيح من عيني على شي يسوى -

[سـعـد بـدر @q76m2]

دوّر اللي لا لقى الصعبات كيّف
لو تقول الموت قال الموت طفسه

لا تسندها على الراس الضعيّف
مايفيدك واحدٍ ما فاد نفسه .

[سـعـد بـدر @q76m2]

عسى نقبل ونقفي وحنا عزاز نفوس
وعسى من يظن فينا لقانا على ظنه .

[سـعـد بـدر @q76m2]

نبتسم في وجه الايام لو مابه حصيل
خاطر الطيّب ما كل الظروف تكدره .

[سـعـد بـدر @q76m2]

قم شرع الباب للهقوات وازهلني
تبي تزين العلوم ويضحك حجاجك

[سـعـد بـدر @q76m2]

النفس تطمح لـ لعلا والراس يطرقه البراد
والعز حطيته نصب عيني ،، ودكيت اجملي

[سـعـد بـدر @q76m2]

خوةٍ ماهيب لله نهايتها تزول ..
والمعاصي تضعف النفس لين تذلها
ٰ
والتواضع والكرم باب توفيق وقبول
والحسد والبخل يفسد حياتك كلًها .

[سـعـد بـدر @q76m2]

يعدّل مزاجي كل ما خربوه الناس
انا وين ابلقى واحدٍ كنّه الشاهي .

[سـعـد بـدر @q76m2]

تضيق الصدور ورحمة الله تفك الضيق
وانا : في رجاء رب المخاليق ، سبحانه .

[سـعـد بـدر @q76m2]

عن مغريات الحياة أقفيت بـ الكامل
يا رجل لـ إللي يبيض وجهي إتجهي

أعامل ظروف ! .. وقتي كني أعامل :
مجنون و موجه البندق على وجهي

[سـعـد بـدر @q76m2]

أنا والله اني أرخص الحال قبل المال
ومن دون ربعي كل طيبٍ تقهويته

وأنا من رفيقي لاتباطيت كيف الحال
فلا ارتاح لين إني أوقف على بيته

[سـعـد بـدر @q76m2]

مستعد اخلي بلاد ، وانزل في بلاد
دام ذعذاع الكرامه ، لا هب يهبني

والقلوب اللي خذاها التغطرس والعناد
مستحيل اشري رضاها عشان تحبني :)