FBM .

كل مايكتب هنا شعور .

[FBM . @q844i]

إذا توفيت لاتتركوني وحيد,تحدثوا معي بالدعاء كل يوم وأجعلوا قبري نوراً.

[FBM . @q844i]

أحيان اسلم من اجل تأنيب الضمير
واحيان لا اسلم . . . ولا ارد السلام :)

- مدغم ابو شيبه

[FBM . @q844i]

يهون العمر لـ الجيد الاتلع و عود الراك
وعلى ثغرك اللي منه يقطر عسل سدره

عساني فدى لـ إحساسك الواثق الشكاك
وعساني فدى لـ عيونك النعّس الخدره

يضيع الشعور اللي مايكتب عشان رضاك
مثل ضيعت المعروف ( فـ العالم الودره )

[FBM . @q844i]

‌الظنون أحيان يخطيها الصواب
مثل طيبك في زمن مافيه طيّب

[FBM . @q844i]

وهبتك فوق ما يرضي غرورك والغلا تقدير
تبعتك والعرب ماهي ورى المقفين تبّاعه!

بعد سلّمتك أمري وين ما ودّك نْسير نْسير
ينسّيني غرامك من شرى قربي ومن باعه :)

[FBM . @q844i]

احبه ولو اسج بالارض .. واسافر
ما عينت مثله بالبشر قده ونده

[FBM . @q844i]

مانيب مبكيك .. ياعينً هدبها كحيل
عن مايجيب الدموع " تردني شيمتي

حتى لو انّ البشر على قفى من يشيل"
ترنيمة الناس .. ماهي مثل ترنيمتي !

كابر، وبكره لاصار مواصلي مستحيل؟
يمرّك الشوق ويعلّمك عن ( قيمتي )

مبارك بن ناصر .

[مبارك بن ناصر @6rgy2]

طارقً باب السلامه .. ولا حولي سلام
كيف اعيّن لي سلامه، وليلي سرمدي

فيني مْن الضيق .. مايكبت صدور الانام
وفيني مْن الشوق مايجعل العقل يغدي

الوحيد .. اللي مابين المعارك والغرام
هو يرد الشوق … ولاّ يرد المعتدي ؟

واحدً فارق مرابيك .. ياغضّ القوام
فارق الضحكه وسافر مع الحزن المدي

من فقد لذّة وصالك تعشّاه الظلام
مغترب، لو ماتعدّيت ربعي وابلدي

في عيوني حرّ دمعه وفي صدري كلام
تايهً من وين اوقّف، ومن وين ابتدي

يابعيدة … يرحم الله لياليك القدام
يوم كان البعد مسفوه، والوصل اجودي

ان ضمينا ؟ نارد العشق ميراد الحيام
وان وردنا ؟ سالفتنا على نجم الجدي

كان عمري قبل يوم اللقاء عشرين عام
ومن لقيتك صار لقياك ساعة مولدي!

استبيحك عذر، والعذر ساس الاهتمام
من وداعً لا بكيفي .. ولا هو في يدي ):

ان قدرت اجيك، غنّي مادام الحظ قام
وان تباطيتيني" إبكي على الحظ الردي

[محمد بن عديس @iissub]

بين قلبً مايتوب .. وبين عقلً ما يطيعه !
حارت الخطوه مابين وبين واصبحت فمكاني

تبتدي حرب الثنين اللي كما حرب الوديعه
كل ما وقف حداهم ؟ ( عود الاخر رماني )

حجة العقل الرزين اكبر من اللي نستطيعه
كل ما جيته بلهفة شوق بالمضمون جاني

يحتدي طيش الشباب اللي على زمة ربيعه
واقتدي في كل راي يقول والهى في زماني

وان ذكرت اللي يا دوب امْن الدلال يذب ريعه
صار ما للعقل راي ( وصار راي القلب جّاني )

" كل ماعرض يروح العقل والمنطق وديعه "
( يملك زمام الامور ووين ما وده خذاني )

زهرة القلب المحب اللي لو يشوف الفجيعه
مانساه ولا نسى وصله لو اشوفه نساني

انت ياللي تستبد الوصل وتحب القطيعه
وانت يامرخص مقام اللي مقامه ما يداني

والله انك سرً فقلبي ليا من جيت اذيعه
كن مافيني شعور ! وكن ماعندي معاني

" سلطةً لا من مشيت تنزل اللي فالطليعه "
فتنةً تملك احساس الشخص في عدة ثواني

من طبيعة وجهك اللي يحقر رسوم الطبيعه
كل دوله ترغب السياح من دونك تعاني !

كل ضيعه في نظر غيري ترا ماهيب ضيعه
دامها عندك عسى محدً من العالم لقاني

" فدوتك مافات واللي جاي واليوم وتّبيعه "
وفدوتك ما يذخره قلبي ( وما ينطق لساني )

مستعد ارخص صبا عمري على شانك وابيعه
وش لزوم العمر دام العمر عندك عمر ثاني !

[عتيم @ciiz67]

ابتدا المسرا .. و كن الهم قالط فـ الغماره
فـ الصدر كلام يجرح كثر ما فـ النفس زمه

المدارا ؟.. مايرجع لـ الغريب امان داره
كان مايقدر فـ داره .. يظفر بـ فكره ملمه

كنت اشوف ان التغاضي فـ العمر اكبر تجاره
وصرت اشوف اشياء واجد فالعمر ماهي مهمه

انثني دون المبادي .. و المروه و الصداره
ولا لقيت الا القليل اللي يشابهني : بـ همه

كل ماعانقت غايه ؟.. كني اللي رد ثاره
ماني بـ طلاب ثار .. انا كذا طلاب قمه

مستعد اكون لـ الطيّب تحت رهن الاشاره
بس ماني مستعد اشوف دمعه فوق كمه

من يمينه لاعطت تعطي .. ولاتدري يساره
جعل يفداه البخيل اللي يشوف الضيف غمه

الردي ؟.. ماياخذ الناموس لو بـ الاستعاره
إن سعى خيره لـ نفسه وان حكى نقال نمه

لبسوه ( عمامته ) ربعه عسى ترفع وقاره
وشاف نفسه بـ المعمه افضل مْن عوال عمه

مايوقف و إن وقف تقول طايح من عماره !
فـ المواقف تارك وقوفه و مستغني بـ فمه

كل ماجيت امسك الخايب و ارده عن مساره
يعترض طاري حبيبي .. و اتلقا له و اضمه

من عرفته ليه افكر فـ الغناه وفـ الخساره ؟
بايعٍ .. من دون باب مواصله ( بيّاع ذمه )

اطرقٍ .. من يوم بشرني و انا اسوق البشاره
قال احبك قلت احبك منك تجيب المطمه

- عتيم

[ناصر بن مفلح . @nassre_]

"

اسلم .. و سلم لي على كل رجال
اليا نصوه الناس ؟.. راسه يكيّف

ماهوب فـ ارض المجد نازل و رحال
على عدود المجد " شتّى و صيّف "

بشاشة الرجال !.. في كل الاحوال
كرامة الضيفان .. عند المضيّف

الطيب : وهبه كنها وهبت المال
على ملاك الكفو !.. خل الضعيّف

" اللاش " عمره راح ماعنده افعال
و ان طاب غيره صاب كبده تليّف

وجه الردي لا شاف وجه الزمن مال
براده .. اقوى من ( براد المكيّف )

[FBM . @q844i]

لو الحقيقه ما تجي من لسانك
سوالف عيونك تجيب الحقيقه
- سعد بن لويبه

[FBM . @q844i]

الذكريات اللي يلاعبني هواها كل حين
على مرارة قسوة الدنيا ماهيب محليه

احس باحساس مْتقلّب لا سعيد ولا حزين
واعيش .. وظروف الحياة معلّيه ومدليه

تمرني لحظات آردد .. تالي الدنيا تزين
وتمرّني لحظات اقول ان الامور موليه

— عبدالله السراهيد

[ناصر بن مفلح . @nassre_]

"

طاري الحب وش دور الجفى و التشفّي
والأمل كل ليل ارجع .. و اراجع شريطه

ف اتجاهي لـ رغباتي .. و تحقيق شفّي
راسمً لي طموح .. و راسمً لي خريطه

قبل اعيش العنا .. و يودع الحلم كفّي
و الحزن يغرق قلوب الحبايب محيطه

في سبيل الغلا ماعشت عيشت تخفّي
المحبه ما تحتاج لـ وسيط : و وسيطه

الحبيب : اللي من اول يوقف فـ صفّي
قبل لا يندرج : تحت الظروف السليطه

راح .. بس الشعور اللي ماهوب مْتوفي
ما تركني اعيش ( المغريات المحيطه )

الا لحظه !.. على طاري " علوم المقفّي "
عادي اطرد ورا المقفي بـ نسبه بسيطه ؟

[FBM . @q844i]

كيف أتصدَّد عنك يا كلّ الأسرار؟
إليَا لقاك المنتبه في مزوحي..

لولا غصون أشجارك، وبِيْض الأسوار
ضاعت حقوق اِسمي وطاحت صروحي

أنا يا أبو وجهٍ مشاوِيْره.. كثار:
ما زلت أدوَّر في مرابيك روحي.

[FBM . @q844i]

ما شدَّت عيون المساء وجه الأعذار
هذي مقادِيْري، وهذي جِروحي

أمرّ بيْن أحداث الأيَّام.. والدار
وأشدّ خطواتي، وأسلَّمك ضوْحي

لو إني أدري وِش تخبّيه الأقدار؟
ما ضاع ليلك، في ثنايا وضوحي

ليتك تمهَّلت الرِّضا لين تختار..
قبل أتمادى فيك وأرجِع بـ روحي!

[FBM . @q844i]

أجي لك و الليالي جزرها يسبق هَجير المدّ
فداك المُغرم اللِّي ضيّعت مسراه نجمة الليل .

[FBM . @q844i]

دخيل الذاكرة وأن طال هجره ما عليه خلاف
لو النسيان حاول .. ما يطول أعز لحظاته

وقوف المنهزم قِدم الليالي والظروف أحلاف
يهون .. ولا وقوف المنتصر لامن خسر ذاته .

[FBM . @q844i]

صكت الصكات راسي جعل راسي مجار
من معآناه ، و ظروف ، و بقايا راحلين !

_ فهد قطنان

[FBM . @q844i]

أنا فجرك وأنا صبحك وأنا عصرك وأنا ممساك
وأنا اللي لا خذلك الوقت ، ما خليتك لحالك

أنا كفك و أنا سيفك وأنا رمحك وأنا شلفاك
وأنا اللي لا عدوك الناس أول شخص يطرا لك

أنا وجدك وأنا شوقك وأنا قلبك وأنا مضناك
وأنا اللي لا هزمك الشوق ، اجيك اوقف قبالك .

[FBM . @q844i]

على ضي الحروف اللي غدت في خاطري بستان
رسمت أجمل شعورٍ من ضياك وفيك متغاضي

سكنت بـ خافقي حبٍّ، ورويت الغصن بالألحان
وجعلت القلب بـ عيونك يعيش بـ أسعد الأراضي