‏ 𓆪

[هواجيس @hwjys0]

البارحه والصدر رتب قوافيه
طرالي اللي يتعب الحال فرقاه

العام نشفق نشوف زوله ونغليه
واليوم قفا والليالي !! توطاه

لي عام همّي داخل الصدر مخفيه
ما أملك إلا ذكر زوله وطرياه

والله لو يدري عن الحال وش فيه
ما كان صد وترك غير ذكراه

[هواجيس @hwjys0]

تم إلغاء صباح الخير
لهذا اليوم:

جاني بلاي اللي يجيني كل يومين وثلاث
أضيق من نفسي وأسج من الأوادم كلها

[هواجيس @hwjys0]

لا باس ياراس ملّته التفاكير
عاف المنام وعاف لين ا��وساده

لا بد من عقب المصاعب تياسير
والآدمي يصبر وصبره عباده

بكره يبين الصبح ويغرد الطير
وأمشي مع العالم ووزع سعادة

[هواجيس @hwjys0]

فنجال مُرٍّ فوق نار المواجع يفور
كنّه بقايا خاطرٍ ما لقى راحهه

[هواجيس @hwjys0]

شفني بوسط الروض بين البساتين
وأنا بمجلسي وراعي طويلة

أردد الأبيات يا ليل (يا عين)
وراسي من الهوجاس نارٍ فتيلة

يا صاحبي وين وأنت أنا بعد وين
القلب من بعدك تزايد غليله

أنا معك فالحب قرمٍ حمر عين
وأنت تعرفيني عدل / يا جميلة

ما دمت فالدنيا معي لا تخافين
والله ما نارد دروب الفشيلة

تجودي معي مع العسر واللين
قلبي ما ظن أنك بتلقى بديله

تعال قبل الموت والوقت والبين
المكنة يمكن تجي مستحيلة

[هواجيس @hwjys0]

على مرجوحة الشط الهواجيس تتهادى
وأنا مع الليل لا جيت أضحك.. تضايقني

#الساحل الشمالي

[هواجيس @hwjys0]

هاذي ثلاث أيام والرابع اليوم
وأنا من الضيقات سابح خيالي

يطري علي بيت من الشعر معلوم
أردده لاصرت جالس لحالي

من منطلق حبي لك العام واليوم
لا تحرق أوراق الغلا وانت غالي

[هواجيس @hwjys0]

أصبّ فنجالي على جمر الهواجيس
وأشرب قهر عمري مع أول رشفة

[هواجيس @hwjys0]

لا تجرحو�� القلب ان كان مجروح
الجرح فوق الجرح يبطي اعلاجهه

[هواجيس @hwjys0]

عزتي للي يسهر الليل ما ينام
يرسل لخله وخله ما درى به

مسكين يا قلبن تعلق بالأوهام
يرسل الأبيات ومحد صفاله

يشهد على الله كل ما بغيت أنام
يزورني طيفه المعلون مثل سرابه

أصبر حتى ولو يمر عام ورا عام
حالف قلبي ما يدور واحدن بدال

[هواجيس @hwjys0]

جاني خيالك في منامي وفزّيت
وهلّت دموعي مثل وبل سحابه

ياما على شوفه خيالك تمنّيت
عزاه من جرح بقلبي لجابه

وياما وياما بعالي الصوت ونّيت
على الذي ما عاد يبري صوابه

ما ينفع المجروح كثر التناهيت
جرح الهوى وياويل قلبٍ لجابه

كم من جروحٍ بالهوى منك عانيت
وجرحك بقلبي كل شخصٍ درابه

[هواجيس @hwjys0]

مودعك أثر على قلبي الشجاع
مانسيت لحظة وداعك ولانسيتك

ولا تغرك صملتي ترى وراها اوجاع
احاول اخفي الدمعه كل ماطريتك

انا ضعيف ان جت حزت الوداع
ورغم ضعفي اقفيت ولادعيتك

[هواجيس @hwjys0]

يا أهل القصايد لا تسوون رتويت
إقرو قصيدي واتركوه بمكانه.

لي صاحبٍ ما بقى يقرا ولا بيت
خايف عليه من الوله واحتقانه.

حنا أفترقنا دون موعد وتوقيت
فرقا شرف ماهي بفرقا خيانه.

على الوداع كان صوت التناهيت
أقسى من دموع القهر للأمانه .

ومن يوم قفى عن عيوني وقفيت
وقلبي قفلته يا عرب للصيانه .

[هواجيس @hwjys0]

لبستها الأبيض وللناس زفوك
وصارت حلالك قلبها مع جسدها

افرش لها وردك ولا تلمس الشوك
ولأضافت من الأرض خلك سعدها

احمد عليها الله واشكره ياخوك
نعمه وزالت من بشر ماحمدها

مبروك صارت من نصيبك ومبروك
حققت حلمي يوم حلمي بيدها

عندي طلب واحد ولاغيره ارجوك
لا تزعل إن سمت على اسمي ولدها

[هواجيس @hwjys0]

ودي أكلمك كل شوي واسكر
ابغى اتطمن مثل لو انك وزاني

من أمس واليوم والليله وانا أفكر
تكفى تحرّص على روحك علشاني

[هواجيس @hwjys0]

كنت اجافي النوم لجل اسهر معك
واليوم كل ماشتقتلك رحت نمت

تصبحون على خير💤

[هواجيس @hwjys0]

البارحه سهران لين القمر غاب
تـطـري عـلي أيام كـنا سـويـه

أيام كنا يا بعد روحي أحباب
وكل مـنـا ما يـفـارق خويـه

طاوعت بي ياصاحبي هرج كذاب
وخليـت في قلبي جروح خفيه

أن كان يـاسيد العرب خاطرك طاب
عـن عشرتي راحت حيـاتي ضحيه

حبـك في وسط قلبي ركز له أطناب
مـاينمحي لوزرت حـوض المنـيه

[هواجيس @hwjys0]

راسي مصدع والبلا قله النوم
والنوم ذا له مده ما يجيني

يانوم تكفه طالبك عجل وقوم
والظاهر انك مثلهم ماتبيني

[هواجيس @hwjys0]

لا شعرت ان المواصل يذل النفس
كابر حتى لو انك من الشوق ميت