.

اللهم أغفر لأبي وأعفُ عنه وأجعل رحمتك تُحيط به من كُل جانب حتى تبلّغه رضاك

[. @q8_6d]

أنا يمكن أغيب وغيبتي ماهي بـ شهر وجاي
لا غاب الوصل والحب الحقيقي طول غيابي .

[. @q8_6d]

عَفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

وعَفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه

وعَفى الله هواجيسٍ توقف بي على الإطلال
تعيد الذكريات .. اللي مع الأيام منسيه .

[. @q8_6d]

انا من وين ما امشي اشوف انه يضيع الدرب
احاول اكمل الخطوه، ولكن دروبنا فاتت

تصالحنا انا وانتي مثل حكام بعد الحرب
تصافحنا بعد فتره، ولكن شعوبنا ماتت.

[. @q8_6d]

أنا كتابٍ صعب تلقى وسيله تختصر شرحي
عليّ أقسى تواريخ السنين .. ومنهج الفرحه .

[. @q8_6d]

تسامرك الحروف اللي ملامحها سهر و دموع
من كفوف الغياب اللي جفت خدك مناديله .

[. @q8_6d]

تعودت من صغري على من صِبر ماجور
على جرحٍ عاش بداخل اعماقي وشيّب

ولا ياخذك ظنّك على حالي المستور
انا طيب و الوقت ما هو معي طيّب

تخيل فتحت الباب ادور بصيْص النور
احس الفرج بيزور .. و امالي تخيّب .

[. @q8_6d]

متى تقبل وأعيد اجمل تفاصيل العمر حولك ؟
" اشوف إني وحيد وحولي العربان ملتّمه "

انا اللي عقب فقدك كل زولٍ احسبه زولك
مثل طفلٍ يحسب ان كل من تلبس عباه .. أمه.

[. @q8_6d]

وجهي ذبل من عقب ما قالوا ملى وجهك قبول
كنت أدري إنّه يختلف وجه الصبور إن ماشكى.

[. @q8_6d]

تحت رحماك ربِّي ضُم قلبي وإقبل الدعوات
و سخِّر لي حياتي في رضاك وحُسن تدبيرك .

[. @q8_6d]

رغم إنهزامي . . مع دنوّ الليل وإبداي الكنين
إلا إني أحفظ قيمة العبرة ، على منزالها

ليل سرى في ظلمته وحشه وفي صدري حنين
وأحداث حرب في معاركها تموت أبطالها .

[. @q8_6d]

على كل ماقد فات جعل العوض بعدين
يسوق الله الغيث .. اللي يعدل اوضاعي .

[. @q8_6d]

تغير على الوقت وأخذني من أقصاي
ياوجدي على خبري من أول وياصبري

عسى وضعي المزري يزينه الزمان الجاي
مابي من عطاه الا أني أرجع على خبري.

[. @q8_6d]

سترت الغلا واقفيت عنه بدون وداع
وصديت صده .. مقفي ما هو بـ وده .

[. @q8_6d]

في غيابك ملتهب قلبي على جمر إنتظاري
و الحزن إن ما تعشّا من قفص صدري تغدّا.

[. @q8_6d]

وكل ما ادوّر طريقٍ .. ترجع العثرات ثاني
وين ابلقى لي طريقٍ عثرتي به مستحيله .

[. @q8_6d]

يا سيّد الهجر .. ضحكة أنتصارك وهم
متعوّد العمر وحداني ولا به جديد

ماعاد بُعدك مخيف ولا حضورك مهم
أنا وحيد فـ غيابك ، وفحضورك : وحيد.

[. @q8_6d]

يغيب الشفق و تطيح دمعة غلا واحساس
على جال ذكرىٍ ماضيه و العمر فاني

ياقلبٍ تمثنتك الشكوك و كساك إلياس
بذلت العمر لـ رضاه و اقفى و خلاني

انا ابدي شعوري بالفرح في عيون الناس
واشيل الحزن في داخلي و اخفي احزاني .

[. @q8_6d]

لك التقدير يا قلبيّ على ما شفت في دنياي
مع ان الصبر متهالك وِحزن الوقت متمادي

[. @q8_6d]

بتعدي الليله .. مثل كل عام
وأنا أتحرى بين ظن ، وظن

وأغفى تعب وأصحى من الأوهام
أتفقد الجوال .. رن ؟ ما رن !

من عيد جرحي كم بقى أعوام ؟
عفيه على عمري وصل هالسن

الفقد موجع ... والحزن هدام
ببقى هنا عقبك ، أروح لمن ؟

وحتى ، ولو تضحك لي الأيام
ضحكتك هي الي عليها أحن
#عام_جديد

[. @q8_6d]

عليك يا اللي ما معي منّك سوى رد السلام
من خيبة الهقوه ، و عذر الراحله و اسبابها

ليلة عتابٍ — يستبيح عتابها قل المنام
اونست منها وجعةٍ ما كنت احسب حسابها

نعم تبادلنا الجفا .. لكن؛ تهادينا السلام
في ليلةٍ لو اقدر أنساها / نسيت عتابها .