︎ !

⠀ ⠀ مرحباً ، بصيغة أخرى مُرّ حُباً .

[︎ ! @q8aeo]

لا طاقه لي للكلام ولو كان هناك ما هو أهدأ من الصمت لفعلت .

[ِ @a3yt8]

من يعلق حلم عمره على عاتق هنوف
والله ان تِركز عليه النصايب ماستراح

[هَـ @_i8ul1]

عليك السلام الغالي الي بدون إدراك
يا مسؤول قيفان القصايد و واليها

ذبحني غرامك قبل تذبحني بفرقاك
انادي طيوفك كل ليله .. و اسلّيها

خذاك التغطرس لين حتى علي أطغاك
ليالي وصالك ، ما توقعت بـ ارثيها

اجي لك بـ عذرٍ وافيً في بطن يمناك
واحط الهقاوي قدم عينك وتخطيها .

[عبدالرحمن القوس @algoos_a]

كرهت الفراق .. ولا بغيته يصير وصار
ظروفي تمادت وابدعت في مضايقتي

يا صعب الحياة بدون حافز للاستمرار
انا صح عايش بس ما احس في وقتي

ما اعيش السنين سنين اعيش السنين اعمار
بتوقيت [ قلبي ] لا بتوقيت [ منطقتي ]

يا اعز امنية ما معي قدرة على الاقدار
وما زلت متمسك فيك لو ما تحققتي

اذا مرّ طاري للقاء ..شفت زولك مار
تعـلـقت بك ؟ ولااا بـ عيني تعلقتي ؟

تعالي ولو مال الغياب الطويل اعذار
ما ابي حبل وصلك ينقلب حبل مشنقتي

لك يزيد شوقي كل لحظة وشوقي حار
امانة معك ما حن قلبك ولا اشتقتي ؟

ما عمري فرحت بكشف سرن من الاسرار
سوى كلمةٍ علمتك ابها .. ودنقتي !!!

[Al3rrab | العرّاب @Al3rabb7]

لا تُعطي قيمةً لِمن لا قيمة له ،
فكُل شخص بأفعاله يُحدِّد مقامه .."

[‏حَـمَـد الـصَّـابْـرِي .. ✍️ @_x_28]

مساء الانهزام . . اما بعد :

انهزم قدم الحبيب . . اللي يكابر في عناده
كيف امثل ؟ والشعور الداخلي كله حقيقه :)

- خالد بن غصن .

[عساك توحيღღ @23_MTA]

خلاص ماعاد في قلب المقفي رجوع
من يوم جرحك سطا به ساقها للضياع

روح بفالك ترى م أرضى عليك الخضوع
أرحل شجاع مثل ماجيت صوبي شجاع

وإن مر طيفي على بالك بليلة ربوع
اسأل غرورك وش الدنيا بليا متاع ؟

ودعتك اللّٰه ولا ودّي تجف الدموع
يا اللي وداعك ما بعده في حياتي وداع

[قروب شعر @Group_she3er]

في خيالي لو تمر أقول .. حيّاا
شلون لا مريت فـ الواقع إقبالي

مد لي بالوصل يا سمحّ المحيّاا
والله إني شـاااري قربك بحالي

[هـاايم 🇰🇼 . @ri7o9]

عند ضيعت كل هقوه وضيعت كل شور
يعرفـونـي بـ المحك ، والكلام المفصلي

من التواضع والتغاضي عن صغار الامور
مابقى الا الورع يجسر . ويتجراااا علي ..!

[عساك توحيღღ @23_MTA]

تركت من الجفا ذكرى وصال وخاطر مكسور
وخذيت من الوفا قلبٍ عجز غيرك يقفي به

على وقع الوصال اللي مضى دونه ثلاث شهور
تباشر كل جرحٍ من جروح الصدّ والغيبه

انا ويّاك ما اخترنا نهاية دربنا المهجور
خذلنا الحظ لا والله خذلنا الشك والريبه.

[Al-Hajri @Hajri8_]

اقلعت طيارة الحب واخلاها المطار
الكرامه قدمها .. والعزوم تسوقها

لا لقيت اسمك مع القائمه في الأنتظار
نفرت منك المشاعر وخالص شوقها

جيت تبغا لك مكانه بعد طاف القطار
طافت الرحله ولا شفت حبك فوقها

طارت طيور الغلا من شواهين وحرار
هاجرت يم القطاعه .. تتل اسبوقها .

[مغرم :) @i90xi_]

يعيش الحب ويعيش الولَه ويموت كل فراق
" لنا الله ما انتهينا يالغرام وحبّنا ، باقي "

صباح الخير من قلبٍ لحوح و خافقٍ مشتاق
انا مع كل صبح اقوم و اعبّر عن اشواقي :)

[‏᷂عسر٨٨ @Qhta10ni]

يتحرر خوف الانسان من قيد الملام
لـ ادرك ان العمر مره والايام تعدي

[المحامي / غانم الشراري ⚖️ @GhanemAlsharari]

انتظرتك لين شاب الليل واقفى بالملامة
في عيون الليل خذلانه وبعيوني حنينه

صاحبي لا طاح ديم وحبّت الأرض الغمامة
لا تذكرني ، تذكّر صاحبك واوّل سنينه

داخلي لو بعد حربه اوصل للحظة سلامه
ما عذلت الخاطر المكسور عمّا في كنينه

في ربى دارك يصب الشاعر حروفه مدامة
يوم تثمل من تحتك الأرض وتعمّ السكينة

ليتني باطياب ريحك انسج لحون الحمامة
لين تبكي صخرة الوادي وتشهم ياسمينة

اتطلّع طلّة ايامك على سنين الاقامة
واطوي العهد القديم بحزّة العمر الثمينة

كلما خايلت طيفك بين اذان وبين اقامة
اتقبّل موضع القُبلة واشدّ عن المدينة

لو تطرّيك الليالي والقلم بيدي خطامه
روّحت بنت الفرايد في مدى سمعك رهينة

يا عذابي وش سلكنا في سقر قبل القيامة
غير لا مال الصراط وعانق المشتاق دينه

مد كفك يا عسى عاشقك ماجور السلامة
ما يصافح غير جرحك كل ما مِدّت يمينه

ضاع في كل الطريق الي سدل قلبه غتامه
يستهيم بتيهة الايام ويورّد يقينه

لابسٍ لك من جميل الصبر بشته والعمامة
داري انه لو كذب طفيك نضل مصدقينه

[فيصل‌العتيبي. @F_11w]

ضحايا المعارك موت شعب وخراب أوطان
وضحايا الهوى .. لا عاشوا أهله ــ ولا ماتوا.

[السامي @2lshl]

واقلبي اللي هل المجمول قفوبه
يبون عشب ٍ ورى حزم الجلاميدي

ياسعود يابوك تكفى ودني صوبه
لو كان من دونه حزوم وجراهيدي

مترك بن عون

[معكاز شعر @M3kkaz]

الطموح إعصار : لا يعرف وقوف
و الإرادة شعب .. سيطرنا عليه

رغم مايحدث من احباط وظروف 
مقتنع . . اني بكون اللي ابيه .

[ملغي الحساب ✋🏻 @mmoo66780zz11]

'

العمر نصفين و السجه نصيفه
سج يا قلبي و سجي يا عيوني

[ذرى الرفــيٰــق♨️ @Mar__faar__85]

شروق الشمس مايعني رجوع الحب والامال
يجوز إنه وداع الليل لأحلامي بـ مرثيّة !

[أ . دغيشـُم ☻ @i9011a]

بخوض من الحروب وبنتصر وأظمأ وأبلّ الريق
من اللـي يخسر بحرب الحياة و وجهك سلاحه

[اجــوّدي |♛ @ajodii_]

'

على الشوق الملامه لا عليك ولا علي اخلاف
جماهير الجفا ما همّها الجافي من المجفيّ
وداعي معذره يـ الرحلين ولـ الوداع اعراف
اعرف اشتاق ما اعرف اتمسك في يد المقفيّ