مـ

"ماني بناسي على شان اتذكر"

[مـ @Q8Tm]

انا مع النسّيان عندي مشاكل

[مـ @Q8Tm]

عن الطله اللي تنتظرها جميع الناس
أنا ف أنتظار الطله ، الي على بالي ..

[مـ @Q8Tm]

"من علق أمالـه العظمى بربٍ عظيم
ما شال هم الليالي السود مهما جرى "

[مـ @Q8Tm]

رمشٍ سكن طارف تقاسيمه الليل
كيف .. يتسرب مطلع الفجر منه .

[جرّاح العتيبي @AL___9999]

ابتسم في وجه الايام ياسمح الجناب
لو حياتك من جميع الجهات مهدده

لا تـجي عبّاد دنيا ترا الدنيا سـراب
اعبد الله و اترك المال لـ اللي يعبده

اكتتب في بنك الأمجاد لو فيك اكتئاب
لا يغـرك من يقول الحيـاه مـعقـده

القوي في كل موضوع يحسب له حساب
والضعيّف تأخذ الناس حقه من يده :)

[العـاهل @all_3jmii]

- جراح العتيبي :

ودي !.. أصوّر جمال ( الطلّه الجذابه )
و أنتي أجمل من جمال الصوره الشعريّه

أجتمع لون القمر .. مع لونك المتشابه
لين صرّتي كنّك : المجموعه الشمسيّه

لا تلومين ( المولع ) في برود أعصابه
البرود .. أسبابه من " الكتله الثلجيّه "

إنظري لـ إللي دموعه طاحت من أهدابه
أنا راضي !.. لو تكون ( النظره الفوقيّه )

كان ما تم اللقاء و الوصل مغلق بابه ؟
دّوري لك باب لو مع " باب الأنسانيّه "

[محمد ظافر @ip1616_]

رسّم الوضع في حضرة جناب المرسّم
" انت تستاهل يقولون لله درك

يمكن يسرك اللي تحسبنه منسّم
و��هقى في الثقه يسرك وما يسرك

اقدر اشوف قدري في العيون يتقسّم
خل عنك المفطح والقعود المبرك

لا يغرك لو انّك لا لقيته .. تبسّم
واحد لو لقى فرصه يضرّك يضرّك (:

[مـ @Q8Tm]

بالأمـس تغريـني مشاويـر الاحـلام
واليوم مابي غير درب السلامة

[مـ @Q8Tm]

جعل زولك عن عيوني ما يغيّب
" يا بعد شُوف العرب و أزوالها "

[مـ @Q8Tm]

رفيقي اللي كنت طيّب فال
وش غيّرك؟ وأيامنا هي هيّ

مشاكل العالم عراض طوال
لا ترخص الدنيا على أدنى شيء

أهم حاجة.. شيمة الرجّال
والوجه الأبيض والضم��ر الحيّ

[مـ @Q8Tm]

«عن كبار الحسايف والندم وجروح ليه وليه
على الدنيا السلام بكل مامنها .. وما فيها»

[عبدالله السراهيد @Alsraheed]

أنت أكثر من الكلام اللي على بالي
وأغلى من انّك تذوق الكلمة المرّة

أحيان أفضّل سكوتي وأمشي لحالي
وآقول ليت الهبايب .. تدفن الجرّة

ما ودّي انّك تواخذني على إهمالي
أنا شعوري غريب .. وحرّتي ، حرّة

نفسيّة الشاعر .. اللي ما لها والي
تزين وتشين فـ الساعة مية مرّة

[عبدالله بن دايس @QAbdullhsaad]

" مع السلامه " كلمةً .. مالها روح
لـ قالها اللي مْن المعاناة .. ناسي !

وشلون ؟ ما تبغاني أصدّ ، وأروح !
وأنا : أحسّ ( بـ غربتي ) بين ناسي

حطّيتني بين إلزم الصمت ، والبوح
البوح قاسي ، وإلزم الصمْت قاسي !

[مـ @Q8Tm]

إفترقنا والألم .. " بين الصدور "
وصار موعدنا : على صدر الورق
'
لو تعٓرف شـ كثر : مابين السطور
ما تركت الليل .. من بعدك : أرق !
'
ذكرياتك .. من حواليني " تدور "
وإنت : واقف بسّ قلبي .. إحترق
'
لا حياه ، ( ولا أمان ) ، ولا شعور
كانت الرحلة .. نهايتها " غرق " !

[مـ @Q8Tm]

يا نجد ماعيّنت لي فيك خلان
عهدي بهم يانجد هاك الليالي

راحو وجمر الشوق تطفيه الأعيان
ومن عقبهم يانجد عزي لحاليّ

[مـ @Q8Tm]

" مانيب ندمانٍ على كل ما فات
لكن رجاي أن الغلط ما أعيده "

[مـ @Q8Tm]

هات الحطب ما عاد لأوجاعنا نوم
بدا يطول الليل ويضيق صدري

شفني اشيل حمول واطيح واقوم
الأرض فوقي والسماوات حدري

أثر الزمن فتاك وعزومي عزوم
توك تلاحظ كيف أصاليه ؟ بدري !

البارحة راحت هواجيس وهموم
من رجع إحساس المعاناه ؟ مدري .

[مـ @Q8Tm]

" لي أيام سارح ما يشدّ إنتباهي شي
يمر الكلام المختلف كنّه العادي "

[مـ @Q8Tm]

ضعفي محبة لا تقول اني ضعيف
عز الله انه كان لي قلبٍ قوي

[مـ @Q8Tm]

"يوم جيتي كان يا كثر الكلام اللي بـ أقوله
ويوم رحتي ما لقيت من الكلام إلّا تعالي"

[مـ @Q8Tm]

يامايس القد ، لا تحرمني المستحيل
نار المحبة تعبت آطى على جمرها

انفاسك تداوي وبسمتك من سلسبيل
راضي لو ابيع عمري في رجا .. خمرها

لك فضل يشملني ويشمل بحور الخليل
يا ملهم الروح . . ولا يا ولي ، أمرها

فيك القصايد تجي من حالها والدليل
الأربع بيوت ( هذي ) .. كاتبه عمرها