محمـــد بن عويضه

يُملي علي الشعور ، واكتبه..

[محمـــد بن عويضه @q97_u]

معك كيف اقول انّ العمر ماهو بمرغوب
بعد ما اكتشفتك فالعمر ، للجروح ضماد

تفاصيل حسنك … مثل سلمٍ يعم شعوب
لقو في كنفْه من المخافه .. دفا ومهااد
.

[تركي بن حصين @TR_HSH]

فقر الكريم اذا اجتمع فيه ثنتين
( تغانم الفرصه و فرط النباهه )

من اتجاهه ما به "يسار و يمين"
صنايع المعروف ( كل اتجاهه )

يشوف حل المشكلة كسر روتين
لو جاد من ماله ووجهه وجاهه ..

الفترة اللي في حسابه ريالين
يشوفها من باب " فترة نقاهه "

من كثر ما يعطي الضعوف المساكين
كن فيه من فرط العطايا ( سفاهه )

يا كثر ذكره في صفوف المصلين
لا ضاع ذكر "مدورين الوجاهه "

اللي على الاعلام يعني كريمين
وهم على الاموال فيهم شراهه ..

اطيبهم اللي تحسب انه حمر عين
وهو سروقٍ. خايفٍ من نزاهه ..

[علي الفصام . @a12_iu]

قصيدة مشتركة مع اخواني المبدعين .

.
.
#جديد

[محمـــد بن عويضه @q97_u]

@_3jim شقرا عليها راعي الكيف خرمان
فنجالها للشوف مسرج جواده

[محمـــد بن عويضه @q97_u]

عيد الفطر .. يومين مرت ، ولا زال
العيد عادي .. والملامح تراديد

نشوة سعاده .. دونها سياج واقفال
تحريرها ، من دون حجز ومواعيد

في حضرت اللي له على الجوف مدخال
[ متمثنيٍ له قلب ] … << ، ومنزّحٍ غيد

تحيا المشاعر عند شوفه وتنقال
من كل مافي خاطري دون تحديد

ي معايديني ف اول ايام شوال
من دون لاما صاحبي .. للفرح قيد

عيدي هلاله توه اليوم ذا … هالّ
انا ابتديت العيد … في ثالث العيد

[محمـــد بن عويضه @q97_u]

@Ah__ah__7 فالقرآن ( قل الله اعلم بما لبثوا )

[محمـــد بن عويضه @q97_u]

يا عذاب المغرم اللي فيك قلبه هايم
لا غرب وجه النهار ، و وجه ليلي قبّل

ابتعادي خوف لا يجرح صيام الصايم
دامها فرصه شهر ، وابليس فيه مكبّل

موعدي وياك ليلن بالفرح متلايم
لا اعلنو للعيد ودفوف البشير تطبّل

لا لفيتك ناشف دمّي .. فلا لي لايم
الهوى غلاب .. واهله في غواه مهبّل

المفاتن طيرها من فوق جيدك حايم
الحلا فالغيد واحد .. وانت فيك مدبّل

و عايديني لو عمري معْك عيدٍ دايم
لك خفوقي يا غرامي ، فالحياه مسبّل

[محمـــد بن عويضه @q97_u]

@xaqabx مبدع👏🏻

[محمـــد بن عويضه @q97_u]

@Refaan_alarjani عن كل من ياخذون الروح فيك اختلاف …

ووالله انك فالشعر متفرد ومختلف عن الغير يبو عبدالله

[رفعان العرجاني @Refaan_alarjani]

اثر الصدر يزهِر ويخضر بعد الجفاف؟
يامرحبا يابكور الوسم عقب الدهر

انتي عوض كل يوم مْن السنين العجاف
اللي ضحى يومً مْن ايامها عن شهر

ان كنت قبلك من اصحاب القلوب النظاف
مازاد قلبي وجودك فيه .. غير الطهر

عن كل من ياخذون الروح فيك اختلاف
لو القهر يذبح الحساد ؟ .. ماتوا قهر

اجملهم النجمة اللي فـ الضحى ماتشاف
وانتي تطلين وتحجبين شمس الظهر

في وجهك الليل الاسود والسيوف الرهاف
وفيه العسل لاتكوّن .. والذهب لا انصهر

والعنق له مطلع .. ولا له نهاية مطاف
يشرف على جنةً يجري تحتَها نهر

يميل غصنك عليّ واحنه من القطاف
كيف اعتذر من ضميري لو قطفت الزهر؟

ماعاد اشوف البشر بعدك ولاعاد اخاف
الا على روحك وروحي لاطاب السهر

قد قلت احبك واكررها رضا واعتراف
ولو قلتها سر .. قالتها عيوني جهر

[محمـــد بن عويضه @q97_u]

@Alrayapoet خوي الشيوخ .. اللي جروحه مهيب تخاط
من الصايد ، اللي ينثر الدمّ … لـ ارضاها

يفج الطريده مخلبٍ كنّه المخباط
لا حوّل ، لها من عالي الرجم .. ما اخطاها

#شاعر_الراية

[شاعر الراية | Alraya Poet @Alrayapoet]

فيديو مسابقة المشهد للحلقة الثامنة من برنامج ⁧#شاعر_الراية⁩ #الموسم_الرابع

نستقبل مشاركاتكم حتى الساعة العاشرة مساءً من يوم غد🤩👏🏼
🥇المركز الأول: 20,000 ريال
🏅المراكز من الثاني إلى العاشر: 10,000 ريال

[محمـــد بن عويضه @q97_u]

عاود الشوق يا نسناس نجد العذيه
مغرم في وريده حب اهلك ، يتدفّق

وين ابلقى من يرد العلوم الخفيه
والله اني عليها لي زمان .. آتشفق

كان رجلي على وصلك وشوفك جريّه
وارغمتها صواديف الليال .. اتتّرفّق

من ظفر بك قضى الايام عيشه هنيه
كان سلّمه ربي من عيون المطفّق

انت رزق يخلي الكادحه ، مخمليه
ثروةٍ مالقاها .. الاّ الحضيض الموفّق

[محمـــد بن عويضه @q97_u]

@3lipoet ماخاطت جروحي منه ..ولا تخطيته
مبدع ي علي 👏🏻

[محمـــد بن عويضه @q97_u]

@aprvip @FAISAL_ALDBALEN فخر واعتزاز في محله … ونعم يبو مترك جزل ومبدع ..

[محمـــد بن عويضه @q97_u]

#السعودية_العظمى
دون الوطن ما نساوم في وسام الشرف
ارواحنا له فدا …. لا اختل وضع الهدو

من حاول يمس دولتنا .. وياطا طرف
لو انّه اقرب صديق ، اصبح لنا اكبر عدو

يبشر بـ قطماً … عليها قايدً محترف
تزلزل الارض … وتقرّب بعيد المدو

ضربه تصحيه حتّــا …. ينتبه ويعرف
انّا اشرس الخلق دون الدار .. حضر ، و بدوو

[محمـــد بن عويضه @q97_u]

@atfy_a دايماً مختلف ومتجلي يبو فهيد. 👏🏻👏🏻

[محمـــد بن عويضه @q97_u]

دلايل الحق لا زاحت جميع الشكوك
وجه السما صافي .. ووجه الثرا منبسط

يا اميرنا اللي تسيّد من سيادة ملوك
تزهى مديح الشعر كله .. فصيح ، ونبط

يا قايد الشرق الاوسط .. بالدهاء والسلوك
شعبك على حنكتك وسياستك منغبط

يا قبلة اللي من صعاب المواقف نصوك
حلالها لا بدا فالوضع … فك .. وربط

توقّف العالم بكلمة … و لااا فض فووك
واللي ماهو منضبط .. يصبح معك منضبط

وان جا مجال الفعل .. ف وجيه من عاندوك
والله انه يعيف العبط ، منهو يسوق العبط

[محمـــد بن عويضه @q97_u]

يا ام الوصوف المتعبه والمجهده
يا اطيب سلالات العرب وابرك نسل

ما يستوي لعب الهوى الا في حِده
بعض الرسايل يا حلو ما تنرسل

يشوفك القاصد وتخلف مقصده
لا شاف نجلٍ في طوارفها كسل

يا عملةً تندر … وترفع الارصده
اشباهك يعدّون … من عهد الرسل

تعال سولف .. والحنايا الموصده
مفتاحها .. ثغرً يقطّر بالعسل

كبدً من ظروف الزمن فيها لهده
مقابلك يالترف .. يغسلها غسل

[محمـــد بن عويضه @q97_u]

@FASLQ1 ياخي انت مدهش ي فيصل👏🏻

[شاعر الراية | Alraya Poet @Alrayapoet]

فيديو مسابقة المشهد للحلقة الرابعة من برنامج ⁧#شاعر_الراية⁩ #الموسم_الرابع

نستقبل مشاركاتكم حتى الساعة العاشرة مساءً من يوم غد🤩👏🏼
🥇المركز الأول: 20,000 ريال
🏅المراكز من الثاني إلى العاشر: 10,000 ريال