ِ

كل ما هو صحيح ، يشبهني

[ِ @qMyk8]

بين الرجوع وبين نسيان ماضيك
واقف على نص الطريق وحاير

ماني بقادر ارجع العمر واجيك
ولا اني بقادر أنسى كل اللي صاير

اشتاق لك بس النفس ماتبيك
شفني معك مجبور بالبعد ساير

[ِ @qMyk8]

المحبوب لا ينسى محبوبه حتى ولو
حصل فراق الغالي يبقى غالي
ولو طالت المسافات

وقيل في سياق ذالك :

مايموت الود لو مات الكلام
لك مكان وذكريات وشعور

ما أنت عابر في حياتي والسلام
أنت حتى في غيابك لك حضور

[ِ @qMyk8]

كل ما قالوا أسهل درب: درب السّكانه
قلت مالي على درب المساكين جرّه!

لا يزال الجبل ثابت.. وفي عُنفوانه
ياعسى عاذلي ما كفّ في يوم شرّه

إن تواضعت، فزّ النَّجم لي من مكانه
وإن تغطرست، من تحتي نجوم المجرّه

[ِ @qMyk8]

نخسر بشر بس مانخسر مبادينا
ودروبنا صوب فعل الطيب متدفعه

ما نلتفت للكلام اللي يجي فينا
نفوسنا عن كلام الناس مرتفعه ..

[وَ @2wiix]

ربَّ في هذا اليوم ارحم كل من عزَّ علينا فراقهم

[ِ @qMyk8]

جرحك تمنيته من انسان غيرك
كسرت قلبي بس انا ماكسرتك

والله ما ودي اجرح ضميرك
فيني كلام لو حكيته خسرتك

[ِ @qMyk8]

ودي ادق عليك كل شوي وأسكر
ابغى اتطمن مثل لو انك أوزاني

من امس واليوم والليله وانا افكر
تكفى تحرص على روحك علشاني

[ِ @qMyk8]

ماني مخالف على حكم الأقدار
هذا نصيبي بالدنيا وانا قبلته

ماباليد حيلة ولا على كيفي اختار
لكن حظي والقدر ما توقعته

يا اللّٰه لا تحملني فوق ظروفي اضرار
مابقى هم في حياتي الا حملته

[ِ @qMyk8]

عسى عيدك مبارك
ولو دروب اللقى بعيدة

ولو شوفتك صارت ل عيني حلم ومستحيله
تمنيتك بجنبي نكتب للاماني قصيده

لكن حكم القدر مالي في رده وسيله
عسى ربي يسعدك والمسافه زهيدة

وكل عام وانت ب قلبي
ولو مالي بلقاك حيله

[ِ @qMyk8]

من ذاق حر القايله يعشق الليل
ومن شب ضوه ليلة البرد يدفى

امسيت في جيل ولا هوب ذا الجيل
واصبحت ولا ديرتي شبه منفى

واللي حمى بيته بطير ابابيل
ما جيت ادور كل من صد واقفى

[ِ @qMyk8]

التردد دايم يخلي الفرصه تروح
والعزيمه بيض اللّٰه وجيه اصحابها

خل في قلبك جساره وفي نفسك طموح
المثل قد قال (من هابها ماجابها)

[ِ @qMyk8]

خافي اللهُ وأتركي عنّك الغياب
وأكسبي بالوصل معروف وأجر

كان وصلك ذنب وحضورك عذاب
اشهد .. إن غيابك ، إلحاد وكفر

[ِ @qMyk8]

وين أنت ياللي على الحب معاهدني
وين أنت صديت لا صوت ولا صوره

خابرك لازادت جروحي تعالجني
شلون عاش المريض ومات دكتوره

[ِ @qMyk8]

اما تكون جزلن تروم الطويلات
ولا الردي ما ينحسب له رصيده

[ِ @qMyk8]

جعلني لاجيت للناس محبوب
وجعلني لاغبت مذكور بالخير

ماندري متى الايام تقفي بنا ونروح
عسى ذكرنا بالطيب يبقى ليا رحنا

[ِ @qMyk8]

النفس طابت والحياة أجبرتني
اساير أيامي على قدر الإمكان

والوقت قاسي والظروف أتعبتني
والحظ مايل عن مساره ولا زان

حتى الليالي من هناها نستني
ماكن لي قلب للأفراح شفقان

زادت غرابيل الزمان وعصتني
ماصدها موقف ولا حاجة إنسان

[ِ @qMyk8]

من تذكرني على صفوة مزاجه
ينتظرني لين يصفى له مزاجي

[ِ @qMyk8]

بتهون اذا هونتها ووكلتها لرب كريم
وش يعني لا ضاقت دنيا وضاق الفضى

يا مصغرك دنيا ما فيها شي مستديم
كلن عليها عابرٍ راضي بها أو ما رضى

ربّح خيالك وبالك وتعوذ من الرجيم
خل المقادير تمشي مثل ما ربي قضى

مستقبل وحاضرك كله بعونه يستقيم
اللي مضى انتهى لا تنشغل في مامضى