974

يُصان الود بالبُعد

[974 @q_2022_]

"تذكروا أنّ أُنس الأموات دعاء أحبابهم"
ف اذا نامت عيني للابد، تذكروني بالدعاء

يا رب هب لأمواتنا وأموات المسلمين قبرًا باردًا لا يمسّهم فيه وحشه وأغفر لهم وأرحمهم يا أرحم الراحمين واجمعنا بهم بجناتك.

[فـــذ @F0_qt]

انتهت ولا ابتدت معك مرحلة الحنين
الأكيد : إن لوعة الفقد ماجربتها

كثر ما فـ ادراج الأيام .. غيرك غايبين
ماذكرت إلا أنت من سبتها لـ سبتها

يوم أشوفك بين حد الشكوك من اليقين
فيك لا صدقت عيني ، ولا كذبتها

بس مدري من كلامك وش اخر كلمتين
عدتها مليون مره .. ولا استوعبتها .

[مبارك بن ناصر @6rgy2]

طالبك لاترخص الحٌب يالوجه السموح
كان ماتقدر (تصون المحبّه) .. خلها

كم لي اعرفك غرابه ولا اعرفك وضوح
متمسّك في دروبك .. وانا ما ادلها

مابقى فالعين دمعه ولا فالجسم روح
اذكر انّك يوم قفيت .. قفت كلها

كنت مثل القوه اللي مع الشخص الطموح
وصرت مثل العثره اللي .. لابدّ ايزلها

[سعود بن مبارك @Saud_almshly_]

ألا يارفيقي مرحبا والعلوم عفاك
تراني تجاهلت الخطا ما تجاهلتك

دقاق الأمور الماضيه جعلها تفداك
يدمحها غلاك و طيّب راسك ومرجلتك

أنا مستحيل أزعل على اللي مهوّ شرواك
مقدار الزعل عندي بْمقدار منزلتك

[ِ @ajm1ii_]

لا مشيتي من غرور و كبرياء ؟ لا هنتي
إنظري لـ العاذلين " النظره الفوقيّه "

" تبتسم " قدامي الأيام لا من بنتي
و في عيوني تقلب السلبيه إيجابيّه

كل ما كانت لي الضيقه مصيبه كنتي !
السعاده و الرضى و الراحه النفسيه

كيف أعاني و أتضايق من جروحي و أنتي
حطك الله لـ لجروح " المسحه الطبيّه "
- ناصر بن مفلح

[فـــذ @F0_qt]

"مرحبا " قبل السؤال .. ومرحبا بعد الأجابه
يا هوى القلب العليل و بلسمه من كل علّه

ما بعد صوتك جمال ولا بعد شوفك رحابه
أنتي ؟.. إللي تستحقين ( الغلا ) دقه و جلّه

من يشوفك يبتسم لو كان عايش في كئابه
كيف عاد .. إللي فـ قلبه لك مكانه مستقلّه

نبرتك في مطلبك تكفيك عن : فن الخطابه
و نظرة عيونك .. على الواقع تزيد الطين بلّه

إن جلستي تشخص الأبصار من قدر و مهابه
و إن وقفتي قالو الحضّار .. وش ذا الزين كلّه

كل ليله تسألين الحسن وش حضرة جنابه ؟
و كل ليله تتركين أهل الحسد من فوق ملّه

أقبلي مثل السعاده و إشمخي مثل السحابه
و إمطريني بـ الوصال .. و غلّي الناس المغلّه

عاشقك ؟.. ما بين خلانه و يشعر بـ إغترابه
و في حراوي ديرتك ما كنّه إلا في " محلّه "

مقتنع : بـ النسمه إللي عندكم تطرق ثيابه
خلي إللي طمعته .. في فرده و فنجال دلّه

الوصل لو صك بابه ؟.. و الهجر لو فك بابه
أدري إن المعطي الله و أدري إن المانع الله

الوكاد : إللي فـ حبك ما قطف زهرة شبابه
كان ما يقضي عليه الموت !.. ولا جاه خلّه

[علي بن صبيح @A_9bi7]

البيت الأبيض ..

[علي بن صبيح @A_9bi7]

كل ما قلنا من اللي ولاهم غير غير
ووين اميراً كلمته في المواقف ثابتة ؟

يشّرون الشعب كله على حضرة الامير
مثل ما يشّر على شعبه بْـ سبابته

جابته دعوة مصلي مع الثلث الاخير
وش نجازي صاحب الدعوة اللي جابته ؟

[جمال بندر @JamalBander]

القصايد على بنت الاكابر تليق
شيخة المترفات وفاتنة عصرها
.
ان بغت تنقذ اللي في هواها غريق
بصرها وان بغت ما تنقذه بصرها
.
ودي ارتاح واخذي لي زفير و شهيق
وارفع الراية البيضا على نصرها
.
يوسفيّة جمال وهرمزيّة مضيق
مشكلة هرمز انه فيه من خصرها
.
ما تشوفون شبّوا فيه حرب وحريق
مثل ما سووا الخطّاب في قصرها ؟

[صالح النشيرا @saleh_neshaira]

الطيب عسر ومرقد الهون دافي..

[صالح النشيرا @saleh_neshaira]

خضنا الطريق اثنين من يوم الاثنين
ووعضني العقل الحكيم ووعضته

اروح منك .. يوم واجيك .. يومين
ولافيه جذعٍ لـ الصبر .. مانفضته

كيف انقض عهود الخوي ي احمر العين
رغم اختلاف .. الواقع .. اللي فرضته

وانا الى وقفت لي بين صفين
يوجعني البيت القوي لا نقضته

[فـــذ @F0_qt]

"جيت أدوّر في عتيم الليل عن ضحكة سراجك"

[فـــذ @F0_qt]

وشلون ما غيّرت وجهك ظروف الزمان؟
كبرتي وعاد ذيك الساهيه ساهيه

لا زال وجهك على حطّة يدي من زمان
نيّر و ثغره بشوش و طلّته باهيه

[فـــذ @F0_qt]

يوم شفت وصوفها اللي تخبّل بالعقول
فتنةٍ ربي رسمها على غصنٍ ندي

من تفاصيل الوسامه وتأثير القبول
ودي اعطيها حياتي على راحة يدي

[فـــذ @F0_qt]

يارقبة غزيّلٍ غِرّ ياحَقْو الفهَد
فيك من صبحك بياضٍ ومن ليلك سواد

ياغضيض الطَّرف ابو حرفْ ياغضّ النهِد
يا جمالٍ ما ذكر في البلاد وفي العباد

من يشوفك عن حسن غيركم صدّ وزهد
وكل من مرّك تمرّه ذعاذيع البراد ؟

[فـــذ @F0_qt]

مرّي " أماكنّا " القديمة وشوفي
وشلون يسكنها الوله كل ليلة

مرّيتها قبلك ، وطوّل وقوفي :
وغنّيت في فرقاك : " سكّة طويلة " !

[974 @q_2022_]

توك تقول اشتقت واجد وحنيت
الله يعوض خاطرك في امنياته
تبيني اسامحك مفروض ماجيت
ان كان باقي دمع باقي ماطاح هاته 🚶‍♀️🚶‍♀️

[974 @q_2022_]

أنت لو أنك تبي تسج عني او تتوب ما عاد فالثنتين حيله، مايمدي تهتدي
لا استمالت يم قلبك ذعاذيع الهبوب بتذكر حسن وجهي على ورد ندي
ثم عاد اللّٰه يعينك على قطع الدروب لا اشتحن صدرك من الشوق! ياوين تغدي..❣️

[1 9 9 4 . @lll94m]

ماتشملني مقولة "لا أحد يدَوم لأحد"
أنا أدوم للأبد للي يستاهل ويقدر .