ديجور

أحيا... ويجري بيَ الشِعر لا أنا به

[ديجور @qa55__]

@its_6a ♥️

[ديجور @qa55__]

كلٍ يشوف اني مقصر وغايـب
وانا مقصر صدق مدري وش اقول

قمت اتعذر بالشغل والطلايب
وانا قسم بالله ماني بمشغول

عيّت على صدري تهب الهبايب
ما اداني الجمعه ولا اداني الضول

ماكن لي بين الحبايب حبايب
لو اضحك شوي اتعومس على طول

[ديجور @qa55__]

@q8_a27 أخاف .. لا منك بغيتي تنامين
ما أحدٍ يمد لحافك ليا استويتي

وأخاف ما أحد يقول لك يوم تدعين
أبشرك .. زانت بعد ما دعيتي !

وأخاف .. لا قمتي وخاطرك شين
ما أحدٍ يعرف من نظرتك وش بغيتي

وأخاف واجد واجد إنك تروحين
يا ويلي .. ان رحتي ولا عاد جيتي ..

[ديجور @qa55__]

@v80r_1 لو ضرّ قلبك دمعي اللي بالقصيد يطيح
قد ضرّ قلبي قلبك اللي كنت احبّه وآمنه

[ديجور @qa55__]

أحَرّ من وقع السيوف وأشد من طعن الرماح
لا صار فيك الهم باين وانت صامل تنكره

[ديجور @qa55__]

لا تطلبين الشعر وانتي مراده
لا يا بعد من يلبسن الغطاوي

والله لأقلدك القصايد قلادة
ولاهديك مسباحي وبشتٍ حساوي

سجيت بك في الغيد عن كل غادة
واعتضت فيك عن الرفيق الحماوي

انتي ضماد اللي ما عيَّن ضماده
وانتي دوا اللي ما لقى له مداوي

[ديجور @qa55__]

منطفي والله ماهي هدأة سكينه
حتى هذا الأمر يدعو للغرابه

لو أغيّر ناس،وشعور، ومدينه
الرحابه نفسها بحاجة رحابه

ليت من ينفض هذا الحزن بيدينه
مثل ما ينفض غبارٍ عن ثيابه

يوم أشوف أعباء الأشياء الحزينه
لي حزن وباقي الحزن يتشابه

حاجةٍ تبقى وراء النفس الرصينه
ما تروح إلا بدعوه مستجابه

[ديجور @qa55__]

الحب الحقيقي انك تذكرني بالدعاء.. خصوصًا في ساعة الاستجابة

"ياما على غيبته قد عبّرت عيني
وأخصّ له بالدعاء عصرية الجمعة"
—

"من سبّة اللي لاجت عصرية الجمعة
ادعي لها كل ماجيت ادعي لعُمري"

[ديجور @qa55__]

بأعرض الصّدر ذعذاع الهواء في راس مرقاب
و أسبـلّ الدمعة إللي في الخفاء عزَّي لحالي

مكتوب ما لي على المكتوب رايٍ ولا لي عتاب
على المقادير واللي راح؟ تقفاه التوالي

[ديجور @qa55__]

عاتبتني باقسى لغة وأفصح لسان
ومافيه شي من الزعل مانقصنا

الاختلاف من أبسط حقوق الأنسان
لكن حرام إنه يضيّع فرصنا

حاولت ألبي رغبتك قدر الإمكان
وأسدل ستار آخر فصل في قصصنا

وبديت أحب اللي تحبه على شان
أصير أعاف اللي تعاف وخلصنا

-مزيد الوسمي

[نَدْر @cee3o]

مَا كُلُّ نَفْسٍ نَسْتَطِيْعُ فِرَاقُهَا
فَفِرَاقُ مَنْ سَكَنَ الفُؤَادَ مَمَاتُ

فَإِذَا صَمَتْنَا وَالحَبِيْبُ مُهَاجِرٌ
بَعْضُ الشُّعُوْرِ تَخُوْنُهُ الكَلِمَاتُ

فَالصَّمْتُ لَا يَعْنِي الرِّضَا لَكِنَّنَا
مَوْتَى فَهَلْ يَتَحَدَّثُ الأَمْوَاتُ؟

[ديجور @qa55__]

فمان الله عسى ما يردك لقلبي وله وشعور
ليا هب الحنين وجيت لك طيف وتغافلتك

تجاهلتك وأنا ضايق شعور وخاطري مكسور
تخيل قد ماني بحاجة وصالك تجاهلتك

[ديجور @qa55__]

أنت لا أخطيت الطريق وشفت زلاتك كثيفة؟
رحت أدور لك عذر ما رحت أدور لك ملامة

[ديجور @qa55__]

يقول "أحبك" وامرر فوق صدري يدي
وأحس كبدي من أدفى مانطق معشبة

[222 @i7ix7x]

طيب والصوره؟

[رِهام السلطـان @rsaieu]

"مانشدت الشمس عن حزن الغياب
علمتنــا الشمس نرضى بالرحيــل "

احياناً نخاف من بعد رحيل شيء ثمين بحياتنا أعتدنا عليه سواء شخص او شيء اخر ، كأنه شيء دائم ، لكن الشمس تغيب كل يوم ولا احد يشك بأنها لن تعود لأن بعض النهايات ليست خسارة ربما حياتنا تفسح المجال لصباحً آخر .