ذرب

انا لسـان الغـرور .. وسيـد الكبريـا

[ذرب @qa_8l]

رتويت .. لعلها تنفعني عند لحضه مماتي 🌸 :)

[ذرب @qa_8l]

والله اني مادريت ان الزمان مولي ..
لين شفت العاريه تضحك على المستتره

[ذرب @qa_8l]

' ياغالي ن عيّت ظروفي مع ظروفك تتفق
ذكراك لا زالت على عرش الغلا متعليّه

جنيت في نفسٍ على وصلك ما وافقها وفق
على شرايد ماتبقّى من غلاك موليّه '

[نَجْلاء @njlaa37]

رجعت أدوّرك بين الرسايل و الصور و أدعيك
و أنا مدري وش اللي من يد النسيان رجّعني

معي كلمة عتاب أكبر من اني فاقدك و أبغيك
ذرفت حروفها أوّل ما عرفت انك ما تسمعني

- حمد الحول

[عمّاش @amash_55]

على البال يا ذكرىً لها فالضماير صوت
يلجلج وانا كنّي من الثقل ما اوحيته

اكابر على وقت المواصيل لين يفوت
على شان ما يثّر على الحال توقيته

ستر صدري اسمٍ تحت عوج الحشا منحوت
اداري وقاره كل ما اجرّ تنهيته

وانا قد حلفت ان احفظ العهد لين اموت
لو يدور عامه ما عنى لي ولا جيته

[ٌ @ajm7i]

ضيدان يقول في وصف محبوبته ابيات توقفك من الذهول والانبهار :

عليها يشبهون أغلا الذهب واللول والمرجان
وهي ماتشبه إلا ماتشوفه في مرايتها

أنا لو شفتها مهره لها فوق السحاب عنان
متى ماهب ذعذاع النسيم تفل غرتها

ماشافوا المترفات أحلى وصوف شافها ضيدان
من الغيره عيون غمضت وعيون شافتها

[ذرب @qa_8l]

ليتك تعدي على خير يالثلث الاخير
و يتبيّن نور الإشراق لـ اللي يرقبـه
ٰ
أنا حالي في ظلامك مثل حال الأسير
اللي تاخذه الطواري لـ داره و أعربه
ٰ
أتظاهر بـ السعاده و أقول إني بخير
و أتحاشى الليل و الذكريات المتعبه
ٰ
الفراق يضيّق الصدر و يحوس المرير
و الهوى غلاب و الشوق ملعون رقبه

[بـرّاق @6jmiii]

مداهيلها فالقلب ماهي من امس وجاي
عليها يفيض الدمع والحزن ما هود

يسولف بها قوس الربابه وعزف الناي
و نفح العصير وذايع الصبح لا نود

لا قالوا تناساها جزعت ولحقت اقصاي
يذود الغلا عن ماضيٍ فيه متجود

اغني على رجم الوفا والصبر مركاي
حزين على مبدا المشاريف متعود

[ذرب @qa_8l]

@amash_55 كالعاده مبدع الله يصح لسانك ياعمّاش

[عمّاش @amash_55]

من العقل ما فكرت في لايمة من لام
وقلت لغشيمٍ يجهل الوقت صحّ النوم

[مسلط ..♡ @MHR_591]

يا حبيبي يِمرض الشوق في بعض الليال
أبعد الله .. عني و عنك " تأثير " المرض

ودي أسلى .. لكن شلون والسلوة محال
بعد زادت حلكة الليل ، والعارض عرض

مكتفي باللي يجي منك من باب الوصال
إن عجزت تسوي الصعب سو المفترض

أرسل .. إن عيت عليك الظروف الاتصال
الرسايل بعض الاحيان .. توفي بـ الغرض

[ذرب @qa_8l]

يامصعب العمر لامن صار بالمنتصف :)

[ذرب @qa_8l]

الحب مافيه اقوياء ولا ضعوف
فيه القلوب تصير قلب وتختلط

ياسيد الباقي من اداب الوصوف
عيونك الفصحى وانا شاعر نبط

انكان قلبك مايحب ولا يروف
تبنا من الجد وقلبناها عبط

[عمّاش @amash_55]

خاطري ما يقبل افصاحه عن ادنى حاجه
ودّه ان الخافيه بين الضلوع وبينه

والموالي لا تغيّر واختلف منهاجه
قلت : يالله تصلح احواله وترفى شينه

كل يوم انوض واشدّ العزم واواجه
واتعهّد صبري المحمود وانصر دينه

كنّي اللي داج ، لو ما رجله بْـ دوّاجه
لين يفرجها علينا واحدٍ راجينه :)

[ذرب @qa_8l]

وليفي حفظ عهد المحبين حفظ اكرام
عهود المحبّه ساريه ما تبي تجديد

صحيح المواصل منقطع من ثلاث اعوام
لكن اتصاله ما انقطع كلّ وجبة عيد :)

[عمّاش @amash_55]

يالله العقلان للقلب الجزوع التايه
واقفٍ عقبه وقوف الطامع المتهيّب

ما قدرت اقول للي سالبه وش رايه
واعي البوهه لكنّي بالخيال مغّيب

قمت اتابع حالته كنّي طبيب عنايه
وانشد من الحال لو عهد الوصال قريّب

ما يهمّ اني من اللهفه على اتلى غايه
المهم انّه بخير ومستتب وطيّب :)

[توآق @twaa8_]

الرفيق اللي وداده جَهْر ماهو غابي
تصلح ظروف الدّهر وألا تشين ظروفه

يسفهل إليا وصلت وينشغل بـ غيابي
وكل منّا غايته مع صاحبه مكشوفة

تكثَر أصحابي علي ولاّ تقلّ أصحابي
المهم إني ماني مرتاح لين أشوفه

_مساءً الخير ☕️

[عمّاش @amash_55]

له ورا عوج المحاني مكانٍ محتواه
حشمه وقيمه وتقدير واخلاص وولاء

[عمّاش @amash_55]

عزّ الله ان حن من الدنيا تعلّمنا
درسٍ صعيبٍ على التلميذ نسيانه

[ذرب @qa_8l]

فاقدً لي رقم واسم ووصل واتصال
وفاقدً لي عيون كنت مشهاتها

وفاقد واقع عشته وقد هو خيال
واتخيل عقب ماقفت تلفاتها :)

[عمّاش @amash_55]

الفوز والله نجاتك من عذاب السعير
لا تحسب الفوز في الدنيا ولذاتها