العنود سعود

شاعرة

[العنود سعود @qal3nod]

#يارب تخونني الكلمات أمام عظمتك، وإني بين يديك وتحت رحمتك، ما دبرت لي هو من فضل نعمتك، وما صرفت عني هو من رأفتك وحكمتك، وبي شوقٌ إلى لقائك لا ينقطع فمتى أكون في ذمتك؟!

[العنود سعود @qal3nod]

@Alnoor1M اللهم آمين يالغالية؛ جزاكِ الله خيرًا .

[العنود سعود @qal3nod]

مرثية #دفَّان_الفقر في سمو #الأمير_الوالد_الشيخ_حمد_بن_خليفة_آل_ثاني رحمه الله وطيَّب ثراه.

[العنود سعود @qal3nod]

هلت ادموعي وانا أقرى الخبر
#راعي العليا ترجل للأبد! 

#عظم الله أجرنا واجرك #قطر
راح عزوتنا ظهرنا والسند

راح شيخ الطيب #دفان الفقر
من يعوضنا عن الغالي #حمد

آه والغصه كبيره والقهر
صدمة الاقدار شنسوي بعد

صاحت الأكفان بدموع #القبر
وانفتح لك باب بالجنة وعد

#شعر_العنود_سعود

[العنود سعود @qal3nod]

يا أعز #الناس يا أغلى البشر
يا أبونا كلنا بنت وولد

يا سحابة #خير مرت بالمطر
أزهرت بالطيب مليانه شهد

يا بياض #الروح يا نبع الطهر
يا وفا من عاش لتراب #البلد

يرحمك ربي ويلهمنا #الصبر
ما يعوضنا غيابك أي أحد

#قطر #حمد
#شعر_العنود_سعود

[العنود سعود @qal3nod]

عيا الشعور بلحظة النوم ينساك
حتى وانا في النوم طيفك يجيني

لا ما نسيتك يابعد هالروح تفداك
ليتك تحس بثلث ما صار فيني

لشاعرتها ⁦@ftat_t⁩ https://t.co/f768ApbWnE

[العنود سعود @qal3nod]

مع #نسيم الليل والجو البديع
والشعور اللي يداعبه #الهوى

قمت اهوجس بك وانا صدري وسيع
بس ضاق اليوم ما كنا سوى

#شعر_العنود_سعود

[العنود سعود @qal3nod]

أذكر ايامي معك وقت #الربيع
يوم تركض لي وقلبي ما قوى

طار لك بالشوق خفت انه يضيع
وانت ضميته وهالضمه دوى

خذتني من حزني القاسي الفضيع
إنتَ ادفا من حضن قلبي وحوى

#شعر_العنود_سعود

[العنود سعود @qal3nod]

#ليه مر الوقت أسرع من سريع
ليه صار #العمر يمحي ما طوى

#وينك الليله وانا بين الجميع
افتقدتك ليه نورك ما ضوى

مشتريتك رادري شاري ما تبيع
وادري قلبك غير وصلي ما نوى

#شعر_العنود_سعود

[العنود سعود @qal3nod]

@Alnoor1M صح بدنك؛ لا حرمت منك❤️🌹

[معتزة بذااتي..B-A @Alnoor1M]

اللهم آمين ..صح إحساسك وكلك يالغاليه
دمتي بخير ❤️🌹

[‏﮼بَسْمَة،،🇸🇦 @soma1313]

@qal3nod كـ عادتك نعيش معك عذوبة الحرف وإحساسك العالي
صح لسانك ♥️🌺

[العنود سعود @qal3nod]

@soma1313 صح بدنك؛ شكرًا لاحساسك❤️🌺

[العنود سعود @qal3nod]

طال #الحنين اللي يعاندني
واحرم فؤادي #لذة النومه

#شوقي لكم دايم يزايدني
وطيوفكم بالعين مرسومه

والذكريات اللي تراودني
أهرب وترجع #روحي مهزومه

أصواتكم دايم تطاردني
واليا التفت الرؤية معدومه

[العنود سعود @qal3nod]

كلما نسيت #الهم عاودني
وان طاب #جرح ايجدد وسومه

مدري #الحنين اللي يكابدني
والا أنا وياه ما لومه

ومدري #الدموع اللي تجاهدني
والا أنا معها ومصدومه

ومدري الشعور #اليوم فاقدني
أو ضاع مني ومات من يومه

[العنود سعود @qal3nod]

ياللي تذوق #النوم ساعدني
ليتك تبيعه لو تبي تسومه

#الليل بالأحزان جالدني
ما غمضت #عيني ومحرومه

[العنود سعود @qal3nod]

يا رب وأنت اللي تساندني
رضيت والأقدار محتومه

ياليتها الفرحه تعاهدني
وتشد يم #القلب ورجومه

وتمرني الضحكه وتعايدني
تنسف #عذاب العمر وهمومه

[معتزة بذااتي..B-A @Alnoor1M]

@qal3nod صح إحساسك وكلك يالغاليه . قصيده مختلفه من بعد غياب . عوده حميده ياعذبة الإحساس والسجايا .دمتي بخير يالشاعرة❤️

[العنود سعود @qal3nod]

@Alnoor1M صح كلك الله يسلم قلبك❤️ ويطول عمرك

[العنود سعود @qal3nod]

#وسوسوا بي وابتدا همي وشكي
صرت في حالة طواري وآتوجس

ليتني من قبل اسولف به وأحكي
استخرت #الله ولا قلبي تحسس