qatum

" التفت للشعر من شان اتنفس من خلاله "

[qatum @qatum11]

يا مقبله لا دعاك الهجر لا ترجعين
لبي ندا اللي صدى صوتك بسماعته

يوم احتواك وتعلقتي بـ حبل الوتين
علّق عبايتك ( امانه ) فوق شماعته

وإن غرك الشوق في عين النديم الحزين
ماغر عنقك ، سوا صدرك و دلاعته

استشعر الحب في عينك قبل تنطقين
واسمع دويّه بقلبك لـ وصل ( قاعته )

تماكني قبل لاتقلب عليك السنين
قلبٍ ليا طرّوا الفقدان يا راعته

يطقه الشوق مع حزة نسيم الحنين
و لا طقه الشوق يمك طق ولاعته

تعلقت كل الاماني على كلمتين
بينتظرها مثل ماينتظر ساعته

لكن نبي الفرصه اللي طولت لا تحين
قبل الفرح يعزم الزفه على قاعته

طيعيني ان كان تبغين العلاقه تزين
جعل الله يطول بعمرك على طاعته

انتي اعشقيني مؤقت ، " لين تزوجين "
وانا اعشقك ، لين ربي ( ياخذ وداعته )

[qatum @qatum11]

ربما لم يكن شيئًا مهمًا بالنسبة لك
( لكنه كان قلبي )

- محمود درويش

مديت له قلبي وروح وخلاه
الظاهر انه ما عرف وش عطيته

- محمد العارضي

[qatum @qatum11]

حبيبي عسى ما باقي بذاكرتك أيام
أنا نهايتي مع ذكرياتك من الليله

قدرت أتخطى من تعلقت فيه العام
عسى الفايت من العمر فدوة مقابيله

أثر نفسي ان طابت من الوصل ما تنلام
وأثر عيني إليا عافتك ما لها حيله

ما تلحق جزا صبري على ضيعة الأحلام
ولا دمعي اللي طاح تاصل مواصيله

[qatum @qatum11]

كل يوم أبيع من صبري لـ ياسي
لين صرت إنسان مدري كيف صرته !

مابقى من راس مالي غير ( راسي )
راسي اللي فدوته .. كل ما خسرته

[qatum @qatum11]

يا الله بصبحٍ تستحي منه الأحزان
ويا الله بيومٍ يطرد الضيق عنا

[qatum @qatum11]

ترى الحاسد اللي يحسب انه يغط النور
ما يقدر يغط النور في عالي القمه

يحاول يصغرني ضعيف الفعل والشور
وانا واحدٍ ما يصغر الا في عيون امه

[qatum @qatum11]

عد وعانق لهفة القلب الجريئة
فالمصابيح على دربى مضيئة

عد فأيامى باحلامى هنيئة
وهوانا كان فى الغيب مشيئة

[qatum @qatum11]

طرى علي :

أحب حبّك إذا جاني جري وممتلي خفه
وأحب اني احبك كثر ما اتوه بسواليفك

[qatum @qatum11]

ما اكتفيت بـ اني احبك بس

- ياخي انا احب اني احبك

[qatum @qatum11]

ما اكتفيت بـ اني احبك بس

- ياخي انا احب اني احبك

[qatum @qatum11]

الله يخلي لي الزقاره .. والاحلام
من دونهم مدري شسوي بحياتي

زقـارتي تحـرق .. معاناة الايام
وأحلامي تجدد جميع أمنياتي

[qatum @qatum11]

حلمي تطاول علي ولا أقدر اطوله
يعبث براحة منامي ...ويتحداني

يطيح من عيني وياقف على طوله
وإن راح بَ شفوف نفسي عاد من ثاني

لو يستحي واقعي ماقيد.. رجوله
وخلاه مسجون في صمتي وكتماني

ياحاجة دونها البيبان ..مقفوله
رجيتها كان جتني.. لاتعداني

صدري يفيض بكلامٍ مقدر أقوله
أخاف لاجيت أقوله يجرح لساني

والناس عن رغبتي ماهيب مسؤوله
ماهي وكيله على شقاي واحزاني

مشكاي للي يحل الضيق ويزوله
منه الفرج مانخيت فلان وفلاني

القوه ب قوته والحول من حوله
خلاق يعلم بما شلته ب وجداني

بصير ب أحوال منقوضه ومفتوله
سميع ماقالت النمل ل سليماني

أرجوه من رحمته حاجات مجهوله
أخفيتها والليال السود تحداني

أجامل الخلق والأفكار مشغوله
اضحك مع وجيه خلاني وصدقاني

كبدي من أربع وخمس شهور معلوله
خيم على صدري الهوجاس وأعياني

ردو سلامي على حظي وقولوله
خاب الرجاء ياعساه يجيه ماجاني

عن وقفته طايب ويمناي مغسوله
جعله يدورني ولاعاد ... يلقاني

وجهتها لـ اللّه الوهاب منقوله
مجري هبوب الرياح ومحيي الفاني

تنساني الناس والأعذار مقبوله
واللي خلقني يدبرني ماينساني

[qatum @qatum11]

ما يخليك تجتهد وتضرب الارض عرض وطول
وتتحمل خيبات الزمن وتعيد الكره الا رجاوي
" امك فيك " فـ يارب اكرمني وفرحها .

[qatum @qatum11]

بلشت في حظٍ على الطيب شحوح
الظاهر ان الحظ للطيب ردي .

[qatum @qatum11]

يروادني شك ان ضلوعي متكسره لان مستحيل كل هالهم وسطها وما زالت صامده

- ان كان ما اشك به صحيح وما علمتني فهي كسبت فيني جميل .

[qatum @qatum11]

دكتور لو كان طلاب الغرام استحو
ما كان شفت الهواوي لا تذكر مشى

اهل الهوى عن ملذات الحياه انزحو
ولا انت قلبك على حب المصالح نشى

اكثر تلاميذك اللي فالكلاس افلحو
وانا تركت الغدا من سبتك والعشى

تشرح لي الضمة اللي ف كتاب النحو
وتطري لي الضمة اللي مع لطيف الحشى

[qatum @qatum11]

اللـي بعـد ماغـاب عنـكـم بكـيـتــوه
كـم صـار لـه مـعـكـم ولحـدٍ درابـه

ياليتـكـم ملتـوا عـلـيـه وسـألتـــوه
ســؤالكـم يمـكـن يغـيّـر جـــوابــه

لكـن خذيـتـوا كـل شـي وتركتـوه
لضيقـــتـه ولعـزلـتـه واغـتـرابـه

اليـوم بـس اليـوم يعـنــي فـقـدتــوه
وهو له سنه من يوم ما اقفت ركابه

لو كان فيكم خير كنتوا ذكرتوه
قبل الزمن يسرق ملامح شبابه

يعني عشانه ما اشتكى ما سمعتوه !
هذا الخطأ اللي ما حسبتوا حسابه

ما قد عرض شكواه حتى على أخوه
وشلون اجل يشكي عليكم صوابه ؟

طبعه يموت ولا ألحق الغيم مشروه
عــزة ظـمـى .. ولا مـذّلـة سحـابـه ؟

جنب .. عساه مجار من كل مكروه
راسه عزيز .. وراس ماله ثيابه

وعفّة يديه اللي خذاها من أبوه
و صبره على جوعه وقلّة زهابه

خلّه يتوه بكيفه احسن ولا يتوه
بـ يدين ناسٍ شرعها شرع غابه

الذيب فيها من سلك درب مشبوه
واللي ما هو ذيبٍ كلته الذيابه

يا ما أنبنا من حلم فينا وهدّوه
وقتٍ غريب وناسه أكثر غرابه

صح القناعه كنز .. لكن هم أفنوه
و حتى الأصابـع علمـوها تشابــه

ما دام صوتك من ورى الباب مسفوه
يا ريـح هـدّي باب مـن سـدّ بابــه

والصاحب اللي غاب لو هم تناسوه
قـولــي لـهـم لا يفـرحـون بغيابـه

هـم حصّـلوا في غيابه اللي تمـنّـوه
مير الوعد لا من برى من صوابه

[qatum @qatum11]

التضحيه .. مالها معنى مع الجاحد
و الناس نوعين جحّاده .. و ممتنّه

تدري وش إللي يكدّر خاطر الواحد ؟
إليا تعلّق .. بـ واحد " ما درا عنّه "

[qatum @qatum11]

من متاهات الشعور الفوضوي حنيتك
وانت لين الحين ما رسيتني في برك !

قلت لك هذا مكانك فـ الضلوع وبيتك
جاك خيري يا حبيبي ليه جاني شرّك ؟

لو تخليني لجّور الوقت ما خليتك
ما تعرف البر رغم اني سنين أبرك

بس مره حاول تجيني مثل ما جيتك
لو تسويها فقط بقول ( لله درّك )

وان رفضت الله يلعن طبعك وتربيتك
ويلعن اللي يذكرك والا يزيد يمرك

qatum

[qatum @qatum11]

كل ما أسمع من يقول التجربة حلوه .. ومرّه
قلت يا انسام الصبا لو تسمحين إخذي و هاتي

( الغلا ) في داخل ضلوعي و في عيني مقرّه
يا الفريد : إللي سطا حبك على عقلي وذاتي

أنت من حبيت خيره .. وأنت من حبيت شره
و أنت من يطري علي من وين ما تطري غناتي

الجمال إللي طلع فوق الثراء ( مطلاع درّه )
من يلوم إللي ليا شاف الحلا سوا .. سواتي

كل يوم .. أصافح ( طيوفك ) غلا مدري مبرّه
ووين ما لديت أشوفك وجهتي ف أربع جهاتي

ما قدرت اعيش ( لذات الحياه ) المستمرّه
لا بغيت أواكب الحاضر رجعت .. لـ ذكرياتي

كل حاجه معك ؟.. ما تسوا لها مثقال ذره
كيف لا ، وانا على شانك زهدت فـ تضحياتي

المكانة ؟ ..ياحبيبي في ضلوعي مستقره
ما يحركها المطر و الريح !.. لو الريح عاتي

يوم جيتك جيّت اللي يدري إن الموت مره
تاركِ من خلفي الدنيا !.. وأهلها و أمنياتي

ايه و اللي نفسي ب يده .. ورزقي و المجرّه
انك إللي تستحق أفضلك عن ( مغرياتي )

مستعد أفرش لك الفرحه و البسك المسرّه
بس أبي تحفظ غرامي زين " يا زينة حياتي

[qatum @qatum11]

احيانًا يكون الضعف ماهو في شخصك ولكن في موقفك ، تخيل انك لا تخشى المواجهه دائمًا ولكن تتفاجئ في يوم ان " عدوك حبيبك " هنا تستسلم للسكوت الغير معتاد وتبدل الانتصار الدائم بالهزيمه على شانك مُحب

وردد هالبيت لعله يكون عزائك :

حنيتك من الكلام الموجع الجارح
وسكت وانا ما عاش اللي يسكتني !