FA .

يا دنيا من انتي له ؟

[FA . @qiilf]

اللهم ارحم موتانا وموتى المسلمين

[FA . @qiilf]

وانا اخوك سو الدله وصب لي فنجال
ابقعد معك واعطيك من صادق احساسي

وخلك على هونك ترا ماحن بعجال
وانا ودي بفنجالً يطير عماسي

سلامي على الي حبها ساقني للجال
وقامت تلين في طبوعي وانا قاسي

تمر المرأه من عقبها كنها رجّال
ما والله تحرك شعره من شعر راسي
#محمد_المقحم

[FA . @qiilf]

صباح الخير ، حدثني عن الاكتفاء واقولك :

وش عاد ابي بالناس والي ورا الناس ؟
" وانتي مليتيني جمال وجمايل "

[FA . @qiilf]

ألا يا غزال الوادي اللي تلفّاتك
بـ عنقٍ طويل و مشيةٍ في تبجّاحه

قبل لا تمارس فالغرام أولويّاتك
تركّد على الجمهور و الشعر و الساحه

نصحك الطبيب تجنّب الناس نظراتك
قبل ينصحك تاكل على الصبح تفّاحه

وش يقول من هاب الغرق في ملذّاتك
شفاياك ذبّاحه .. و بسمتك ذبّاحه

[FA . @qiilf]

ليا مرّني " طاريك " فالمجلس المليان
أخاويه و أترك هيكل الجسم متراكي !

_ ضيدان بن قضعان

[FA . @qiilf]

و اللي نحت عودك المعقود لين انحنا
ما قبلك من اولين ولا بعدك آخرين

يا حلو احبك بصوتك كن احبك لنا
و اللي بقى من كلام لـ باقي العاشقين

اخاف من حاجتي لـ الي احبه و انا
من عزة النفس ما اقول الطلب مرتين

[حمد العيباني @3IBANI]

أعرف القصيد الزين وأدري يقال لمن
مايستاهله غير انت ياملحي و قوتي

تدلل و اخذ ماتشتهي من الكلام وغن
عن الاشقر المنثور والمبسم التوتي

تفنن بعودك جعل يفداك عود الفن
أبعزف ملامحك الجميله على صوتي

قبل يربطون الشاعريه مع اهل الجن
يشوفون زولٍ بين .. نجدي وبيروتي

عيون المها خلت سليط اللسان يحن
تغاربني الجمهور .. من رقة بيوتي

أحب العطور الثابته والمطر والبن
وأحب الشعور الي يتوارى ورى سكوتي

قديم الشعور يناسبك ياصغير السن
أنا مت فيك وقلت لك وش سبب موتي

[FA . @qiilf]

هاك قلبي تقاضى منّه .. ولا تخلّي
حاجةٍ في ضميرك باقيه لو ذبحته

لا تحنّه ، ولا تاويه و اخذه تسلّي
اضرم النار في جوفه و فوقه و تحته

انت لـ اشفيت غلّك كنّك اشفيت غلّي
استبيح الخفوق و عاذرك لـ استبحته

[FA . @qiilf]

يا قبلة غرام ٍ مبتداه الليالي ذيك
يوم الحب كل ٍ فيه قد خاض تجربته

لا تلعب عليك ظنونك أني ما عاد أغليك
لا والله غلاك يزيد من سبته لسبته

ترا قلبي اللي هام فيك و تعلق فيك
لو أنه يقلطني على الموت ما هبته

اللي حب مثلك مستحيل أنه يخليك
لو أنه يحط السيف الأملح على رقبته :)

[FA . @qiilf]

لولا الخطأ ماحدن عرف قيمة الصح
ولولا الصحيح يصح جات الفضايح

شي طبيعي يوم ننصح وننصح
الناس كانوا يشترون النصايح

يا جاهلًا في الوقت تسرح
ترا الحياة لها نظام ولوايح

وان كان ما تبغى كلامي هذا رح
واشره علي ان نشدتك وين رايح

[FA . @qiilf]

مع غياب الشمس دايم احس أني حزين
حزن ياخذني كذيّا بلا سابق وعد

تجتمع في صدري علوم راحت من سنين
لين تمطر مزنةٍ سابق ٍ ماها رعد

الوله والضيق والفقد والجرح الدفين
والهنوف اللي توارت وطاريها بعد

عند باب القلب في كل ليلة واقفين
كل واحد منهم يقول لـ ثاني تعد"
- سعود الرساسمة

[قاف @Qaf_96]

حتى مشاهد الفرح .. احياناً مؤلمة !

[FA . @qiilf]

لا ذكرت الماضي اللّي مضى لي في هواه
ودّي أستاذن من العقل و أضم الهبوب

[FA . @qiilf]

متورّد الخد قلبي فيه مفتون
مناير النور من بعده بعيدة

الصبح في جيده الوضّاح مرهون
كن الحياة أستقرّت فوق جيده

ليته يرّد وترّد أحلام محزون
وأضمّ صدره وأقبّل راحة إيدة

وأذكر قصيدة قديمة عذبة لْحون
وأعيدها فيه وتعوّد جديدة

الوجه هذا أبا إلاّ إنّه يكون
يامطلع الشمس يامطلع قصيدة .

[FA . @qiilf]

ولو حاول الشايب يكافح ظهور الشيب
تدور الليال وتفضحه عشر ذي الحجه

" حبيب العازمي "

[FA . @qiilf]

فيه نوع من العلاقات اسمى من الحب فيه قدر وحشمه للمحبوب مثل :

يا جميلة والحياة تسوقنا عكس المبادي
كل ليل أجاري الفرصه بـ فرصة مستقيمه

حاشمك عن زلة ٍما هي بـ ضمن اعتقادي
أرهقتني رغبة النفس ونواياي السليمه

انتي ارقى مْن الخطا وأعز من كبوة جوادي
من نقاك تقول كنك ظاهره من بطن غيمه.

[FA . @qiilf]

حنا كذا صافين دايم ووافين
ما عندنا فالناس نية خباثه

الطيب والمعروف والصدق والدين
والجود والاخلاق فينا وراثه

اصحابنا سبعين مدري ثمانين
والصادقين ثنين مدري ثلاثه ..

[FA . @qiilf]

ولا له من التعبير كود اصدق التعبير
من العين ياخذ بلّة الريق متهني

تزين الليالي ونتلاقى على التيسير
نسولف تحت قمرا التعاليل ونغني

[FA . @qiilf]

اللهم لا تحرمني سعة رحمتك، وسبوغ نعمتك، وشمول عافيتك، وجزيل عطائك، ولا تصرف وجهك الكريم عني برحمتك يا أرحم الراحمين

[Augustthoughts @u7inii]

«و وجودي لو أشوفك يا بعد خلاني- والله إني لحذف الغتره على الطاقيه»- تركي الميزاني

[FA . @qiilf]

« أنا أناااااني معك باذات ماأداني الخشره »

وعلى سياق اللي حصل قال الشاعر/

" قلبي على قولتك أحياناً أناني — ماودّي يكون غيري حولك قريّب "