Mohamed bin Saleh

6/1

[Mohamed bin Saleh @qn7z_]

نرقد ونصحى والصواريخ تهجف
وبيوتنا قدامها ومن دونها

وعيالنا بسروجها ماتنحرف
وليا اقرحت ماهي ترف عيونها

يام ٍ مهي بالخوف والله تعترف
و ان صيّح الصايح يجن جنونها

[Mohamed bin Saleh @qn7z_]

من قدحة النار .. حتى الجمر لا رمّد
و من هدنة الامن حتى هجدة الغاره

عِزّ السعودي من أول نشأته ممّد
" حرٍ ينومس هداده عند صقاره "

في ظلّ من يصدرون الحق و يعمّد
بيّاعة العمر دون الدين و أنصاره

من يحسب إنه مثل ( سلمان و محمّد )
لا طارت صقورهم بـ يعرف مقداره

[Mohamed bin Saleh @qn7z_]

وفز القلب فرحه يوم شفته
مثل فزة قنيصٍ للحبارى

و ضعت انا وقلبي في جماله
وبياض الخد من تحت الخمارى

وتبعته .. يوم شاف اني تبعته
عرفني ثم وقف واستدارى

وردتني الشيم وسلوم جدي
واهل بيته لهم عندي وقارى

رحلت ودمعة العين استهلت
مثل دمع اليتامى والفقارى

[Mohamed bin Saleh @qn7z_]

فمان الله ياول من سكن بين الضلوع العوج
عسى دربك سفير ويا عسى الله ما يخليني
ㅤ
توكل لاتوادع رح عسى درب الجفا المسهوج
يصادف درب فرق عقبها . . ما تلمحك عيني
ㅤ
سمحت من الهوي ومن القصيد ومن زراق الموج
رميت أغلى مجاديف الغرام ، و جيت بايديني

[أَنَاة @1Deep1_]

« كل ما شحت عزومي ووكدت المطيح
وقفتني دعوة أبوي وأمي .. فالخفا »

[Mohamed bin Saleh @qn7z_]

الضعافه ماتوردّك المناوي
مايوردك الشفوف إلا الشراسة

لاتفكر بالمحاسن و المساوي
ماورى التفكير غير الإنتكاسة

تولد الفكرة بصندوق الشكاوي
وتُقتل الفكرة بقيد الدراسة

أنطح صياح العزاوي بالعزاوي
وأترك أصحاب السياسة للسياسة

[Mohamed bin Saleh @qn7z_]

جعل السحايب تمر خباش وتعله
إلين ترتع بخيره كل فرديه

بلاد ربعي هل السيفين والسله
مذرا الردوم الخليه صلب هنديه

[Mohamed bin Saleh @qn7z_]

انا هاضني ليلن تحدر جنوب خباش
سنا ضوح براقه على القاع غاشيها
سرا والعيون تخايله مقتفيه رشاش
على ديرتنً جعل المخاييل تسقيها

[Mohamed bin Saleh @qn7z_]

اقبل وجعل الليّالي على وجهك نذر
جيّتك عيد لحاله اذا الله ساقها

كنها أول عيد وأول لقى وأطيّب عذر
وآخر أيام المساجين قبل اطلاقها

شوفتك ماعاد تبقي هموم ولا تذر
كان تقدر تشبك ايديك خلفي لاقها

خايفٍ يفضحني الشوق لو إني حذر
ما يبيّح سد الأحباب غير اشواقها

[Mohamed bin Saleh @qn7z_]

يالله ماغيرك اشكي له معاناتي
ويارب كثرت همومي وأنت تعلمها

وإنت الذي بيدك إفراج المهماتي
همومي بحور مع ريح تصادمها

ليل وعواصيف وبحورٍ عميقاتي
وإليا عبرت البحور وقلت سالمها

طبيت عقب البحر عمق المحيطاتي
هموم قلبي ……. معبية محازمها

[Mohamed bin Saleh @qn7z_]

سلامي على موطن هلي ماهمى ودّان
سلام المحب اللي خذت حاله الغربه

الاحيه لاحرك نسيم الهوى الاغصان
كما قمريٍ لاحى مع اتلى العصر سربه

حنيني عليه من خباش لحصن العان
مداهل هل الطولات والسيف والحربه

معارج ملائكة السماء واعظم الاوطان
رضى الله عنه اعداد ما اشفق علي قربه

[حسين الغاوي @halgawi]

حنا عمار الخصم و حنا دماره
وحنا إذا ضاقت نحل المشاكيل

—-
❤️🇸🇦

[Mohamed bin Saleh @qn7z_]

1:59 August

[Mohamed bin Saleh @qn7z_]

على سكة الدنيا وطردٍ ورى الأيام
نسامر طواري الليل مسرى وطرقيه

[Mohamed bin Saleh @qn7z_]

إن تكلمت … صوتك هَدهَدة نسناس
بين جنحان طيرٍ فوق غصن شجره

وان سكتّ يتمثّل صمتك الهوجاس
في نصيبٍ ضحك له وقته وقدّره

أنت .. والناس من بعدك بقايا ناس
من يقابلْك .. يعطي كل شي ظهره

كل كلمه لغيرك .. تنزل من الراس
وانت ترقى لك من القلب للحنجره

[Mohamed bin Saleh @qn7z_]

والغرام انواع والقلب مدهل كل نوع
والله اعلم منهو اللي من الحدب وورى

وانت ياللي منزلك ماورا حدب الضلوع
تدري انك من وراها وغيرك مادرى

تمتلكني يا اطرق العود من عادك فروع
قبل تغريك المدينه ويطغيك الثرى

جعل تسقي ذيك الأيام سجدات وركوع
يوم المواجه كان مسموح والوصل اجهرى

[Mohamed bin Saleh @qn7z_]

6:34

[Mohamed bin Saleh @qn7z_]

على باب الوله ياللي غلاكم فالضمير يسوج
مثل سوج الخلاوي من ديارٍ تنقض جروحه
ㅤ
َهموم الوقت فوج وهم حبي لك يساوي فوج
تمركز في الضمير الحي له جيّه وله روحه
َ
الى شفتك اقول اني ملكت من الغناة بروج
والى من غبت كنّي من غدآ حقه ومصلوحه

[SAUDI POPULAR @saudipopular]

🤍

[Mohamed bin Saleh @qn7z_]

ناس تقل الحيا ماني مجاملها
بقدم الكاش ما قدمت عربونه

القوم ب اللي تعاملنا نعاملها
عقب صبي يعز اللي يهينونه

و ايامنا ما سلمنا من حبايلها
واعراضنا عن مقام الهون مصيونه

والناس للناس عالمها وجاهلها
والرابح اللي بني عمه يحبونه