ميّت شعور الشغف فيني و أنا لا أزال
أشعر بـ نوبة أرق يا حزن خذ مابقى
شعوري أبلغ من الأحزان في كل حال
أنا مجند من ظروف الزمن و الشقى
أحطب ضلوعي لاتترك شي دام الليال
دوراتها خيّبت …. هقاويّ اللي ( هقى )
أول لقى صار لـ العشّاق مضرب مثال
وأنا لي موادعك أحلى من أول لقى .
” احمد العتل “
لا تجيني تالي الوقت .. ريّح و استدير
كيف برضى بـ المهونه و انا عالي قدر
مستعد اعذر ، و اشوف الخطا شيٍ صغير
لكن تقصر بـ حقي معك ؟ .. مالك عذرر :)
” فالح القويضي “
والله ان كني على صالي النار الشبوب
من لهبها يفهقون … الغواري و الدلال
عقلي اللي كان يبغى من الواقع هروب
تالي الايام يبغى الهروب من ( الخيال )
” جابر النشيرا “
من عقبك الصبر أخذ دور المواسي وأجاد
و أنا لو أخذت دور … أيوّب ماني ( نبي )
أجاهد الشوق بعد غيابك أعظم جهاد
أي والله أبيك … لكن ( المراجل ) تبي !
” مزيد الوسمي “