.

[CANCEL 🇸🇦 @aldaejam]

سحب على 4 نسخ #ModernWarfare4
ريتويت وفولو وتدخل السحب ✅

السحب بكرة العصر ⏳

[. @qqrll_]

@21Mallo2 @aldaejam جربت والله بس مقصدي هو انه يصير الصوت خفيف جدا طول الوقت فهمت علي؟ كل الاقيام الصوت مره خفيف و لازم تفجر اذنك عشان تقدر تسمع صوت خفيف زي ما قلت هذا اللي شفته سلبية فاللعبة صراحة اما باقي الاشياء ف اشوفه جزء بيكون جميل وبيغطي على مودرن 3 ان شاء الله

[. @qqrll_]

حديت نفسي للسكوت و تبسمت
واخفيت في صمتي جروح الزماني

كم ليلةٍ من جور الليالي تألمت
وكم ليلةٍ عانيت من هم لفاني

ياما صبرت و للمقادير سلَّمت
وما من الم .. الا دعاني و لقاني

ان كان من حب و هيامٍ تبهذلت
وان كان من طعنه هذاني اعاني

[. @qqrll_]

ودعتك الله ما بقى عندي حلول
جار الزمن و ظروفي تزيد البلا

فقدتك و قلبي من الفرقا يقول
ما عاد للدنيا عقب فقدك حلا

يا ليتها شده مع الوقت و تزول
واقول همٍ فالمحاني و انجلا

لكنها صارت بذاكرتي تجول
يومي طلبتك وردك علي الخلا

فقدت صوتك و الرحابه و القبول
والابتسامه و الرضا والمسهلا

[. @qqrll_]

ما ودي ادعي عليك ويتقبل الله دعاي
واشوف حالتك عقب الدعاء تندمر

الله يغفر خطاك و يحسن الله عزاي
عن كل لبيه بلساني وتامر امر

كل هروجك اوهام طوفتها من وفاي
لين اصبح العذر ماله خانه ولا ممر

بغيب لي غيبه ماهي بفتره وجاي
لا والله الغيبة اللي صدق غيبه عمر

[. @qqrll_]

ضاع الجميل و نايفات المعاريف
ضاعت مثل ما ضاع فالليل ظلي

والهقوه اللي فوق روس المشاريف
في وقتنا طاحت مطيح المظلي

اسمع علومي يا كثير السواليف
وضعك وطبعك ماهو بجايزٍ لي

ما دمت تنسى وقفتي والزمن ريف
ماني بقايلٍ لك على وين ياللي

لابد تذكرني نهار الصواديف
رح عاد دور من يسد بمحلي

[. @qqrll_]

ماني بقايل يوم اقفيت وش جاك
غير الوفاء و الطيب وش جاك مني؟

تستاهل اللي جاك جعله فداك
جعلك مسامح يوم صديت عني

جعلك موفق خير والله يلقاك
تصرفاتك عن وصالك حدَنِّي

وليا بغيت علومي علومي عفاك
بس الاكيد سهوم صدك كوتني

[. @qqrll_]

بدا يعيش الخوف فالقلب الشجاع
وبديت املّ من الحياة الفانية

والمشكلة مدري متى يوم الوداع
ومدري متى يوم القطوف الدانية

لكن على طاري ضياع وما ضياع
انا بديت اضيع مره ثانية

[. @qqrll_]

قالوا ما يذبح الرجال غير الحسايف
وانا حياتي كل ابوها حسافات

عن ماضيٍ ضاع والقلب خايف
وعن حاضر هدته بقايا الذكريات

وعن كسره ظهر من اغلى الولايف
خلت على صدري جروح و علامات

صدق من قال:
ما يذبح الرجال غير الحسايف
اليا تذكر فرصةٍ وقتها فات

[. @qqrll_]

خلني ساكت ترا كلي عتاب
خوفي اجرح قلبك لا حكيت

لا تنشدني عن الزعل والاسباب
راجع افعالك ان كانك نسيت

اي بالله راضي بالجفا والغياب
دامك على قلبٍ يحبك قسيت

عندي سؤال و اتمنى له جواب
لو تبادلت الادوار بيننا رضيت؟

[. @qqrll_]

اضحك وكني رايق البال خالي
والناس تحسدني وانا اموت بسكات

اقضي نهاري بالمزح والتسالي
واسهر بليلي في هموم و معاناة

غريبه ذا الدنيا على كل حالي
الحزن دايم والفرح بس لحظات

[. @qqrll_]

كني على يدين الصبر مولود
مهما حصل لي ما علي خلاف

[. @qqrll_]

ما الله كتب لي فيك لا حظ ولا نصيب
الواقع اصدق .. من يا ليت و ربما

حتى لو ان احساس قلبي ما يخيب
سفك الشعور اشد من سفك الدما

والغيمه الي تاخذ شوي .. و تغيب
ما تغري الا الميتين من الضما

احيان .. حتى اللي تحس انه قريب
يمكن يكون ابعد عليك من السما

[. @qqrll_]

لا غبت عنكم وفي ترابي توفيت
استروا عيوبي وادعوا لي بالثبات

تذكروا الصحبه لو اني قد اخطيت
وانسوا خطاي و اذكروا حلو الصفات

[. @qqrll_]

هذا اخر لقى و اول محطه استنزاف
مكانِ كراسيه تسولف عن اشواقي

عطيته سنين وقلب و ابيات ما تنعاف
و رَجَّع لي ابياتي ولا رجَّع الباقي

انا باخر ايامه سمعت الكلام الجاف
وكذبت سمعي لو تشهد له احداقي

وبعد ما نطق اسمي في تالي الليل حاف
عرفت انه العربون لليله فراقي

[. @qqrll_]

يا شين الشعور الي ما يشرحه وزنٍ و قاف
ما تشرحه غير الدمعه اللي من اعماقي

انا اعاني من الوحده و قل الانصاف
واعاني من اشياء فاتت تضيِّق اخلاقي

وزهره شبابي ذابله والعمر طوَّاف
لا ماتت ماهي بتبيح من حضره الساقي

يمر الكلام اللي من الشامت الجحاف
مرور الخريف الي معه تسقط اوراقي

[. @qqrll_]

يبي يكسر المجداف؟ من قال لي مجداف
انا لي سنه يا دوب تشيلني ساقي

بديت ازهد بدنياي والي يضاف يضاف
ولا ظنتي بشقى كثر ماني بشاقي

تعديت مرحله التحسف على اللي طاف
انا ذا السنة صرت اتحسف على الباقي

ما غير ارجع لطاري و ذكرى تركت خلاف
ولو خوَّه الذكرى ماهي بخوه شلاقي

[. @qqrll_]

اصادم ظروف ما عندي بها علم
و اقاوي صدوف الليالي مقاواه

لين اخر المشوار ونهاية الفلم
وصلت لاخر مرحله فالمعاناه

مات الشغف و استاسر الواقع الحلم
و رضيت بالمكتوب و الحمد لله