فهد السبيعي .

"اشعر بالقصايد اكثر من شعرائها" شاعر احياناً ..

[فهد السبيعي . @qrm_22]

مافيه مثلك لاحلايا ولا اشباه
الاجمل انت وباقي الناس عادي !

ملكت قلبي لين حبك من اقصاه
قلب العريني صار لجلك مفادي

خذني من يدين السهر والمعاناه
وضمني بيديك ياغاية مرادي

لاصرت تعرف داي عطني دواه
لاتبخل وجدك كريم الايادي (:

فهد السبيعي .

[فهد السبيعي . @qrm_22]

والشوق بعده جاب للصدر تنكيد
مع ضيقتن في ليل ولا صباحي

ياليته يعود قبل ليله العيد
وقبل الاذان وقبل ذبح الاضاحي

فهد السبيعي .

[فهد السبيعي . @qrm_22]

الحب ماعندي من علومه جديد
ياكود ذكرى اللي تركني وراحي

عساه في دنياه مرتاح وسعيد
لو ان في بعده تزود الجراحي

ابعدت عنه وهو قفى بعيد
هو غرب مني وانا في رماحي

[فهد السبيعي . @qrm_22]

البرق في دارك تبين مواريه
رغم المسافه باينن له مواري

اشوف نوره عقب ماوحيت طاريه
واخيله بعيني و اهِل العباري

لو ادري انه صاملً في مساريه
ان اتبعه واسهج ظلام الغداري

القصد يوم ابقضي الليل اباريه
شوفتك لو دونك وساع الصحاري ):

فهد السبيعي .

[فهد السبيعي . @qrm_22]

من خيب الهقوه وسبب زعلنا
القلب عن شرواه طوا حباله

دامه نوا الفرقاء يبي يمتحنا
خله على فاله عسى الشر فاله

حنا هل العادات والطيب حنا
واهل الوفاء والمرجله والشكاله

مانتبع المقفي ليا صد عناا
ولاهمنا من بعدنا وش جراله (:

فهد السبيعي

[فهد السبيعي . @qrm_22]

الوجيه اللي تغير مع الوقت
ويبين رداها وينكشف زيفها

تكشف حقيقتهم ليا برقت
لو الحقايق حاولو تحريفها

فهد السبيعي .

[فهد السبيعي . @qrm_22]

ربيع قلبي غيرته اللواهيب
جاه الجفاف وبان فيه اختلافي

كلته ناًر مثل نار المشاهيب
وزودً عليها حايفته السوافي

فهد السبيعي .

[فهد السبيعي . @qrm_22]

كنت السعادة في عيوني والرضى
وكنت الحبيب اللي ماغيره حبيب

والحين في كبدي مثل جمر الغضى
وفالحلق غصه وفي صدري لهيب

ضاقت الدنياء في عيني وضاق الفضى
خطرً على راسي من همومه يشيب

الا يا وجودي على وقتً مضى
قبل لايصبح المألوف عندي غريب

فهد السبيعي

[فهد السبيعي . @qrm_22]

نطيب لو عيت الدنياء تطيبي
ونصبر على مُر الايام بسكات

لو ان ضرب الوقت فينا عطيبي
باكر تزين ويقلب الهم ضحكات .

فهد السبيعي .

[فهد السبيعي . @qrm_22]

لو بلهي النفس عن طاريك ماتلتهي
وشلون يلهى قليبي عن خليلة

خذني معك وعلى وين ماتشتهي
دامي معك كل الاماكن جميلة

فهد السبيعي

[فهد السبيعي . @qrm_22]

ماهقيت تصير منك ذالسويا
جعل يسقى قبل هقواتي تخيبي

فهد السبيعي .

[فهد السبيعي . @qrm_22]

ياحبيبي ليه ترضى بي كذيا
ليه قمت تزود همي وتعذيبي

ذي جزاتي يوم حطيتك هنيا
وسط قلبي وسميتك حبيبي

هييت لجل عيونك اللي ماتهيا
ودست لجلك كل دربً صعيبي

والحين تزعلني وتخطي عليا
متغيرً طبعك ووضعك مريبي

شفت منك الذل وشفت الجفيا
وزدت في جرحي وانا احسبك طبيبي

[فهد السبيعي . @qrm_22]

يا الله افزع لي على بعض الأمور و عنّي
أنت والله خير من يفزع و خير معاون

- منيف الجراش

[فهد السبيعي . @qrm_22]

وارثـين طـيبنا من طـيب اهـلنـا
مـن عـلى التـاريخ واعـصور الصحابه

وجـارنـا لامـن نـصانا صـار مـنا
بـيـتنا بـيـتـه ومـزهبـنا زهـابـه

الشيخ محمد بن جعوان السبيعي رحمه الله .

[فهد السبيعي . @qrm_22]

معادن الناس يكشفها لك الوقت
ويبين المضبوط واللي غير مضبوط

احدً يضيق ليا شافك تضايقت
واحدً يدور ضيقتك وانت مبسوط .

فهد السبيعي

[فهد السبيعي . @qrm_22]

ياليتني طيرً في سماه يحوم
واباري للسحايب واتمثناها

وان جا ليلً غطا جوه نجوم
ممساي في قمهً محدً رقاها

على راس عيطاً ماعليها رجوم
بعيدً عن العالم وعن غثاها

مالي بالارض واللي عليها لزوم
كل نفسً يابدر تتبع هواها

والناس ترا محدً لحد بيدوم
مهيب مرضيتك ولو تتبع رضاها

فهد السبيعي

[فهد السبيعي . @qrm_22]

إن جيت يا مررحبا وإن رحت حفظ الكريم
بتقدّم الطيب؟ بنقدم لك أطيب منه

تحبنا مْن الصميم .. نحبك من الصميم
تصد عنّا شهر نصد عنّك سنة

[فهد السبيعي . @qrm_22]

أحاتي القدا، وأخاف لا أصير دون الظنّ
هقاوي الرجْال أثقل عليّ من جمايلها .

[فهد السبيعي . @qrm_22]

قربو هجنكم ياحزام
المراويح قرب حلهاا

قاعدً للغرض قرًم همام
معجب العين جايزً لهاا

جعل يفدونه الربع الخمام
هاقيً بالمراجل كلهاا .

ابيات الامير و الفارس فدغوش بن فارس بن شوية
فـ الشيخ محمد ابن جعوان السبيعي رحمهم الله جميعًا

[فهد السبيعي . @qrm_22]

جعل كبدٍ ما تحب الطيب جدّا
تنفطر ما حققت شيٍّ تريده .