♛

يـ دنـيـا مـَن انتي له ؟

[♛ @qrrm71]

ماجينا لـ " تويتر " ندور عّلاقات
جينا لأجل نطلق سراح المواجع

[♛ @qrrm71]

الغياب اللي خذاك وحطني في وجه ليلك
المفارق شي حاصل والظروف العوج تنحل

ليه أضيق بـ غيبتك لا رحت وأزعل من رحيلك
والله اللي راد أحبك والله اللي راد ترحل

[♛ @qrrm71]

عليه اللوم ودموع الهقاوي والسلام الحار
كثر ما كان في صدري حكي قاسي ولا قلته

بيفقدني وياكله الندم وبتوجعه الأفكار
وأنا جعل الله يقطعني اذا في يوم واصلته

عزاي اني عطيته فوق حقه والزمان أطوار
تركته للغياب اللي يصحيه ان تجاهلته

[♛ @qrrm71]

ليا صار مالي قدر وش حاجتي بالود
يبي الله يدله خاطري عنه بأشغالي

طلع طلسمك يا سحر هاروت خفة يد
وعهدك كلام وعشرتك لعب جهالي

فمان الله ودرب السلامه نزلت وشد
تاخذك السنين وتردم مراحك الخالي

[♛ @qrrm71]

ولو مهما يدور الوقت ما أطري بك العذروب
بموت وشرك أخصه وخيرك دايم أعمه

مثل روما تودي لك طروق القلب ولدروب
لك الوجهات الأربع كلها والشط واليمه

ومثل ما تحتمي لأرض الوطن بين البلاد شعوب
تحت سمعًا وطاعه تحتميك بصدري الأمه

[♛ @qrrm71]

سلامي سلام اللي سمح والأمل مفقود
على اللي ما صان الود من كثرة أعذاره

رفعت العتب وأقفيت عن غايبٍ موجود
يوم ان الغلا شفته بدا يرخي ستاره

سعيت لرضا عينه ولا شاف لي مجهود
وأنا أجفى العرب لأجله وأناديه وأختاره

يا ليل الفراق اللي عليه الحروف شهود
قرار الجفا عقب الغلا وشهي أخطاره
:(

[♛ @qrrm71]

الله درى عن "رفيقي" وينه مغيّب
جعل الجفا مايطوّل بيني وبينه

علمي به اللي يجري كل متهيّب
ويبدّي الهقوه الزينه على الشينه

ياليت صدري وسيع .. وسده قريّب
عشان ماشره عليه ولا آنشده وينه

هو طيب وسمعته زينه وانا طيّب
ما اطيع فالطيب اللي سمعته زينه

:(

[♛ @qrrm71]

دفع البلا .. عزالله إني ضايق
مزاجي الليله مهب فـ الهاي

ولا يزيد الضيق عندي ضيقه
إلا عتب من هاجسه .. دوّاي

أجامل العالم .. على مبداهم
لكن ما آساومهم على مبداي

من شاف ضحكي و إنبلاجة وجهي
يقول من وقته مهب .. شكّاي

أحّييييه يا كبدي ولا لس لايم
ودس تقولين آي ؟ .. قولي آي

:(

[♛ @qrrm71]

لك قلادة ان حبيت صارت عليك حزام
ولي الصبر لو نارك على الكبد وقاده

ياكثر الفتن من غرتك لاسفل الاقدام
وجهاد الفتى نفسه عليك اعظم جهاده

اشوفك وطن وتشوفني رحلة أستجمام
وأشوفك عمر وسنين ماهي بمنعاده

معي قلب واحد لو تقسمه خمس أقسام
بحبك بكل اقسامه الخمس وزياده :(

[♛ @qrrm71]

سرى الليل وش غير الحماسه وابو تمّام
نديم الورق و الحبر و القهوه الساده

بصدري كلام وفي خيالي وصل واوهام
لو اخير منها دمعت ٍ فـوق سجّاده

يامعذبْك وانت اتهب حتى مع الانسام
ويا مقساك وانت اتغرّب الشخص فـ ابلاده .

[♛ @qrrm71]

مثل من ملى الدنيا لحون وصدى وأنغام
لو انه تشتت بين ورده ومياده

من الشعر ماخلد بشر وأستمر ودام
لولا شعر ابن زيدون وش حجم ولاده

لو اضيع بك من ضاع فيك ماينلام
وش اللوم ونفوس المحبين منقاده

ياكم من صحيح يقلته منك سلهام
وياكم من مريض منك والصبر مافاده

[♛ @qrrm71]

ارسلت لك واجد ولا رديت
صبح على يوم الفراق ومس

انا تراني من غلاك ازريت
وبحاول اجس المفارق جس

كانك ليا ذاللحين ماحسيت
والله العظيم انك ماعاد تحس

ما ابيك تتبعني ليا قفيت
ابيك تذكرني بخير وبس

[♛ @qrrm71]

لفاني على طرق الغلا والهوا مرسال
وانا من شعور وحب واحساس لبيته

هلا مرحبا باللي على الذاكره ما زال
اتجدد غلاه الذاكره لا تناسيته

عن البال ما قد غاب واشغلت فيه البال
احس اني اشوفه كثر ما تهییته

شعور التفاؤل يجعل الحلم طيب فال
ياكم ذاق حلمي سكرة الموت واحييته

[♛ @qrrm71]

قلبٍ يناجيك بـ اسلوب الهوى ناجه
يشكي لك الحال داخلها وخارجها

اما التفت لي وتم الوصل بـ مواجه
ولا بلا عشرةٍ هاذي نتايجها

وش ينفعك من حنين القلب وخلاجه
وجروحي اسبابها انت ولا تعالجها

[♛ @qrrm71]

والله اني شرّعت لك
باب مردود عن غيرك مية رده .

[♛ @qrrm71]

علموُه اني احبّه من الوَريد لـ الوريد
وعلموُه انّ الليَالي دوُن حسّه موجَعه

[♛ @qrrm71]

طبعي تغيّر وصرت الساكت الهادي
من جاني رحبت به ومن راح ودعته .

[♛ @qrrm71]

بتدوم غالي غصب عن خشم الفراق
وبيدوم لك بالبال مليون طاري !!

غصبٍ علي أتوق وأحن وأشتاق
وغصبٍ عليك تحس لو ماانت داري !!