𝐎𝐜𝐭𝐨𝐛𝐞𝐫

[𝐎𝐜𝐭𝐨𝐛𝐞𝐫 @qsidq]

وانا اللي كل ما قالوا تطيح من الحمول متون
وقفت بـ وجّه ثورات الظروف وموجها العاتي

ولأجل أبقى على هذا الشعور العاقل المجنون
كفرت بكل خيبات الزمان .. وآمنت في ذاتي

[𝐎𝐜𝐭𝐨𝐛𝐞𝐫 @qsidq]

سلامة رماحك اللـي جرحها غـالـي
طعنتنـي غاضب لين إنكسر رمحك

ولو قلت لي كان أجرّح حالي بـ حالي
لا عاش قلبٍ جزع وارتاع من جرحك

[𝐎𝐜𝐭𝐨𝐛𝐞𝐫 @qsidq]

ولو تحس بضيقتي مثقال ذره
كان ماخليتني حسب اعتقادي

من فقدتك ياحبيبي والمسره
فارقتني وطار من عيني رقادي

عادي اترك كل حلوه وكل مّره
لكن اني اتركك ماهو بعادي

كنت انادي في غيابك واتحره
راح صوتي ولا حياه لمن تنادي

[𝐎𝐜𝐭𝐨𝐛𝐞𝐫 @qsidq]

لا ضاقـت الدنيا قل .. الحمدللـه
حتى ولو إنـك مـن الوقـت ، هايـم
ٰ
ما خاب منهـو يحسن الظن باللـه
وما ضاق صدرن يذكر اللـه دايم

[𝐎𝐜𝐭𝐨𝐛𝐞𝐫 @qsidq]

معاكم حق يـ اصحاب المشاريه ذا الايام
انا ان ماقدرت انفعك .. لا ارسل ولا اكلّم

مـ اعرف اعتذر من عاد عمري ثمان اعوام
وانا داري انه عيب ..: لكن من تعلّم !!

ابي لي رفيقً... مثل رفيق ابن وسام
( اذا طبت علم / وان ترديت ما علم )

[𝐎𝐜𝐭𝐨𝐛𝐞𝐫 @qsidq]

ماعاد عندي من سمان المعاذير
غير الخطوط ، اللي على بطن كفّي

وباقي عشان آنساه.. عمر و مشاوير
والخطوتين اللي معي ، ما تكفّي

[𝐎𝐜𝐭𝐨𝐛𝐞𝐫 @qsidq]

معاك أحب السوالف . . و أكره الأختصار
أنا فدى صوتك الهااادي . . مزيييل الكدر

ولا تخافين من هجر . . وحزن . . وإنكسار
ما أنتي مجررد غرام ؟ انتي قضاء و . . قدر

[𝐎𝐜𝐭𝐨𝐛𝐞𝐫 @qsidq]

كلهم شافوك واحد بس انا شفتك وطن
والله انك في عيوني كل كوني والحياه

لو يشوفونك في عيني شافوا ان مالك ثمن
يا غناة اللي يدور من فقر عمره غناه

انت ضحكات الأماني وانت لذات الشجن
وانت دعوة والديني من بعد فرض الصلاة .

[𝐎𝐜𝐭𝐨𝐛𝐞𝐫 @qsidq]

ضنوا أن الصمت في وجهي رضى
مادروا بالصمت في وجهي جدال

نظرتي أوسع من حدود الفضى
والسكوت أبعد من حدود الخيال

شف على كثر الكلام اللي مضى
ماعطيت مدوّر الزله مجال

من نوى صدي ف أنا جمرة غضى
ومن نوى وصلي ف أنا ماء زلال

[𝐎𝐜𝐭𝐨𝐛𝐞𝐫 @qsidq]

شتّان بين الواقع اللي نعيشه
و أحلامنا اللي مثلنا : ما تجرّا !

الحلم من صدرك لحدّ الدريشه
و الضيق من حدّ الدريشه و برّا

[𝐎𝐜𝐭𝐨𝐛𝐞𝐫 @qsidq]

شفت حزنك كيف حزنك شافني !!

كيف داهم خلوتي فـي لحظتيـن

...

طير أنا مثلـك زمانـي ضامنـي

جرحتني مثلك سيـوف السنيـن !!

[𝐎𝐜𝐭𝐨𝐛𝐞𝐫 @qsidq]

من كثر ماكنت قاسي انا اشوفك سموح
كل حاجه منك شينه .. انا جملّتها

حتى تلويحتك يومك توادعني وتروح
انت ما لوّحت لكن انا اتخيّلتها .. !

[𝐎𝐜𝐭𝐨𝐛𝐞𝐫 @qsidq]

وأذا سألوك الناس عنَي قول مدري
حتى لو أني مخليك .. ومخليني

أسرارنا ماتبي الا صدرك وصدري
خل اللي '' بينك وبيني ، بينك وبيني

لو تدري أنك في عيني .. خلّها تدري
لكن لا يدرون أنك طحت من عيني !

[𝐎𝐜𝐭𝐨𝐛𝐞𝐫 @qsidq]

على كثر ما أشوف ان يدينك تشح دواي
أجيك الحزين اللي من الهجر مستدرك
⠀
و مع إنِّ الزمن في كل ليله يجيب اقصاي
لكنّي ما اعرف اهين قدري ولا قدرك
⠀
لو تغيب يكفي شوف طيفك على يمناي
ترى لك بصدري شي ماهوب في صدرك

[𝐎𝐜𝐭𝐨𝐛𝐞𝐫 @qsidq]

اخذ المسافات والايام " سكة عبور "
الضحك لك .. والمضرّه والمشاوير ليّ

الخوف ماهوب من حاجه ولا من شعور
الواحد الحين صار يخاف من كل شيّ !

[𝐎𝐜𝐭𝐨𝐛𝐞𝐫 @qsidq]

تاهت مواعيدنا وانتظرت القمرا
وشيب عيني من القمرا وطاريها

يكتبني الشوق في خد القدر واقرا
تلويحه العشق للعاشق واغنيها

[𝐎𝐜𝐭𝐨𝐛𝐞𝐫 @qsidq]

للمحبة حدود وحبي لك سما
والسما لو تعرف أبعاد وحدود

ما جريت في دمي وعروقي كما
تسبح الأفلاك في عرض الوجود

[𝐎𝐜𝐭𝐨𝐛𝐞𝐫 @qsidq]

مروعنيَ الوقت لو ياخذ طموحاتي
وتروعنيَ الناس في صدمة مباديهآ ؟

بارد ولا شئ ,, يلفت أنتباهاتي !
تمرني أشياء ماتمشي وأمشيها

مسكر أذني ، ومقلل علاقاتي '
تتساقط الناس من عيني وأخليها .

[𝐎𝐜𝐭𝐨𝐛𝐞𝐫 @qsidq]

ودعتك الله .. مابقى شي ينقال
،،
الا انك أجمل شي غاب بحياتي

[𝐎𝐜𝐭𝐨𝐛𝐞𝐫 @qsidq]

من يقول الكذب حبله قصير ؟
نص عمري راح وانا مصدقك ..

[𝐎𝐜𝐭𝐨𝐛𝐞𝐫 @qsidq]

.

من كثر ماأحس بالشي ، انتمي له
بيني وبين أجمل أشيائي توافق
.

و كل ضحكة دايم بعيني .. جميلة
لكن أكره ضحكة الوجه المنافق !

.