⚜️ً

[⚜️ً @qtr2ii]

'

مايموت الود .. لو مات الكلام
لك مكان و ذكريات ولك شعور

ما انت عابر في حياتي والسلام
انت حتى في غيابك لك حضور !

[⚜️ً @qtr2ii]

منطقية حياتي ماتعرف الحياد
غصب عني أكابد بالعمر وأجتهد

والمفارق مايعني بأن قلبي جمااااد
العلاقات رزق إن ماصلحت ابتعد

الحشيمه بتبقى لو يروح الوداد
بحفظ العشره بقلبي وأصون العهد ،

[⚜️ً @qtr2ii]

سلام تسليمة غلا من ردّها ياتيه اجر
واللي يبا الحسنه من الله ياقف ايرد السلام
.
انا ماجيت وفي يدي بندق وفالأخرى حجر
يا الربع دعوانا بسيطه والسلام ازين ختام (:

[⚜️ً @qtr2ii]

إن طابت الأيام حنا اللي نزيد الطيب طيب
وان شانت الأيام نضرب عرضها في طولها .

[⚜️ً @qtr2ii]

ماطلبنا الناس مدح ولاشفاعة
ولا نمن بشي لامنا . . عطينا

[| @ifebruarry]

تبعنا الهوى يوم الهوى له طراه وذوق
وتركنا الهوى يوم الهوى ضاع قانونه .

[⚜️ً @qtr2ii]

تكثر وجيه الناس و العمر فاني
وكم وجه من لوحة حياتي محيته
ٓ
إلا أنت وجهك ؟ في رفوف الثواني
من وين ما لدّيت . . وجهي لقيته

[⚜️ً @qtr2ii]

من عذلني من مجيك ياغايات الشفوف ؟
جعل ما يلقى علاجه , و يلحق من غدآ
.
باقي حبك بـ قلبي . . رغم قشر الظروف
لا نقص من شو وصلك و شوقي ما هدآ

[⚜️ً @qtr2ii]

لاسرا ليلي وصدري من الصبر معدوم
ما بقى من صافي الدمع شيٍ ما نزل .

[⚜️ً @qtr2ii]

تغيّر غلاه العام .. والعام ذيّا خير
الين انجبرت افك حبل الوصل جبرى
ّ
ترا اللي غلاته غير تاتي طعونه غير
علامات سكينه ، مع الوقت ماتبرى !

[⚜️ً @qtr2ii]

لو خذا في قلبك الشوق روحه وانقلاب
ماخذا في كبدي الحزن قامه وقعده
'
اطردك وانا مثل من يطارد له سراب
وانتظرك امسي ويومي وبكره وبعده
'
كل ماينشدني الحزن وش تعطي الغياب
قالت عيوني من الدمع يبشر بسعده

[ـالقـرم♩ @i__8rm]

اتصنع ب اني بخير واحوالي بخير
وراس مالي ثوبي اللي علي وغترتي :)

[| @ifebruarry]

دامها ما هيب في الشكات راسك سالم
اخير من الخوض في موضوعنا تطنيشه
َ
ما اقدر اصخي بك سوا مظلوم ولا ظالم
امحق ارضٍ تفقدك وامحق حياه وعيشه .

[ـالقـرم♩ @i__8rm]

اخ لو يفتح لي الحظ بيبان الغناه
والله أن اغني عيال الجماعه كلهم :)

[ـالقـرم♩ @i__8rm]

يامحمد خلك أكبر من ظروف الحياة
الظروف الصعبة .. أدوّر اللي قدّها

[| @ifebruarry]

لا ظلّم الليل و استار السما معتليك
ولا ناموا الناس و إلا الناس عنا لهو
ㅤ
ودي اشوفك قبل لا تروح وامسك يديك
مشتاق لك و الله اللي لا إله إلا هو :(

[ـالقـرم♩ @i__8rm]

بين العيون ومنام الليل حرب وكفاح
في هيةٍ صرت سالمها وهمامها
'
يا حظ من عينه تسابق طيور الفلاح
تنام قدامها .. وتقوم قدامها

[ـالقـرم♩ @i__8rm]

ان عشت وحداني الوحده تنـاسبني
وان عشت فالمجتمع لي وجه و اواجه

[بعيج @_B3eej]

سقاك الحب واحياك الوصل ياخيرة الاحباب
على ذكرك شريـط الذاكـره يمشي على هونه

[بعيج @_B3eej]

اللي نحبه من التقدير نشره عليه
الا قريب الشبوح وناقص الرابعه