غـيـث .

[غـيـث . @qtr6z]

قريت الصفحة إللي كان في روحي لها تأثير
لقيت سطورها ماحرّكت قلبي من اضلاعي

كثر ما كنت أخاف المفارق صرت أشوفه خير
مثل ما كنت أخاف من البحر قبل اطلق شراعي

غديت أودّع المقفي ولا أحب أسمع التبرير
أشوف إن التفاصيل الكثيرة ما لها داعي

فـ أنا يا اللي تظن إني بدونك ما أحسن التدبير
هجرتك وأشتعل نور الحياة و زانت اوضاعي

فلا شكراً على وقتك ولا اعذرني على التقصير
أنا من يوم فارقتك تلاشت معظم أوجاعي"

[غـيـث . @qtr6z]

الديرة اللي وراها شاسعات الدروب
لو كان ماهيب فيها .. كان ما جيتها ..

كتبت فيها البيوت من القصيد الطروب
والمشكلة ما اطرب الايوم اجي بيتها !

جمعت كل المصالح من شمال وجنوب
ومن يوم صارت حطب مركون خليتها

اقول ماني مسوي شي غير محسوب
اقولها قبل لين اليوم سويتها ..

من شانها يمتلي قلبي وتفضى الجيوب
والروح بالحب والاموال فضيييتها

بين اجتماع المفاتن و الجناب الرحوب ؟
تموت حتى العقارب عند توقيتها ..

جمعت كل الكلام الزين من كل صوب
والكلمة اللي تجيب الضيق رديتها

يا عزة الخيل ، يا عيون الغزال اللعوب
من يوم صارت حياتي معك .. حبيتها

وجه الزعل يوم اشوفه مثل وجه الغروب
لا تزعلين الحياة وينخرب بيتها ..

ماكنت اصلي صلاة الخوف وقت الحروب
لكن من الخوف من فرقاك .. صليتها :(

[غـيـث . @qtr6z]

وين أودّي غيمة الاحلام من شمس الحقيقة
و أنت موجٍ لا تلاطم شفت به جزري و مدّي

ضحكةٍ لاحت على وجهك نسايمها رقيقة
تعترض لي في صباحات الهوى و أقول ودّي

كل دربٍ ما خطت رجلك على مفرق طريقه
ما يعّد من الدروب ولا يجيب ولا يودّي

[غـيـث . @qtr6z]

اقوي عزومي , بـ المثابر وصبري طال
يا دنيا لو تجورين , ما قلت لك سمي !!

اذا صرت ما اقبل فـ ابسط حقوقي الاهمال
اجل كيف بـ اقبل , من جفاني يجي يمي ؟

زرعت الثقه فـ اللي لا مالت ظروفي مال
وضاعت مثل نص , الكتابه مع الأمي

ما اسند على عمي وخالي بـ شكوى الحال
مع ان القصور بعيد , عن خالي وعمي !!

ليا ضاقت الدنيا من الجال لين الجال
ما والله ابيّن لـ العرب عن مدى همي

انا لذة الدنيا , ما ابيها تجي بـ المال
ابيها تجي في طاعة الله , و برّ امي !!
@sd280

[غـيـث . @qtr6z]

ماعاد باقي لهم فـ الارض غير الحنين
وأماكنٍ وثّقت خطوات رجلينهم

من ماضيٍ كل مايطري على الراحلين
اتلوّح قلوبهم .. تلويحة يدينهم

سبحان من حالت أقداره مابين الثنين
مايندرى وين آمانيهم وهم وينهم

اللي قبل لا تفرّقهم .. ظروف السنين
حتى الهبايب ماتلقى درب من بينهم

[غـيـث . @qtr6z]

ماذبحني واسرف بروحي وزاد اوجاعي
غير شيً مـن وراء حدب الضلوع اكنه

ليت لي قلبن لياء مني عذلته طاعي
كان ماغره سراب الوقت واخلف ضنه

[غـيـث . @qtr6z]

يارفيقي خاطري ماش وافكاااري شتات
خلني لـ مطاول الليل الاسود والسهر

والله اني ضايق الصدر من كل الجهاات
وفاقد النوم الطبيعي لي اكثر من شهر

المداهيل القديمه و بعض الذكرياات
اظهرت من عيني الخاافي اللي ماظهر

وكاان ماالله عاضني فـ الليال المقبلات
مات حلمي قدم عيني ومتّ من القهر :)

[غـيـث . @qtr6z]

يا مزموم النحر قلبي خوى و أنت المقهوي صبّ
على وصلك ظروفي نصها لالا .. و نص إيّه

عليك الشوق في قلبي .. لهب نارً حطبها شبّ
تحاولها ثنينً بينهم هرجه .. خصوصيّه

حداهم لا هدت كب الحطب من فوق الآخر كبّ
تقول إنه يكفّر بـ حرقانه .. عن معاصيّه

يدارجها هوى الغربي و إلى قفّت عليها .. هبّ
من جبال النماص : إقوى الذعاذيع النماصيّه

هذا شوقي في قلبي وينك و وين الغلا و الحبّ ؟
تعال لـ عاشقً شابت من الفرقى .. نواصيّه

" رسايلك القديمه " ذكرياتً ما قضت لي نبّ
وش أسوي بها و الروح من لاماك مقصيّه ؟

رسايل عينك .. أبلغ في فواد المستهيم الصبّ
يترجمها شعوره .. و الرسايل غير نصيّه !

طحنت الحب في راسه و هو ما ينطحن له حبّ
و كثرت الطعون بـ ضربة النجل المقصيّه

أحبك و القلوب إلى ومرها الله تحبّ ؟ تحبّ
تجلت رحمته فـ أدنى فضى كونه .. و قاصيّه

سكبها في فواد إللي لا ضاقت قال له : يارب
و من عدله ما حرمها على خفّاق .. عاصيّه

و أحبك قبل أصير التبّ فـ الساحه : و صرت التبّ
و أنا أحبك .. و هذي لك من الرحمن خصيّه

إذا كانت دموع لـ من تحب آخر ( علاج الطبّ )
عيوني خضّعٍ .. لـ أوامره و الناس معصيّه

لا تتركني مثل بعض المديح إللي يعقبه سبّ
و تنظر لي .. بـ نظرات الغرام ( الإنتقاصيّه )

تشخّصت لـ عيونك و الغلا المآخود لا من هبّ
على إللي ما هو بـ شخصيّه .. يخلّيه شخصيّه

- ابن الذيب

[غـيـث . @qtr6z]

وين أبهرب منك و أنت العابر إللي صار غالي ؟
مرّني معجب و خلاّني من أكبر معجبينه !

[غـيـث . @qtr6z]

في كنف بشت الطواري ، والسهر واللوعه
عشت يا حزن الضمير / اللي مهوب هويّن

البدايه ، ضيق بال وضحكةٍ مصنوعه
والنهايه / وقعها تحت المحاجر بيّن

من حوالي عام ، وطعون الشقي متبوعه
ما يعالجها طبيب / ولا تلاوه ديّن

سجة القلب القديمه ، كنها مقطوعه :
ولذة النوم الحقيقيه / ماعاد تعيّن )؛

[غـيـث . @qtr6z]

حاولت انـام ولاتهيا لي الـنـوم
النوم والهاجوس ماهم ولايـف

ما تستريح العين والبال مهموم
ولا يستقر الحال والقلب خايف

غديت مثل اللي بالاعدام محكوم
ما مات ،، لكنه من العمر عايف.

[غـيـث . @qtr6z]

يا فرحة العيد ما لك فـ الحنايا شريك
دوّر و تلقى ورى الأضلاع عيديّتك

انسف جديلك قبل تنسف مذارع يديك
الغيم تاجك و سطح الأرض زوليّتك

حتى الفساتين و عقود الذهب تحتريك
الكل منها يبي يلمس خصوصيّتك

المشكلة لا هروبٍ منّك إلاّ إليك
أودّعك صبح و الليل أنتظر جيّتك

[غـيـث . @qtr6z]

في غيبة الي يموت وسمعته ماتموت
" الله يسقي ثرا قبره " بـ وبل المزن

اصدّ بدموع عيني من عيون الشموت
واستر على الخلّه بـ شخصية المتزن

ملامح الهمّ حتى لا لزمت السكوت
تبين للناس بين القافيه و الوزن

حتى الى قلت عصماً حول عشرة بيوت
ما ينتشر كون بيتٍ كاتبه من حزن

[غـيـث . @qtr6z]

اهلين ياسمح المحيا وسهلين
ياراس مال اللي يبيك ورصيده

اشتاق لك شوق الشقي للملاين
اللي حياته كلها ع الحديده

معطيك رب الصايمين المصلين
اللي جعلنا كل ابونا عبيده

عطاك عين ماخلق مثلها عين
والخد بلحاله يبي له قصيده

وجهك اذا شفته تذكرت شيين
الحظ الاوفر والحياة السعيده

[غـيـث . @qtr6z]

صداقة الصادقين وعشرة الوافي
ما تبغي إلا رقيب الذات يرعاها

وأسلوبي الخارجي وأسلوبي الخافي
حسب العلاقات والخطوه هي إياها

حنّا على سكّة الطرّاش واللافي
سحابةٍ يلعب القمري على ماها.

[غـيـث . @qtr6z]

من كسب ود الأوادم بوجه ٍمستعار
تجبره الأيام يدفع ضرايب مكسبه

[غـيـث . @qtr6z]

لو تحـزن الدنيا بعـيد المشاويح
ماتضهر الي كاتمه في .. ضميـري

ماعـاد تـبغي من هل العرف تلميح
اما مـصير الوقـت ولا .. مـصيري

قالو تـمن انك من العالم .. مريح
قلت أمنياتي وش لها فـي .. سـريري

ي الله بـ شـقراً ركضها يسبق الريح
انـتاج شخصي ماتـعب فيه غـيري

شـقـرا ً تـقوم لها الـرياجـيل وتطيح
مـبنق نـحرها كنه بـيبان .. أمـيـري

الى أركضو تعطي هل الجيش تلويح
كـنها تـقول الـي بلاكم .. مـديـري

تـاتـي تـزقّفها الـسـياييـر .. والـسيح
كنها تـقول لها الجـهازات .. طـيري

عـقب العرق كنها على عضدها شيح
ولا تـغسّـل مـرشحتـها .. بـ فـيـري

تخـلي التـجّار والـعالم .. تـصيح
ويـدورون لـ رقم ابي عند ( siri )

الباتع
@alb2t3

[غـيـث . @qtr6z]

استانسوا ترا الليالي زايله
ولاتكدركم تصاريف الحياه
.
ماينفع المهموم هم شايله
الرابح اللي يومي بهمّه وراه
.
واللي يدوّر للدروب الطايله
فلا يخلّي طاعة الله والصلاه
.
تميّز الرجال من خصايله
وتميّز الداشر لياشفت اخوياه
.
ماندري الايام وشهي قايله
الله يزينها مع كل اتجاه

[غـيـث . @qtr6z]

والله ان قد لي ماني بطيّب
مونسٍ خلف الضلوع العوج حره

اتغاضى واتغيشم واتسيب
واتظاهر بالامور المستقره

من نشدني من بعيد ومن قريب
قلت ما فيه اطيب من الحال مره

واظهر الهيبه على العالم واغيّب
ضيقةٍ حطت لها فالصدر جره

اشهد ان ضيق الصدر ملعون صيّب
ياكل ايام العمر والعمر مررره

[غـيـث . @qtr6z]

خذاني عليك الليل واتعبني التفكير
لياليك من بد الليالي …لها وحشه