َ

[َ @qtr9i]

سلامي سلام اللي سمح والأمل مفقود
على اللي ما صان الود من كثرة اعذاره

رفعت العتب وأقفيت عن غايب موجود
يوم ان الغلا شفته بدا يرخي ستاره

سعيت لرضا عينه ولا شاف لي مجهود
وانا أجفى العرب لاجله واناديه واختاره

ياليل الفراق اللي عليه الحروف شهود
قرار الجفا عقب الغلا وش هي اخطاره؟

[َ @qtr9i]

بلاك انك تعرف اني احبك لو غيابك طال
وبلاي اني اعرف انك دواي ولذة سنيني

حسافه كل يوم يمر مالك في ذراه ظلال
لا اسمع فيه صوتك لا تزور ولا تحاكيني ..

[َ @qtr9i]

مليت من تكرم مدينه لجل عين
ضاعت جميع اوطان عمري لعينك ..

[َ @qtr9i]

في ذرا وصلك من اللاهُوب والقيض المصلي
ضمني وأقبض على قلبي ولا تطلق سراحه ..

[َ @qtr9i]

أن رموني بالتهايم و فضّلت السكوت
أضعف الايمان في وسط قلبك برني

لك علي أني ماحطك على لسان الشموت
و لي عليك أن كان صدرك تضايق مرني

سبّة ضعاف الروابع و ظلام البخوت
كان ماهي نافعتني ماهيب تضرني

مستعد أطير لأجلك ولكن قبل أفوت
كان عندك شي يثبت غلاتي ورني ..

[َ @qtr9i]

تمر الليالي وكل ليلة ازيد إيمان
ماضاعت ليالي من على الله لياليّه

ولو ضاع حلمي قلت من دافع إطمئنان
عوض ربي أجمل من خيالي وامانيّه

على الله ولاضاعت رجاويك للرحمن
يا قلبً خلقه اللهَ من ضلع حنيه .

[َ @qtr9i]

الحمدلله بلا سبب ولا طلب
الحمدلله حمدًا كاملًا، الحمدلله دائماً وأبداً🩵.

[َ @qtr9i]

تغاضيت عن زلة رفيق وعتب غالين
وصبّـرت قلبٍ ، سود الايام موجعته

رميت العتب في سلة المهملات ايلين
لحقني الخطا من واحدٍ ماتوقعته .

[َ @qtr9i]

قديم الشعور اللي ظما من وفاي وشرب
بقى ما بقى والليلة أولى بـ ساريها

عليك الملام إلين أشوف السنا من غرب
كثر ما هقيت بـ هقوةٍ منت راعيها .

[َ @qtr9i]

يا منوة اللي مانوى يعتاض فيك من السنين
وده لو ان العمر يرجع به على اول ما بدا .

[َ @qtr9i]

مرحبا يا أول خجل قلبي وصمته واعترافه
العمر بـ أهله شكوك ولمسة يدينك يقينه ..

[َ @qtr9i]

حبيبي كيف اسولف واتباهى بك وكيف ابداك
وكيف اشعل دجى ليلك أغاني وارسم الصوره

و ليل الشوق لا جابك على بالي بدون ادراك
انا كيف احتضن صبحك قبل لا تغني طيوره ؟

تفاصيلك سنا وجهك حبيبي وضحكة محياك
تفج ليلٍ معيشني تحت ظلمه و دیجوره ..

[َ @qtr9i]

أحبك كأني اللي شاف في صدرك دفا بيته
يخاف البرد وضلوعك حماه وشاله الدافي .

[َ @qtr9i]

ترى عادك فِ قلبي ولو قل وصلك ..

[َ @qtr9i]

على القلوب المصّده ما يفيد العتاب
كنك تسولف على الاموات فـ قبورها ..

[َ @qtr9i]

لاتعلق في الاماني والاحلام الكبار
شرهة الكاذب تعود على من صدقه ..

[َ @qtr9i]

اطاوع شوقي ولا اطاوع النسيان؟

[َ @qtr9i]

بلاك انك تعرف اني احبك لو غيابك طال
وبلاي اني اعرف انك دواي ولذة سنيني

حسافه كل يوم يمر مالك في ذراه ظلال
لا اسمع فيه صوتك لا تزور ولا تحاكيني ..

[َ @qtr9i]

أعرف إن الطواري ماتمر إلا تجيب أحباب
يجي طاريك كن البال في جدول مواعيده

ادوّر لك عذر ياللي تدوّر لـ الغياب أسباب
يا شبه الكلمة اللي بعدها غصّة و تنهيـده

من آداب الفراق إنك تصون العهد للغيّاب
أخاف الجرح يهدى وإنت تلقى عذر وتزيده .

[َ @qtr9i]

مصير جروحنا تطيب ما دام قلوبنا ملّت ..