وشـ بـقـى

يازمن العجايب وش بقا ما ظهر!؟

[أ . نوفمبر ﮼ @iiia2r]

تسلّل من شقوق الصمت صوتٍ ينده الغيّاب
ونفض غبار السنين اللي غفت في كفّ جدراني

وأنا أحسب بقايا الحلم ما تقوى تردّ الباب
لقيت الذكرى تشرّع له من أقصى الروح بيباني

تهاوى سقف صبري وانكشف سرٍّ مضى ف كتاب
وقام الشوق يتفصّل على مقياس وجداني

كأن الليل من فرط الأسى صلّى على الأحباب
ولبس من ضجيج الصمت ثوبٍ يستر إيماني

وقفت أرقب آخر العتمة ب قلب ما وراه عتاب
وأنا الراحل عن عيونك وأنا المغتَرب في أوطاني

وأدور في زوايا الروح عن وجهِ كساه اسهاب
ولقيت الصمت حبر سال يطمس رسم عنواني

غريب شكى ظلم العمر.. في غمرة الترحاب
تحيّر بين زيف الاعتذار.. ودمعة الجاني

أخاف القى النهاية قبل اعرف أوّل الأبواب
وأموت.. ولا عرفت إنّي "حقيقة" وسط نسياني

صحى وجهي ورا حدّ الغياب وْداخله مرتاب
أطالع في وجيه الناس.. أدوّر صفوة أقراني

[- @Dll7n]

قبل ينهدم صرح الغلا والنفوس تشين
فمان الكريم اللي عطاياه ما تحصى

أتركني على كف المقادير بين أثنين
زمانٍ ماهو لقصى وحظٍ ماهو لقصى

تطمن تراك اللي بقى لي من الغالين
يا منصاي عن كل البشر لا بغيت أنصى

والله ما أتحرر من غرامك ليوم الدين
لو يحررون القدس والمسجد الأقصى

[الريّس @83jmi]

الحياه . . ( ملكعه ) تبغى لها نسبة ، لكاعه
وأنت غامر لا تفكر فـ الزمن جوده ، وشحه

بس تكفى لا يصيبك قل دين ، و قل طاعه
لو تمر : بـ قل مال ، وقل نوم ، و قل صحه

_ متعب بن مرزوق

[معكاز | شعر @M3kkaz]

لا صرت ماتاقف على كل زله
تراك تكبر في عيون الرجاجيل

خطأ ما يقدح في كرامتك خله
رمي الحصا بالنيل ماعكر النيل

اصفح وخل الشك دقه وجله
ما يظهر الأمراض غير التحاليل .

[وشـ بـقـى @qw_F20]

@S_m_199 👏🏻👏🏻🔥🔥🔥

[وشـ بـقـى @qw_F20]

@S_m_199 👏🏻👏🏻👏🏻👏🏻👏🏻👏🏻

[وشـ بـقـى @qw_F20]

@S_m_199 يسلام عليك صح الله لسانك👏🏻👏🏻👏🏻

[وشـ بـقـى @qw_F20]

@S_m_199 🔥🔥🔥