فـهد

ماني بمتواجد انا مت واجد

[فـهد @qwttvs]

إلى متى ياحمد والرجل ادرجها
ادور لسلوتي والضيق يبراني

نفسي من احزانها ربي يخارجها
عامين هي هي واحزاني هي احزاني

[جزاء الغيداني @j94iii]

اكثر انسان اذنب ، واكثر انسان تاب

[فـهد @qwttvs]

انا انتظر رؤية قمر ثاني العيد
ماهو بموجودٍ بكشف العجيري

[فـهد @qwttvs]

وش العيد وايام الغلا والمطر لولاك
يافرحة ملاذات العمر واجمل اعياده

[ٌ @ajm7i]

14 فبراير :

لكن الوضع هو هو ماتغير و الزمان يشين
و حبك كل يوم يزيد في العين الشقاويّه !

[فـهد @qwttvs]

تكفون ما نبغى على الخط لوحات
لوحاتكم هذي سبايب شقانا

دايم تذكرنا و تفتح ملفات
نذكر حبايبنا و ماضي هوانا

و ان قصدكم منها دليل اتجاهات ؟
حنّا تضيعنا ، و تلعن ثوانا

[قاف @Qaf_96]

"أهلْك خابر مستحيل يوافقون
وعيال عمك مير ماتبغى وصاه

أقضي حياتك عانسة لايفرحون
وانا بعد عزابي لمدى الحياااه"

[فـهد @qwttvs]

رغم الوداع المرّ والواقع الشين
وذنوبي اللي كلّ ليل اقترفها

ودّي أشوف شلون ضحكتك هالحين
تغيّرت ولّا مثل ما اعرفها ؟

[فـهد @qwttvs]

ردوا سلام اهل القلوب المواليف
على الوليف اللي نشد عن وليفه

[فـهد @qwttvs]

تكلم لا تخليني على مفرق طرق وتروح
تكلم لوّ تجرحني بكلمه ما لها خانه

ما احب مْن الجروح الا جروحك يانديم الروح
لو انّ الجرح نابع من قسى ، بعتبره ميانه

تعال انت المليح اللي يجي من يدّك المملوح
قفص صدري مداهيلك تمثنى بين ريضانه

[فـهد @qwttvs]

اللي سمع يونس وهو في بطن حوت
ماهو بناسيني وانا اشم الهواء

[م.سعد @S3d1z]

من شان ما نندم على الحب الكبير
و الكَم دمع و كم ضحك و كم عام

يا صاحبي لا تقطع الحبل الأخير
على الأقل سلام .. عليك السلام

- سعد بن علوش

[صقر خالد النصافي @bp_c6]

بيينا حبل المواصيل انطوى
و الخفوق بغيبتك حاله خطر

ولا بقى لي من علاقتنا سوى
صورتين و وردة و علبة عطر

صقر خالد

[فـهد @qwttvs]

رح فمان الله قدر المستطاع
دام نفسك للمواصل بايعه

مالك الا دعاي في يوم الوداع
ودعتك اللي حافظٍ ودايعه

منته اول من شرا قربي وباع
هقوتي فالناس دايم ضايعه

كم هقيت ومال هقواتي متاع
لين لاع القلب حزنٍ لايعه

[فـهد @qwttvs]

سادك الحزن يا وجهٍ من أول ضحوك
رحت محدٍ درى عن روحك المُنهكه

شاحبة بسمتك وش فيك ، لافض فوك
بسمتك بسمة المهزوم في معركة

المشاعر لها في كل موقف سلوك
غالباً كل لحظات القلق مُربكة

للهُدى درب ما حوله تدور الشكوك
أعرف انه هُدى لكن عجزت أسلكه

[فـهد @qwttvs]

مدري وش اسميك ياعمري الجاي
وشلون اعيشك وانا عايش بدوني

الشوك ماهو من دروبي من خطاي
والخيبه اللي جاتني من ظنوني

يامدوريني بين شوقي وذكراي
اليا وصلت لراحتي ضيعوني

[فـهد @qwttvs]

على مفرق طريقين الرجوع وسكة الغياب
تخيرت الطريق اللي عسى ما يشبه الرجعه

تبعتك لين ما جف الحنين وماتت الاسباب
ولا باقي سبب مقنع يحرصني على الرجعه

[فـهد @qwttvs]

جيت لك ياحلم جيت غريبٍ لـلبلاد
احسب اني قبل لاجيك ياحـلم اغدي

لكن الفرحه يتيمه وهي وسط المهاد
اللي كان يخفف الثقل مامات بعدي

انطعن من رمح حظي ومن شلفا البعاد
ولاقـدرت اخـذ بثاره وسيفي فـي يـدي

[فـهد @qwttvs]

وقفت مثل السيف صامل بحربك
في موقفٍ حتى القرايب يصدون

ويوم الله امن خوف قلبك ورعبك
خليتني مابين ضيقات وظنون

والحين ابرحل وانت ابخص بذنبك
والجرح يتشافى مع الوقت ويهون

[فـهد @qwttvs]

زين انا بشبابي وهيج تعبان ، اذا اكبر بعد شيصير بيه ؟