لا تفكّر في الحياه و تنشغل و تداري
الحياة موليه و العمر معها مولّي
خل راسك دون صكات الليالي ضاري
ما تغيّره السنين و لا تحرّك ملّي
و ان برى حالك من الدنيا الدنيّه باري
كل كايد عند ربي ينعقد و يحلّي .
أضيّع دليل الراي وأخطي طريق الباب
ولا عاد أفكر في خروجي ومدخالي
وأسامر سواد الليل ونجومه السكّاب
وأسولف على نفسي وأنا بالخلا الخالي
هواجيس قلبي بالدقيقه تجيها أسراب
وأنا ما بكيت الماضي إلا من هبالي .
ظهر كل شينٍ وانتهى كل شيٍ زين
ولا عاد به في وقتنا اليوم مرتاحي
تخالط شريف الناس بالعالم الباقين
ولاعاد ندري وين الأجرب من الصاحي
تغير طبوع الناس يا مال فرقى العين
ودرب السعادة زل و ايّام الأفراحي .
لا ضـاق صدري ومليّت
نصيت جـو ما به إلا السرابي
جوٍ يسليني وانا به تسليّت
برً خـلا ما فيه كود الذيابي
ورقيت في راس العدامـه وغنيّت
أو مرقب ما جاه غير العقابي .