ِ ‏ ِ

﴿ اللهم إني اسألك حسن الخاتمه ﴾

[ِ ‏ ِ @r5agl]

كيف صرت الظالم اللي منت بادي
ما كبرك الشوق . . قلي من كبيرك

ما عرفتك من غدا لونك رمادي
و أنا واقف بين أولك و أخيرك

أنت تكذب و أنا أدري بس عادي
أنت كذبك عندي ولا صدّق غيرك .

[ِ ‏ ِ @r5agl]

الهنوف اللي فجر الاحد جات مسيّرة
اعلنت صفارة الانذار عن قرب الخطر :)

#صفارات_الانذار

[ِ ‏ ِ @r5agl]

أي والله أحبك وصايبني على حبك غلو
أ��د من غلو التزام الدين عقب الهستره

الناس شدوا من محل الجهل الأول ونزلو
في دار كلن ينقل أقلامه وينقل دفتره

أليا عطاك الله قبول الناس يمك لا اقبلو
ابرك من اللي لاعطيته وجه يعطيك اظهره

[ِ ‏ ِ @r5agl]

قلبي لغيرك شي ماهوب ف ايديه
وأبعد عليه من السما للأراضي

أبطي وهو قبلك يخمه ويخطيه
وأقنعته إن ما كل لاعب . . رياضي

الناس من بعدك هلا وأنت لبيه
الحاضر أنت وماضي الناس ماضي

[ِ ‏ ِ @r5agl]

سولف وانا بغرق معك بـ السواليف
صـح الجـروح النـايـمــه دفـيينه

موج البحر عاتي وينحت من السيف
نحت الليااالي في القلوب الحزيـنه

وانا اعرف ان ما بع�� كسر المجاديف
الا الغـرق ولا ضيييـاع الــسفينه

[ِ ‏ ِ @r5agl]

ماهقيت ان المواثيق تاليها وداع
سامح الله صاحب حدني لمفارقه

باعني عقب الغلا والغلا ماهو يباع
وأسهر جفون من الدمع قدهي غارقه

اذكر ان برق المواصل شعاني له شعاع
وذا اليوم برق المفارق شعاني بارقه .

[ِ ‏ ِ @r5agl]

أحيان أقول أشطب على العشره وأبو العشره
صليب لكن تحكمني قوانين العرب وادابها

ودك شبابك لا فعل يفخر بفعلته المشيب
ولا استرح وعزوم قلبك لا تبحث اركابها

[ِ ‏ ِ @r5agl]

نلهى والأيام تجري والليالي تفوت
والعمر محدود والدنيا الدنيه ممرْ

اجعل لنا كبر حظٍ مع كبار البخوت
وصيتٍ مثل نفح�� ( الكمبود ) فوق الج��ر

السمعة يموت راعيها وهي ماتموت
والطيب يعيش ذكره بعد عمره عمر

[ِ ‏ ِ @r5agl]

مادام الاحباب لـ بيوت الغلا تبني
لك فـ الحشى بيت من يقدر على هدمه

ماكل أحبك من اي انسان ! تعجبني
مشاعري عند بعض الناس منعدمه

من يوم . . حبيتك الله لا يعاقبني
حطيت كل الحبايب " خارج الخدمه "

[ِ ‏ ِ @r5agl]

الوجه هذا صدق والا مُنتحل ؟
والواسعه ذي عين ولا آنيه ؟

الواضح ان الحور فالجنه تحل
وشلون جيتي فالحياه الفانيه ؟

يدور حولك نحل قولي للنحل
ماني رحيق ولا قطوف دانيه

ويدور حولك كوكب ، الظاهر زحل
قولي له أن الشمس وحده ثانيه !

[ِ ‏ ِ @r5agl]

كنت احسب أنك من جروح ألزمن طبّي؟
لا تقصف الروح فيني الي مكفيني

هذي سواياك وانت تقول ياحبّي
وش عاد بقيّت للي ما يدانيني

لكن أمانتك من عقب أنتهى نبّي؟
أنهم مايدرون بالي بينك وبيني

وأنا على الرضا فيما قضا ربّي
الي مضى منك جعله في موازيني

[ِ ‏ ِ @r5agl]

يا شـاغـلـن بالــي بـذكـراك
قـل لـي متى تشتاق وأجيك

أمـوت بـك و أحيا بلـقـياك
وانسا البشر لي مر طاريـك .

[ِ ‏ ِ @r5agl]

فتنة جمال صاغها خالق الطين
حتى القمر يخجل ويشرق ضياها

تفرق عن الغيد العذارى بعامين
سبحان من كمل حلاها وعطاها

حكمت على حدب الضلوع السلاطين
واركت على عرش الفواد بعصاها

والله لو تتعب عليّ الموازين
ما يوفي قصيدي لو كتبت بحلاها

هذي قصيدة عاشق ما يلين
سجلتها لعيونها منً غلاها .

[ِ ‏ ِ @r5agl]

من عطاني قدري عطيته إحترامي
ومن تجاهلني تجاهلته و طفته

من يدور قربي عطيته إهتمامي
ومن يقفّي عني أهملته و عفته

و المكان اللي ينزّل من مقامي
تنكسر رجلي ليا جيته ولا حفته

[ِ ‏ ِ @r5agl]

عزي الحال اللي غدا بين ثنتين
شوق يحده وعزته تمنعه
« سعود بن مبارك »

[ِ ‏ ِ @r5agl]

وجودي على شوفه وداره وزين أحكاه 
وحودن ت��طم صلب الأضلاع من دونه .

[ِ ‏ ِ @r5agl]

أحبك لو يـموت الحب وتصير القلوب قبور
أحــبك كلــمه لو حرمـــوها حـل تفـكيري

ولو طالت مشاوير الطريق المظلم المهجور
انا لا من ذكــرتك قلـت أحــبك يا مشاويري

[ِ ‏ ِ @r5agl]

الخطا يا الأجودي ما هو بـ مني
وأعتذر لا صار مني لا " إرادي "

وأن نويـت تصـد ؟ عني صـد عني
والله أن الوضع عادي وأنت عادي .

[ِ ‏ ِ @r5agl]

الصمت يكفي ويشفي صدر راعيه
لا صـار كلّ الـحكي ماله مـعانـي

والقلب ما عاد تـعنيه المشاريه
والعين ما عاد تـغريـها الأماني

يا ليت حزني مجرد دمع وأبكيه
ما هو عايش معي بين المـحاني

مدري ذكّرنـي زمـان كنت ناسيه
مدري ذكّـرت الزمان اللي نسناني

[ِ ‏ ِ @r5agl]

وش عاد أسوي يومك اقفيت عني
لا أنا أتبع ألمقفي ولأ أحب فرقاك 
 
 « محمد بن فطيس »