رَحا

⌁ شاعر عنده أضطرابات شعرية .

𝑻𝒊𝒌: 𝒓𝒂.𝒉𝒂1𝒂

[رَحا @ra_haa1]

اللهم إني أسألك العفو والعافية في الدنيا والآخرة،
اللهم إني أسألك العفو والعافية في ديني ودنياي وأهلي ومالي،
اللهم استر عوراتي وآمن روعاتي،
واحفظني من بين يدي ومن خلفي وعن يميني وعن شمالي ومن فوقي،
وأعوذ بعظمتك أن أُغتال من تحتي.

[رَحا @ra_haa1]

أستغفرالله العظيم وأتوب إليه.🌷

[رَحا @ra_haa1]

اسامر همومي ( متكي على الكوع )
وصدري من الضيقه تقطع أنفاسه

أجامل العالم و أنا صدق !! موجوع
مِن ميلت الايام . . والا نتكاسه

أغيب ورجع ورجع اغيب لي سبوع
لا زان لي و قتي ( ولا زان ناسه )

صديت من حلمي ومن جلسة اربوع
ومن و احدٍ لا جيت دنق إبـ راسه

أنشهد إني من عنى الوقت مفجوع
ومافيه مر الا : تذوقت كاسه

في خاطري ضيقه وفي عيوني إدموع
دمعة حزن ماهيب دمعة و ناسه .

- رحا -

[رَحا @ra_haa1]

راحت وانا عندي أمل . . بنتواجه
بيجيبها الماضي والأحلام كفّت

تطري علي مع كل كسرة زجاجه
واشوفها حتى لو العين غفّت

كبدي من " الفرقى " كما حَرّ صاجه
وجفوني اللي ماهي إترف رفّت

أحاول " أعيش " الزمن !! وانعواجه
حتى لو إن العين تذرف ما جفّت

ما عاد عندي !! غير عقده - وتاجه
والصورة اللي فالحنايا تخفّت

أحلامنا كنها ( المطر ) في : عجاجه
وآمالنا يوم استنارت تـ طفّت

أول لقى : ( لمحتها ) وسط . . باجه
وآخر لقى يوم أستدارت وقفّت

أنا ( الحزين ) . . اللي تعكر مزاجه
ونفسه من الأيام طابت وعفّت

ضحيت من شانك على شان حاجه
والحاجه الي كنت أبيها . . توفّت

- رحا -

[رَحا @ra_haa1]

أخذ الكلام اللي !! من العود عمّد
الشايب اللي مافرق كبر سنه . .

يعطي لامر كنه على الجرح ضمّد
وحنا على رهن الاشارة وضنه . .

أقدم بنا والنار لازم . . ( ترمّد )
لو ترجع أجثثنا على ضهر دنه . .

من دون بيت الله . . وسنة محمد
ترخص أنفسنا دونهم دون منه . .

- رحا -

[رَحا @ra_haa1]

لا تلفق الفعل !! والتاريخ وش حدك
والناس تعرف من اقصاها الا اقصاها

لا تشغل الناس في نفسك وفي جدك
و أنته وجدك :( أخس ) الناس ورداها .

رحا -

[رَحا @ra_haa1]

أنا البارحه جالس أهوجس !! بليا روح
أعيوني على المسرى ورجلي تحتها نار

أجامل وكبدي تحترق والضمير يفوح
يجيني بلا من جلسة الناس، واستنفار

أغني وأنا ضايق وسولف وأنا مجروح
همومي تشابه قمة أطويق والسنجار

رهين المشاعر يكتم الحزن كتم البوح
ولا يكشف أسراره لو يصير مهما صار

ترجعني الذكرى . . ويحزني المبحوح
أبو صوت لا غنّى على نغمة ( الجيتار )

ياليت الحياة اتشابه إلـ وجهك المملوح
ما كان أتضح في وجهي الحزن للي مار

ألا يا حمام الدوح، ما فاد جرّ النوح
لو تهز غصن الحزن وتقطع الأشجار

ولو تكفخ الجنحان فوق السماء وتروح
أبتبقى سجين الدار لو ما عجبتك الدار

يردك على وكرك حنين الصبا والدوح
مثل ما يرد الحزن والضيق الاستغفار .

- رحا -

[رَحا @ra_haa1]

@3zoozvic طيب انت ويش دخلك لو ندفع 50 الف ريال ؟

[رَحا @ra_haa1]

كانت بقلبي كنز و غلى مِن الكنز
و حبها و شفق لها و هتويها !

وراحت وقلبي بعدها مقفلْ برمز
الله يسامحها ويستر عليها !

رحا -

[رَحا @ra_haa1]

ياحبيبي خَل عنك ( التغلي والغرور )
هات كل اللي بقلبك وقلبي يسمعك !

الغلا والشوق ما عاد تخفيه الصدور
العيون توضح الحبْ من قبل أجمعك !

أنت حاجه ماتعوض على مر العصور
قبل لا تعرف مرادي ولاعرف مطمعك !

أستلذ بجلسةٍ معك ؟؟ وأعيش الشعور
الشعور اللي ماحسيت فيه إلا معك !

- رحا -

[رَحا @ra_haa1]

تطرب لشعري وتسمعْ !! لاخر أبياتي
حتى لو أكتب حروف الشعر ماوفتها

المدح فيها :( يوصلني ) !! قناعاتي
وشعوري أكبر من إعجابي في شوفتها

لا مرت أتوقف ( شفاتي - ونظراتي )
تربك وجودي في طلتها . . ووقفتها

وإن سولفت حققتّ ( حلمي ) ورغباتي
وإن سلهمت حطت العالم في كفّتها

أذوب في عطرها !! وحنّ . . وحاتي
وأموت فالشامه اللي تحت شفتها .

رحا -

[رَحا @ra_haa1]

يدري انه بالغلى فارقٍ و امره مطاع
الله اللي زينه .. والله اللي قابله

جادلٍ من دونها الروح كل شيٍ يباع
مرخصٍ العمر لجله عشان اقابله

إغتنم وصل المحبين قدر المستطاع
وخلني أشوفك ( اليوم ) ولا القابله

والله اني خايفٍ لايجي يوم الوداع
الوداع اللي ما ياتي ' بَعده إمقابله

- رحا -

[رَحا @ra_haa1]

والله إن الحزن واضح . . مثل نظرت تميم
والله إن الفقد يوجع ويبطي ما ضمد

حلمي اللي مات والصدر من بعده هشيم
يشبه الـ دولة قطر مِن بعد فرقى حمد .

- رحا -

#قطر #حمد_بن_خليفة

[رَحا @ra_haa1]

الليل ياخذ من سنا !! وجنتينك
والصبح مع طلة جبينك يمرك

حتى العصر يغفى تَحت حاجبينك
أتظله ارموشك . . ولله درك

وانا معك ( تايه ) وفي ؟؟ حالتينك
مابين تفاحك ومابين خمرك

أذوب في عطرك وفي جمرتينك
و الجمرتين اللي بعد تحت . . ؟

- رحا -

[رَحا @ra_haa1]

بين تحديد المسافة وتحديد المصير
وبين رغبات المشاعر وفقدان الأمل

وبين لحظات السعادة وتأنيب الضمير
وبين جمع الشمل وشتات من بعد الشمل

وبين ودّ القلب وأحيان ما ودّي يصير
وبين يأس الصبر وصرّار وقّف يا جمل

العمر يمضي.. والأيام ما ترحم كسير
والسعادة يوم، واليوم الآخر ما اكتمل

كيف بدّلَه وتغاضى؟! وأقول إني بخير؟
وكلّ حاجة تنزف أوجاع وتزيد الحمل

- رحا -

[رَحا @ra_haa1]

بين صدمات المشاعر ولحظات الغروب
وبين حلمٍ مظلمٍ ما عرفت حكايته

وبين توديع الأماكن وتشتيت والدروب
ضاع فكري وانتهى الحلم قبل بدايته

كل ما مريت شارعك يا الخشف العوب
الكآبة فأول .. الشارع وفـ إنهايته

أكتشفت إن المدينة وعقلي في حروب
وأقتنعت إن الولاية ماهيب أولايته

أعتزلت الناس وأعلنت ساعات الهروب
خاطري عايف وطايب ويرفع رايته

أتركوني خلو الصدر.. تطرقه الهيوب
وخلو القلب الهواوي يعيش أهوايته

لا تلومون الشمالي ليا (عاف) الجنوب
ولا تلومون المقفي على .. قفايته

سامحٍ قلبي من مصافحة بعض القلوب
وحالفٍ يا خاطري لا يحقق غايته .

- رحا -

[رَحا @ra_haa1]

@ii_p305 لاهنت ع النقل

[رَحا @ra_haa1]

عذبة وفيك الزين . . يا زين الطباع
من جيدك المفتول !! حتى كاحله

يا كيف أقول أنتي سبب كل الضياع
ويا كيف أوصف خصرها اللي ناحله

لبّيه واللي : ( تأمره ) دااايم !! مطاع
ولبّى النحر . . من ساحله - لساحله

قفي ولاكن دون تلويح . . الوداااااع
أنا كذا ودي : ( أشوفك ) راحله ؟

- رحا -

[♡ ﮼شطر..🖤 @911__q8y]

يحق لك يالغلافي ؟؟ زينك اتفاخر
رفيعة الذوق (تجذبني ) وتملكني
في عيونها الحور ولا خصرها الزاخر
من وين ماميلت ب العود تهلكني
ما غيرها اللي يداوي جرحي الساخر
وما غيرها اللي تعذبني وتدركني
اليا حظرت تجذب أعيوني من الاخر
حظورها يربك !! العالم " ويربكني
ماتلبس الا الحرير - المخمل الفاخر
ولا تشتري إلا ديور وماركة دكني .