Toy Story من احلى الافلام الي شوفتها و أنا طفلة و من الfavorites عندي خصوصا اول جزئين بس coco في حتة لوحده مش ناسية اول مرة شوفته ولا ناسية ردة فعلي عالبلوت تويست الي فيه ده غير المشاعر الي بتوصلي كل مرة بشوف الفليم كأنها اول مرة،بالنسبة لي ده احلى فيلم لديزني آخر ١٠سنين 🤍
كنت بتكلم مع جوز أختي من شوية كعادتنا وجت سيرة كاس العالم وهوا مبيتابعش اوي
فسألني عن مواعيد الماتشات ولما عرّفته قالي كاس العالم ده هيكشف درجة إيمان مسلمين كتير
سألته إزاي؟
قالي اللي هيصحوا مخصوص من النوم ويظبطوا منبهات عشان يتفرجوا على ماتش كورة وهما مبيصحوش عشان يصلوا الفجر فرض ربهم
وللأسف إن كل اللي هيعمل كده لو روحت سألته دينك أهم ولا الكورة هيقولك ديني أهم أكيد
ف حين إن الأفعال أهم من الأقوال وده أبسط مثال يبينلك إنه منافق!
وختم كلامه إن الناس دي لازم تراجع نفسها وأهدافها في الحياة
أنا أول حد وقفت صامت قصاد الكلام ده
كإنها رسالة ليا ولتقصيري في مواعيد الصلاة
وحبيت أنقل الحديث ده هنا لعل أكون سبب فالتزام غيري وتغيير حياته
ربنا يهدينا جميعًا