رهف

هالشعر: بهجة وحيدة لي وألفين آه

[رهف @rahafmkl]

كانت «أفنان»، ذات الجنّتين الرغايد
تملك الموت وأسباب الحياة المجيدة

سولفت بالخلود، وقلت هالعمر بايد
وخْلقت بابتسامتها سنينٍ جديدة

يس

[رهف @rahafmkl]

فالصبح ما احاول اشارك عصافيره
فالليل نجمً لحالي في مرابيعي

دوّر من يغنّي الشعر لجماهيره
أنا جداول ظمايه من ينابيعي

نسى الزمن دهشتي نسيتني الحيره
نسى القلم مشيته من بين أصابيعي

فيصل مهنا

[رهف @rahafmkl]

بدونك الوقت لا يوْقف ولا هو يمْر
وأيامي العمر لا أخذها ولا فاتها !

ولا طوى الصبح في غيبتك ليلة شعر
ألاّ أنت سيّد دقايقها.. و ساعاتها

عبدالله مدعج

[رهف @rahafmkl]

من كم تمطر والسماء ما بها غيم
كم لي وأنا بين المطر والصحاري ؟

اثر الحنين المشتعل يشبه الديم
أروى العروق وظاهر الغصن عاري

عواض شاهر

[رهف @rahafmkl]

كل ماشفت قلبي يستحث المطايا
باتجاهك.. عرفت إنه تهادى عبيرك

قلت يالقلب جنّب عن دروب المنايا
قال: هذا مصير القلب وألا مصيرك

مساعد الرشيدي

[رهف @rahafmkl]

من ليّم القمرا على جال الطريق
وأومى لقلبي من بعيد وصاحبه

إلا أنت يالميّاس منثور الدليق
نهر الحياة اللي ضماي ارتاح به

مساعد الرشيدي

[رهف @rahafmkl]

ما دام للفكر نضح وللقصايد صهيل
ماهي غريبة لو تسيل الفيافي شعر

لو علقتني يدين الوصل فالمستحيل
ما مات حلم النحيل اللي طموحه قمر

نويحي البديري

[رهف @rahafmkl]

إن كتبتك صبح فاحت من زهور الشعر يدي
وإن كتبتك ليل قلبي شع و أضاء المسافة

فيصل مهنا

[رهف @rahafmkl]

ترنحي مثل غيبوبة بعين أجودي
من سرع ميعادها مايعرف أسبابها

وأمانتك لا وصلتي بي حدود الجدي
خلي مشاوير عمرك تذكر أحبابها

مساعد الرشيدي

[رهف @rahafmkl]

أنا من الدنيا قليّل محاصيل
وعمري طراته ساعةٍ من سهرها

ولذة منادمها ليا هوّد الليل
وراحت هبايب نجد تنثر شعرها

يس

[رهف @rahafmkl]

وأنت لك دون كلّ مجدّلات الضفاير
هاجسٍ ثاير وقلبٍ بدمّه حرارة

وبدويٍ نزح لك عن جميع العشاير
معه ورثٍ من أمجاده وباقي وقاره

يس

[رهف @rahafmkl]

هذا أنا مليان بالي وله / خالي وفاض
أدرّج في سكّة العمر مدري ويش أبي

أن تعجلّت المغبّة: مسير العمر راض
وأن تقاربت الوسيلة: تباعدت طلبي

عبدالله البديري

[رهف @rahafmkl]

حنا نحب الطيب ومزارق الطيب
ويكفي من التاريخ الأول صحيحه

وان كان له ربع ومقرّ ومعازيب
حنا هله يوم الليالي الشحيحه

مقحم الحريّص

[رهف @rahafmkl]

اشوف لك رقصٍ على هضبة خفوقي وسهله
كنه على ساقه حجول الزهر والصبح الجديد

عواض شاهر

[رهف @rahafmkl]

مسراك عطره يستثير النهابة
ومن فوق متنه بيد وأنوار وأغلال

تميع خطواتك وخوفك رتابة
يصحّي الأسفار وينوّم أظلال

مازن بن خطفه

[رهف @rahafmkl]

في خطوط الطول والعرض والما والجذور
والفضا والريح في قيظها في بردها

في الشعر والطرق والنص ما بين السطور
والضيا في غرة الشمس تلثم خدها

ألمحك والأرض في ذروة اللحظة تدور
لين توقف ضحكتك في فلكها وحدها

عبدالعزيز بدر

[رهف @rahafmkl]

تبسّمي لي أنا محتاج للنور
تدرين وش يعني النور ابتسامة

أحبك.. الحب هذا شيء مغرور
متمرّد ولا يطيق الاستقامة

سعد الخلاوي

[رهف @rahafmkl]

خذ يديني ماعطيتك عمر في لحظة تجلي
جيت لك غارق يخفّي من ورى ضحكه ندوبه

قودني لو للهلاك تقود ترحالي وحلي
نسّني أول شروق الشعر إلى حزة غروبه

عبدالعزيز المخلفي

[رهف @rahafmkl]

يا جيّةٍ عن كل ما ينقص؟ تْعيض
أكبر من إدراك العقل، وأفترضها

أنا حياتي بين: شِكّه، وتحريض
ولا أعتراض لْـ حكمة اللي فرضها

وقّفت مثل العود في جمرة القيض..
أزرى يردّ " القايله " عن غرضها

وأثر السحابة كنّت لْـ عيني الغيض
شحّت كثر ماشوف "وجهك" عوضها!

صالح حمد

[رهف @rahafmkl]

ألا يا مَن فلقت الصبح
و الحَب
و القمر نصفين

عسى مسراحنا لأجلك
و حرثتنا
و مضوانا

محمد أحمد