ياراوي الضامي الجايع
ياضيعتي .. لاتهاديتك
جيتك وانا للعمر .. بايع
ولا يمكن ارحل بعد جيتك
و لوجهك الطاهر مبايع
لاسمك واسم جدك وصيتك
ومن نادر الحب والشايع
بثنينهم صدق حبيتك
حتى الهوا لسكّتك طايع
كل الطرق تؤدي لبيتك
انا احبك .. وانا ضايع
أصلاً اذا ضعت دليتك :)
بتضيع بـ غربة الأيام وتعيش بـ ضياع
وتعرف إن مالي في فضا كونك بديل
انا النادر..وأنا اللي هيبتي تلوي الـذراع
وأنا اللي لا عطيت الغيم..ينبت لي نـفيل
تلفّ الأرض بـ طوال الفيافي والوساع
بتعوّد لي كسيـرٍ تطلب الودّ الـجزيل
والله ان تبطي ولو لفيت في كل البقاع
ولو تسوي وش تسوي ما أنت لاقي لي مثيل
وين تلقى مثل شخصي شخص وطباعي طباع
ووين تلقى مثل قلبي قلب أو مثلي خليل
البشر واجد ، نعم ، لكن فرق الإنطباع
يجعلك يمي تميل ويم غيري ما تميل
ليلةٍ فيها على " قلبي " زبنتي
ليتني غايب هذاك اليوم عنها
كنت أحبّك واستلذّك يوم كنتي
مهرةٍ ما ضاع من كفي رسنها !
إن وزنتي منطقك ، وإن ما وزنتي
ما لـ عبرات " العيون" إلاّ وطنها
الزمن : وقّف على ذكراك وانتي ؟
" غلطةٍ " عيّا العمر يدفع ثمنها
اشوف ان جيّتك وقت الحوايج جيتة المعروف
تبيّن قيمة المعروف .. لا من جاك في حلّه
لجل عينك حصرت احلى المعاني في ثلاث حروف
و وصفتك وصف ما جاوز حدود الدين والملّه