شوفت الفيديو بتاع القصف والناس اللي بتطير في السما بسببه؟
️اكيد شوفته ، مشهد مرعب ، مفيش حد يشوفه ولا يتأثر باللي فيه!
️طب واخرتها ️يعني هنفضل نتفرج بس؟!
️احنا مش بنتفرج وبس ، القصة بس إنك بتتعرض لضغط انساني بيغيب عقلك ويخليك مش شايف اللي بيحصل ، اللعب ع المشاعر والعواطف هدفه ، انك تلغي عقلك خالص وتستجيب للمشاعر ، ولما ده يحصل هتبقى خسرت كل حاجة
في نكسة ٦٧ الرئيس عبد الناصر مكانش عايز يحارب ، وكان حاطط استراتيجية شاملة للاستعداد للحرب ، وكان اسمها الخطط الخمسية ، اللي هو كل ٥ سنين هنمسك قطاع معين ونوقفه على رجله وبعدين نسيبه وندخل ع اللي بعده ،
لما بدأنا ننجح في الخطط دي ، وبقى عندنا نظام معيشي كان جيد جدا مقارنة بدول زى كوريا الجنوبية مثلا و اليابان
لما لقونا بننجح وداخلين ع الصناعات الاستراتيجية زي الصواريخ والطائرات قالك لاء ، كفاية لحد كده!
مارسو علينا نفس الصعبانيات ، واتهموا ناصر انه جبان وخايف وعميل ، ناصر استجاب للضغط وبدأ يتحرك ويصعد ،وكانت النتيجة ان خططنا باظت ، ارضنا راحت ، رجالتنا ماتت ، إقتصادنا انهار ، مستقبلنا ضاع ، واكتشفنا ان اللي كان بيسخننا ع الحرب كان متفق مع العدو ، وعرفنا ان مصر كانت متباعة من الكل!!!
والنهاردة لما بنقول لهم كده بيقولك محدش قالك حارب ، والراجل اللي تعاطف معاهم وضيع بلده علشان ينفذهم بقى اشهر ميم للفشل والقلش والضحك ، مادة خام للاستظراف والتريقة ، وبقى جمال عبد الناصر هو الرئيس اللي دخل ٤ حروب وخسر منهم ٥ ، كركركركر ، ضحكت؟! ، مش كده؟!
هما مش صعبان عليهم اهل غز-ة بجد؟!!
طب ��ا ياخدوهم عندهم ، انا بدأت أشوف رجال دين بيقولوا حفظ النفس مقدم على حفظ الارض ، ولازم نلحقهم وكده يعني ، آمين ، ما تاخدوهم بلدكم يا عم الشيخ؟! ، ما ارض الله واسعة ، اشمعنى مصر!!!!
انتوا مش بتقولوا عملتوا مكتب هجرة طوعية ، وبتقولوا عليها إقبال ، وبتقولوا نقلتم مئات لأندونيسيا وأوروبا؟! ، عايزين من مصر ايه؟! ، ما انتوا الدنيا ماشية معاكم اهو وزي الفل ، إيه المشكلة؟!!
اقولك المشكلة في تكرار مشهد ٦٧ تاني!!!!!
المشكلة انهم عايزين يوقعوا اقتصادنا اللى بيحاول يتعافى تاني ، ونرجع نخسر جيشنا تاني ، ونرجع نخسر بلدنا تاني ، هو ده المطلوب مش أي حاجة تانية
المطلوب اننا نسخن وننفعل وناخد قرارات عاطفية ، ولما تعمل كده هتلاقي الصعبانيات اختفت ، والقصف توقف ، وكله اتدور عليك ونسي القطاع خالص!!!
المطلوب ناخد ٢ مليون هيدخلوا ، وكمان سنتين هيقولوا عايزين ناخد تارنا ، يا هتقولهم لاء زي ما لبنان عملت وكانت النتيجة انهم عملوا حرب اهلية في لبنان استمرت ١٥ سنة بلا هدف ولا مكسب لاي حد ،
يا هتقولهم ايوة ، وتدخل في الصراع العبثي ده ، وتبقي طرف في صراع محدش عايز يحل فيه ، صراع سرمدي محدش بيستفيد منه إلا اطراف كلنا عارفينهم
عايزين يعملو نظام اقليمي جديد ، نظام إسلامجي بهوية امريكية شكله من برة يدغدغ مشاعر الاسلامجية لكن من جواه بلاوي ، رقاصة بس بالنقاب ، عر-بجي بس مربي دقنه ، شقة دعا-رة بس تحت منها في البدروم مسجد
النظام ده هيقوده فلوس الخليج واسرائيل ، باقي الدول هتبقى منقوصة الشرعية والسيادة لان اللي هيقودها مجرمين ، ومقصود ان يقودها مجرمين علشان محدش منهم يقول عايز حقي ، ويبقى ليهم ولي امر او راعي هو اللي يديرهم بالوكالة ،
ايوة ، زي ما بيحصل في سوريا بالضبط ، أرضك تتاخد فتطلع بيان ادانة ، ناسك يتهجروا تقول حفظ النفس اولى من حفظ الارض ، لكن واحد شيعي او علوي او صوفي او مسيحي يفتح بوقه معا��ا ، لا يسطى ده أنا هطلع وهدخل وهعمل كل حاجة ، ومحدش هيطلع بيان ادانة حتى!!!!!!!!
هو ده المطلوب من الفيديوهات اللي بنشوفها وهنشوفها وهنفضل نشوفها كتير!
وكل ما تتضايق افتكر جمال عبد الناصر وتضحياته وتعبه وقهرته اللي مات بسببها من الخداع والتلاعب والتآمر ، كل ما تزعل افتكر ان اللي بيحرضك ده متفق مع اللي بيضرب ودافع له رشوة كمان ، واحد يضرب والتاني يصور والتالت يندب ، افتكر ان الفيديو ده مش عفوي أبداً
عايزين اللي بيحصل في غز-ة ده يقف؟!
حلو ، موافقين جداً يبقى اللي بيدفع رشاوي لنتنياهو يبطل دفع ، اللي هيدفعوا تريليون دولار لترمب ميدفعش ، اللي ماسكين الاعلام السيا��ي يتلموا
لكن اوعى تفرض عليا نمط واحد وتقولي نصرة المستضعفين ، اوعى تعتدي على الشيعة والصوفية والعلويين والمسيحيين وتقولي الشرع بيقول كده ، ده انت اللي بتقول مش الشرع!
صحيح اهالي غزة مالهومش ذنب ، بس احنا كمان مالناش ذنب والله ، ده قدر ولازم كلنا نتحمله ونتصرف بكل عقل علشان التجربة أثبتت ان في الاخر احنا اللي بنحاسب ع المشاريب بس!
منقول