رعد النخيش

اللهم أغفر لوالدتي ولاخي واجعلهم في جنة الفردوس الاعلى

[رعد النخيش @rd_3z]

ياكثر ماحبه وياكثر ماغليه
وحتى اني اعده اخوي الصغيّر

من طيب راسه ماتغير مباديه
اغيب وارجع له وهو ماتغيّر

[رعد النخيش @rd_3z]

اللهم اغفر لامي ولأخي وتجاوز عنهم وانس وحشتهم ووسع مدخلهم وأكرم نزلهم وأبدلهم بدارً خير من دارهم وأهلً خير من أهلهم ونقهم من الذنوب والخطايا كما ينقى الثوب الابيض من الدنس واجعل قبورهم روضه من رياض الجنه

لحدً يقول ان الدعاوي سهايل
من موتت امي ياعرب ماتهنيت

راحت وخلتني اذوق الهوايل
وقلبي توفى مار انا ما توفيت

[رعد النخيش @rd_3z]

@f_alarjani صار راع البل ينافس هوامير العقار
قيمة الفلة شناحٍ تعضد حوارها

عزها اللي جعل ربي يعزه لـ الديار
رؤيته عزت حلال البدو واديارها

في ذرى محمد نعيش وهقوينا كبار
ونتبجح كل مالحرب ثار غبارها

[رعد النخيش @rd_3z]

هموم صدري والعناء والغرابيل
تسري عليّه ماتعرف التفاهم

مضرابها يثر على ساهر الليل
حتى الاطباء مانفعني دواهم

يارب لا شانت عليك التساهيل
ابغى السعاده مابغيت الدراهم

وياصاحبي لاتشتكي من بهاذيل
تشكي من الفرقاء وتطرد وراهم

لارضيت ربك اترك القال والقيل
اقفايت العالم مازادت غلاهم

وبالوالدين احسن وتلقى محاصيل
اطرد ورا الدنيا ودور رضاهم

والله مايضعف عزوم الرياجيل
الا ليا منه توفى حداهم

[رعد النخيش @rd_3z]

في يوم الجمعة اكثرو من الصلاة على النبي
اللهم صلي وسلم على سيدنا وحبيبنا محمد وعلى آله وأصحابه أجمعين
ولاتنسون سورة الكهف ..

[رعد النخيش @rd_3z]

سبحان الله
والحمدلله
ولا إله إلا الله
والله اكبر

[رعد النخيش @rd_3z]

يانجمة الصبح بالله لاينوح الحمام
اضيق من نوحها لامني اوحيتها

اي والله اني من الضيقه اطق البهام
واخذ واجر الحسايف لين مليتها

ياللي تنشّد عن الاحوال ماهي تمام
كم غصتً عن خفاك الليل غصيتها

الحزن بيّن عليه لو ادس الكلام
حقيقةً في عيوني كان خبيتها

من سبة الموت عيني ماتذوق المنام
الا من الحزن والونه لونيتها

اكفكف الدمع وضلوعي تراها حطام
وياشيب عيني من الدمعه لاحضيتها

يالايم الدمع وقف لاتسوق الملام
خل المدامع تحول في تواقيتها

افتوني ان البكى فالدين ذنب حرام
وعهدن عليه ماتذرف من تناهيتها

ولا اتركوني كذا لا حان وقت الظلام
يرتاح صدري من همومه لاهديتها

فواجع الموت لاحانت تشيل الكرام
وان مرت الطيبين اخذت نعاتيتها

اي والله اقفى سعدنا الي يبوج العتام
واقفى الفرح معه والاحزان خاويتها

دفنت لي ضلع ينومس نهار الحسام
ودفنت معه الطموح اللي تمنيتها

تبكيك كل القصايد ياكبير المقام
والدار وربوعك اللي رافعن صيتها

وتبكي عليك البجاديه وظلم وسلام
وداورد ويا الجموش تنوح لاجيتها

كلنا يهل المدامع من خوال وعمام
وانا عيوني لياء طروك هليتها

الدار ضاقت عليّه والمشاعر حيام
ياحزني قلبي بعدك ان جيت مريتها

منول اشد عضدي بك واشد الحزام
والحين حتى العزوم ادعي بـ تثبيتها

تركتني للدموع وللحزن والهيام
وسبقتني لامي الي فارقت بيتها

قلت الوعد فالمعايد يوم جمع الانام
ماقلت مع حيها او قلت مع ميتها

وعزوني الناس فيك وفالضلوع التحام
وانا حياتي وروحي فيك عزيتها

تبدلت عيدك مبارك وانا فالزحام
ب عظم الله اجرك يوم انا اوحيتها

يانجد هلي دموعك من بطون الغمام
ابكي على ناسً اشتلنا توابيتها

الموت لاسجت اذهاني يفك السهام
يضرب على الصدر كم مره ولاحصيتها

العام والي وراه او قبل خمسة عوام
يقصف واخذ معه ناسً ماتناسيتها

امي ياجعل امي لجنة عدن والرحام
راحت وقلبي تقطع يوم ضميتها

صلو عليها صلاة عقب صلى الامام
والله مدري وشنهي يوم صليتها

سجيت يوم الموذن قام كبر واقام
يارب تغفر لي الزله لا زليتها

ياجعلهم في جنان الخلد يوم الزحام
دعوةً كفوفً مع الاسحار مديتها

قد اهلك الحِزنُ قلبي واعلن الانهزام
صوادفُ الدهر تُولِمنِي لو اخفيتها

فرق العضيد احزنت موسى عليه السلام
لحدً يلوم العيون ان ضقت وابكيتها

[رعد النخيش @rd_3z]

قد اهلك الحِزنُ قلبي واعلان الانهزام
صوادفُ الدهر تُولِمني لو اخفيتها

فرق العضيد احزنت موسى عليه السلام
لحدً يلوم العيون ان ضقت وابكيتها

[رعد النخيش @rd_3z]

محبة الناس من محبة الله سبحانه وتعالى
( إن الله إذا أحب عبداً نادى جبريل إني أحب فلاناً فأحبه، ثم ينادي جبريل في أهل السماء: أن الله يحب فلان فأحبوه، ثم توضع له المحبة في الأرض )

سبحان الذي سخر له خلقه يدعون له
اللهم اغفرله وتجاوز عنه وانس وحشته ووسع مدخله واكرم نزله وثبته عند السوال واجعل قبره روضه من رياض الجنه هو وامي واخي وأموات المسلمين أجمعين
وإنا لله وإنا إليه راجعون
#سعود_العتيبي_في_ذمة_الله

[سعود العتيبي @saudtu]

سنرحل من هذي الدنيا يوم ما
يارب أجعلنا ممن مرو ولم يضرو
ممن تكون الجنة لهم دار ونلتقي بالأهل والأحباب .

حينها فقط إذكرونا بخير
وأدعو لناً

[رعد النخيش @rd_3z]

اللهم اغفر ل سعد اخوي وثبته عند السؤال واجعل قبره روضه من رياض الجنه ياحي ياقيوم

[رعد النخيش @rd_3z]

@daq48 حنا بلانا من قصيدً بلا احساس
ودك يكوى شاعره بـ الكوايا

[رعد النخيش @rd_3z]

عزمي اللي صادم اكبر المصايب
انثنى من موتت امي في يديه

شلتها من فوق متني لـ النصايب
ليتهم والله قد صلو عليه

[رعد النخيش @rd_3z]

العيد شوف امي تهلي من بعيد
وتوزع الحلوى بجمع القرايب

يالموت شفني ماحصل عيدي سعيد
ومن فجعتك شف راسي اليوم شايب

من عقب اخذت امي دموعي تراديد
وقامت على راسي تهل المصايب

فقدت طعم العيد يافرحه العيد
وفقدت زول امي ولاني بـ طايب

عيد اليتاما فـ المقابر تناهيد
ودموع عينً فوق روس النصايب

[رعد النخيش @rd_3z]

@mhmd_mnawr عسى فالك الاول يابو مناور ممثل قبيلة عتيبه 🔥☝🏼

[رعد النخيش @rd_3z]

افاخر واماري واتنومس وانا طربان
واحطه على يمناي واضرب ولا اسمي

هذا زحلً معرب هذا محزمً مليان
يكفيني انه من مطنخ بني عمي

[رعد النخيش @rd_3z]

قرمً له الفنجال الاول يمدا
للي مثل شرواه مد الفناجيل

من طيب راسه فالمدايح مبدا
بو نادر اللي لاوقف يعدل الميل

لو يقتدابه ماحدً قد تردا
شفت اغلب العالم زحول ورياجيل

[رعد النخيش @rd_3z]

لاطلبتي شاعرك شعرً فريد
الغزل لك ياعيوني ذاخره

انتي اللي تستحقين القصيد
ياول العنقود مانتي باخره :)

[رعد النخيش @rd_3z]

مابين سج وبين دمّع وودع
لا دالهن صدري ولا خف همي

حتى بيوت الشعر لاجيت اببدع
قامت تعزيني على موتت امي

[رعد النخيش @rd_3z]

الحب اله سكره مثل سكرة الكاس
شف اغلب الشعار راحو ضحايا