رد الـبرا

شاعر على حسب المشاعر

[رد الـبرا @rd_albara]

المصافح فالقلوب اصدق من مصافح الايادي
اسمحي لي كل يوم .. اصافحك وانتي بعيده

[رد الـبرا @rd_albara]

كم شجاعٍ ينطح الموت لا ثار الغبار
وان دعاه الي يحبه تجيه ام الركب

[رد الـبرا @rd_albara]

من درى ان الحب عِفّه وانا ماني عيوف
يدري ان الحب جنه و أنا مجنونها

مستحيل أجنب اللهفه وقلبي لهوف
شاف للعذال وقفه و وقف دونها

كيف ما أدلْه في تهاتيه يمّتها واحوف
وكيف ما ارخص عمري الي بقى و اصونها

وكيف أخليها ل الأيام و عيوني تشوف
وقلبي الي حبها ما يعرف يخونها

[رد الـبرا @rd_albara]

ليه أترك الحلم وأذرف من وراه الدموع
وأحلام الإنسان توخذ غصب ماتنعطى

تشكلي ياظروف الدهر ومن أي نوع
بجيك هادي ومتوازن وواثق خُطى

القلب ضد الكسر والراس ضد الخضوع
والمتن للشيل واليمنى لبذل العطا

يا اللي شعارك مع الايام (لا للرجوع)
كل الاماكن ترحّب فيك غير الوطى

[رد الـبرا @rd_albara]

الشدايد يـا جميله بالازمات اختبار
ينعرف فيها الظلال الطويل مـن القصير

كل ما اذكر حالتك بين غـار وبيـن نـار
راحت الدنيـا بعينـي عبـوسٍ قمطريـر

تحسبٍ إن حبك محاه التشدد والحصار
التشـدد فالمحبـه هـو الشـر الشرير

[رد الـبرا @rd_albara]

سولفوا عن كل شي إلاّ غياب الغالي
و اي شي فيه من جرح الفراق و طبّه

اسكتوا عني و صدّوا لين يسلا حالي
قد حلفت الرجم ذاك اني ما عاد اذبّه

سولفوا عن السحاب اللي وطاكم تالي
والشعِر و البل وغير العلم هذا كبّه

وانت ياللي كل شي فيك زين وحالي
لا تقول مجار مما جاك وانت السبّه

[رد الـبرا @rd_albara]

طال انتظاري و إنتظاري ممتلي شوق وحنين
مافيه قدره ل التحمّل لو ثلاثه ف الميَه

والله ما يقتل فرحة العشاق غير الغايبين
إليا طرو مع كل غيبة شمس و أنغام أغنيَه

الشوق لو يقلط له إللي جاهه يفك السجين
حقه ما يقبل فيه لا حذفت عقال ولا ديَه

[رد الـبرا @rd_albara]

وش يملك الأنسان غير انه يقول اللّٰه يعين
ولا أكثر الأمال بين المقبله والمقفيَه

إللي يدور ل السعاده في وجيه العابرين
ماهوب مثل إللي تلاشت من يديه الأمنيَه

على كثر ما تنقل الاخبار دورات السنين
لا زال ما يرفع مقام الحب غير التضحيَه

[رد الـبرا @rd_albara]

لكن تعالي ترى طبع الليالي قصار
نبغى نتمارى من أكثر حب بالمختصر

إذا غلبتك كفو وأستاهل الانتصار
وإذا غلبتيني أنتي كنّي المنتصر

[رد الـبرا @rd_albara]

وش النجم البعيد و طمعته دام القمر موجود
قسم بالله ما حولك شبيه ولا لك مضاهي

احبك والله اني ما استحيت من الغلا والجود
ارددها وانا وجهي طويل ومحزمي راهي

[رد الـبرا @rd_albara]

أنا خطبت الشريفه يوم أهلها جلوس
ثنيت من دونها وأنا أستحق الثنا

دافع مهرها شوارد فكر ماهي فلوس
السبك والحبك والفكره وقو البنا

بعيوني أشوف دمعتها بثوب العروس
لو شاوروها لقوها ماتبي غير أنا

[رد الـبرا @rd_albara]

فقدت أنسّامك بـ صبحٍ هدوءه غاية المسكين
و وجهك كان عنوان الصَّباح و موعد إشرّاقي

[رد الـبرا @rd_albara]

سيلي مع الأمطار يابنت الرحيق
من جاك ما قدّامه الا العافيه

الجو هذا لا لنوم ولا طريق
لوجهك أنتي و الوزن و القافيه

[رد الـبرا @rd_albara]

الظلام اللي فهقْه البرق من قصر المدينه
شافته عيني مع الشبّاك و الهمني نظرها

كن برّاق الغيوم المرزمات كفوف زينه
تفهق خصال الجديل اللي ستر لبّة نحرها

وكني اللي من جمال اوصافها جاته سكينه
يوم زمّت عودها و التحتي مْن الفوقي ارها

[رد الـبرا @rd_albara]

إذا طاح المطر و البرق لاح و قرّب المرباع
ذكرت اللي تجيني راضيه و تروح مغصوبه

[رد الـبرا @rd_albara]

عانقيني لين اذوب من الهوى يا غاده
المسا هذا مثير وعاشقك متمادي

[رد الـبرا @rd_albara]

الذكريات آمرّها بعدك بـ صمت
كنّي . . على أعتاب القبور آتوطّى

البارحة .. ذكرتك ، وما تبسّمت
يبدو علي إني " بديت " آتخطّى

[رد الـبرا @rd_albara]

شوفك متى ماتهيّا عيد ثاني

[رد الـبرا @rd_albara]

عساني كلّ ما شدّيت ركبي.. يا حبيب الكلّ
أعوَّد قبل لا أكسر لك مقامي.. وأكْسِر شدادي

طلبتك لا تسلَّمني حبال المشكلة والحلّ
أنا رغم الوجع من ضحكتك؛ في ضحكتك غادي!

[رد الـبرا @rd_albara]

اخطيت عز الله على نفسي اخطيت
ليه اتذكر ،، وانتي اللي نسيتي

اكذب واقول اني سليت وتخطيت
وفيت ،، لكن حظرتك مااا وفيتي

لا لوّ تنفعني ، ولا ناافعٍ ليت
وش عااد ابا اسوي بـ لوّي وليتي

يابنت من ربعه يجونه على الصيت
ان كااان ما جيتي وَله ليه جيتي ؛)

[رد الـبرا @rd_albara]

شعور الحنين الي يجي كل ليلة عيد
يلخبط شعور الفرحه اللي نصايدها

الي فاقد له بنت اكابر وشيخة غيد
وقبل مايعايد نص ربعه يعايدها

يصوت ضميري فالحشا كنه ابن مهيد
على الطله الي فـ اول العيد فاقدها

حلالاه ياذاك المعنق وذاك الجيد
اليا علقت فستانها ونقشت يدها