حقيقي بستغرب الزاي وسط كل العبث اللي احنا فيه والاحداث المشوقه دي والدنيا اللي ساحلانا كلنا علي وشنا لسه في ناس كل اللي في دماغها يدخلوا في حياة غيرهم ويشغلوا نفسهم باللي حواليهم !!
حاسه اني بقيت امرأة ستينيه مش فاهمه اي حاجه في السوشيال ميديا ولا بفهم الايفيهات اللي الناس راحه جايه تقولها وبفكر ابيع الموبيل واجيب عده نوكيا بزراير تقول الو وخلاص
لو بتعدي بفترة صعبه وحاسس انك مضغوط وانك مش احسن حاجه حاول تبعد عن الناس كلها ومتتعاملش مع حد
عشان مش هتلاقي حد يستحملك لا اهل ولا حبيب ولا اصحاب ومش بعيد اصلاً يضغطوك اكتر
فا قضيها لوحدك واتعامل معاها لوحدك هتعرف وقتها تطلع منها لوحدك بردو
حد قالي قبل كدا ان كل ما هتعملي حاجات ذيادة عن الطبيعي كل ما اتمسكت عليكي غلطات اكتر
والحقيقه دا صح جدا الواحد المفروض ميعملش حاجه ذيادة عن الطبيعي
او الاحسن ميعملش حاجه اصلاً
باخد علي نفسي قرار كل يوم بليل اني مش هخلي حاجه تزعلني تاني ولا حد يبوظ عليا فرحتي ولا اضيع يوم من عمرى في نكد ..
بس وبصحي تاني يوم ناسيه القرار واي حد بينكد عليا عادي ويومي يبوظ في ثانيه